InfoHub Logo

Taqyryby: Keldi mine, Jańa Jyl keldi
Zal ishi ádemi bezendirilgen, ortaǵa shyrsha qoıylǵan, ár túrli oıynshyqtar ilingen, mýzyka áýenine ár túrli kıgen balalar kiredi.
1 - júrgizýshi: Tórle – tórle jańa jyl.
Aınalamyz tebirene jańa jyr.
Tórle – tórle qutty jyl.
Halyqqa ár kún tógip nur.
Tórle, tórle qutty jyl.
Qýanyshtan aınalady álem – jyr.
Balalardyń balalardyń qýanyshynda shek bolmaı.
Júrekteri qýanyshtan tolqyp tur.
Júrgizýshi: Keldi mine jańa - jyl sáýle shashyp,
Qulpyrady tabıǵat nury tasyp
Jańa jyldy aǵaıyn qarsy alaıyq
Shashý - shashyp, árqashan án - salaıyq.
Baqyt ákelsin osy jyl bárimizge,
Balalar men jastarǵa, kárimizge,
Ashyq aspan astynda oınap - kúlsek,
Baqyt pen qýanyshqa biz bólensek,
Allanyń nury jaýsyn ár úıge
Jaqsylyqty tileımin bar álemge
Jańa - jylda ár úıge baq darysyn,
Qýanyshpen aq tilek aqtarylsyn.
Quttyqtaý sóz: «Aq - Erke» balabaqshasynyń meńgerýshisi: Sarıeva Gúlmıra Dáýjanqyzyna beriledi.

2 - júrgizýshi: Qurmetti ata - analar jáne apaılar. Barlyǵyńyzdyń búgingi jańa jyldaryńyz qutty bolsyn. Kele jatqan jylan jyly bárińizge baqyt, shattyq, bereke, birlik, nesibe ákelsin. "Qoshaqan" tobynyń "Keldi, mine jańa jyl" atty erteńgiligimizdi ashýǵa ruqsat etińizder.

1 - júrgizýshi: Sizder úshin ár kúnimiz jyrymyz
Aǵylsyn tek tátti áýen men ánimiz
Aq peıildi jaqsy adamdar kesh jaryq
sálem dostar armysyzdar bárińiz.

Hor: "Shyrsha jyry" (Taýda týyp)
- Balalar shyrshamyzdyń shamy nege janbaı tur?
- Bilmeımiz.
- Múmkin biz shyrshamen mereke basynda amandaspaǵan shyǵarmyz?
- Shyrsha bizge renjip qalǵan bolar. Olaı bolsa, shyrshaǵa arnap taqpaqtar aıtyp bereıik..

1 oqýshy: Jasyl shyrsha tórdegi
Deıdi, "Báriń kóp meni"
Ketken ásem qulpyryp
Oıynshyqtar tur tunyp
- Balalar, men qardyń sydyryn estip turmyn. (Aqqala demin toqtata almaı júgirip keledi. Qolynda hat, zalǵa kiredi de qulaıdy )
- Sálemetsiz be, Aqqala! Siz bir jerińizdi aýyrtyp alǵan joqsyz ba?
Aqqala: Joq, ótirik quladym, balalardy kúldireıin dep. Men senderge hat alyp keldim.
Júrgizýshi: Hat kimnen eken?
Aqqala: Oılap tabyńdar, balalar. Bizge jańa jylda kim kóp syılyq beredi?
Balalar: Aıaz ata men Aqshaqar
Aqqala: Ózderiń qandaı tapqyrsyńdar.
Júrgizýshi: (Hatty oqıdy)
Biz de qazir senderdiń toılaryńda bolamyz.
Balalar, endeshe hatty ákelgen aqqalaǵa rahmet aıtyp taqpaq aıtyp bereıik.

Dınara: Aýyl aldy aqshaqar
Aqsha qarda balalar
Soǵyp jatyr aqqala
Jalqaýy joq jumysqa
Kip-kishkentaı dop qana
Bir ákelip qar úıip
Biri qarǵa az quıyp
Kúlisedi kúlimdep
Bitireıik dep qana.

Aqqala: Rahmet balalar, men sendermen oıyn oınaǵym kelip tur. Balalar sender sýyqtan qorqasyńdar ma?
- Al qoldaryń tońsa ne isteısińder?
- Biz shapalaq soǵamyz.
- Aıaqtaryń tońsa ne isteısińder?
- Biz aıaǵymyzdy topyrlatamyz.
- Onda balalar bárimiz ornymyzdan turyp tońyp qalmas úshin kóńildi bı bıleıik.
(Balalar bılep jatqanda jalmaýyz kempir ushyp kirdi)