InfoHub Logo

El jaılaýdan túsip, Shýdyń boıynda toryǵan kez eken, bir kúni erteń erte aq qyrqaǵa tolǵan aq úı qonyp qalypty. Súıtse, ol Kene hannyń aýyly eken. Qordaıdan túnde asyp, sol jerge kelip qonǵan eken. Birazdan keıin aýylǵa jasaýyldary kelipti. Meniń ákem qasyna kisi ertip, erýlikke soıys salyp alyp hannyń aýlyna barypty. Olardy qonaq úıge túsiripti. Bir kezde han shaqyrady dep eki jigit kelip, olardy ertip hannyń úıine alyp kiripti. Sálemdesip, jón surap bolǵasyn Kene han: «Jantaı, ormandarmen urysaıyn degen joq edim. El bolaıyq degenge kónbedi. Jaýǵa qosyldy. Elshimizdi baılady. Urlyǵyn bylaı istep jatyr. Kiná ózderinde, erteń elin shabamyn. Dýlat balasy irgeli el edińder, kózderińmen kórip, oljalaryńdy alyńdar», — depti. Aıtqanyndaı, hannyń qoly erteńmen Shýdyń arǵy jaǵyna ótipti. Pispektiń qasyndaǵy qara aǵashtyń bergi túbinde qyrǵyzdyń qoly kezdesip, soǵys bolyp, qyrǵyzdyń batyry ólip, qyrǵyz qoly qashypty. Qyrǵyzdar bet-betimen taýǵa qaraı kóship qashypty. Túsken oljany han elge taratyp beripti de, teriskeıge qaıta kóship ketipti.

Qysty kúni Kene han Jantaıǵa taǵy adam jiberipti. Basshysy ótegen batyrdyń nemeresi orman degen sheshen adam eken. Buǵybaı, Saýryq bastatqan batyrlar barypty. Qyrǵyzdar qoshemettep syılapty. Biraq eki aı jatqyzyp, jóndi jaýap bermeı attandyrypty deıdi.

Oqýǵa keńes beremiz:

Jalbyr batyr (İ nusqa)

Syrymnyń Nuraly handy shabýy (İİ nusqa)

Baımaǵambet sultan men Syrym batyr

---