InfoHub Logo

Atyraý oblysy, Atyraý qalasy,
№4 Iý. A. Gagarın atyndaǵy orta mektep psıhology
Nurǵalıeva Rysgúl Muhambetqyzy

Taqyryby: «Keshire bilý»
Maqsaty:
Oqýshylardyń ózderine túrli tapsyrmalar oryndatý arqyly jańa taqyrypty ashý, ózdik taldaý, baǵalaý áreketterin uıymdastyrý. Adamshylyq qundylyqtaryn, rýhanı baılyǵyn qalyptastyrý. Jaǵymdy sezimdi qalyptastyrý.
Psıhologıalyq ádis - tásilder:
Baqylaý, suraq - jaýap, anketa, test, psıhotrenıng elementteri, sýrettik test.

Kórnekilikter:
Aýdıo - baspa - quraldary, taratpa materıaldar, keste, test suraqtary, sýrettik test tapsyrmalary.

Sabaq barysy.
Trenıń erejesi:
Tyńdaı bilý
Belsendi qatysý
Sózdi bólmeý
Kúlimsireý
Syn aıtpaý
Ýaqytqa baǵyný

1. Uıymdastyrý. Trenıń: «Dostyq tory»
2. Sabaqtyń epıgrafy: «Adam bolyp týǵan soń, adam bolyp ótken jón» maǵynasyn tanystyrý.
3. «Mıǵa shabýyl»
(Taqtada Hose Martıdyń «Adam bola bilý - eń qıyn mamandyq», Rýsakovty «Biz rýhanı tazarmaı turyp eshqandaı ıgilikke qol jetkize almaımyz» jáne halyq sózi: «Rýhanı baılyq – meıirimdiliktiń bıik shyńy» degen naqyl sózderdiń bir - birimen qandaı baılanysy bar, qaǵaz betinde 4 - 5 sóılem jaz. (2 - mınýt).

Tapsyrmalardy oryndaýda balalardyń jaýap berýine jeńildik týdyrý maqsatynda mynadaı suraqtar qoıylady:
1. Adam mamandyǵy qandaı mamandyq, qalaı túsinesiń?
2. Rýhanı baılyq degen ne? Qandaı qasıetterdi jatqyzasyń?
3. Rýhanı baılyqqa baılanysty qandaı maqal - mátelder, naqyl sózder bilesiń?
(4 - 5 oqýshynyń oıymen bólisedi).

Túıin: Adam mamandyǵy - adamgershiligi mol, rýhanı taza adam. Rýhanı baılyqqa - ótirik aıtpaý, adam eńbegin jemeý, bireýge jaqsylyq jasaý, keshire bilý, meıirimdi bolý t. b. jatady.
Rýhanı taza emes adam - ótirik aıtatyn, kóbine bireýlerge renjip, jaqtyrmaı júretin, tek ózin ǵana durys dep sanaıtyn, ózin basqanyń ornyna qoıa almaıtyn, qý, ótirik aıtatyn adam. Ondaı adamdardyń ómirde birde bolmasa, birde joly bolmaıtyny anyq.
Meıirimdilik - keshire bilý, bireýge jaqsylyq jasaý. Bireýge jaqsylyq jasaı bilý - ol jaqsy kórýmen birdeı. Ondaı adamdar bir - birine jamandyq jasamaıdy, bir - birin keshire biledi. «Bireýge or qazba óziń túsesiń», «Ótiriktiń sońy bir tutam», «Sen bireýdi aldasań, erteń seni bireý aldaıdy», t. b.

4. Jańa taqyryp:
Meıirimdiliktiń eń bıik shyńy, negizi - keshire bilý. Olaı bolsa, búgingi jańa taqyrybymyz «Keshire bilý».
5. Aýdıo baspa.
Osy sezimdi seziný úshin, túsiný úshin, osy sezimge ený úshin aýdıo baspadan án yrǵaǵymen áýendi tyńdaıyq. Ózimiz yńǵaılanyp otyryp, tek án áýenimen, áýendegi sózderdi muqıat tyńdaı otyryp, sol sezimge túsýge tyrysamyz. (2 - 3 mınýt).

6. Keri baılanys.
Oqýshylarǵa kelesi suraqty qoıa otyryp, sezimderi boıynsha oı bólisedi.
1. Qandaı sezimde bolasyń? Kóńil qalý seziminde boldyń ba?
2. Ózińdi renjitken, kóńilińdi qaldyrǵan adamdardy esińe túsire aldyń ba?
3. Oǵan degen kózqarasyń qalaı, keshire aldyń ba?

7. Sýrettik test (refleksıa). «Sezimińdi sýrette».

Tústik palıtra arqyly óz sezimimizdi aq qaǵaz betine túsiremiz. Ózderińizge tanys adamnyń sezimin túster arqyly beıneleýge bolady. Óz sezimimizdi ár túrli túster arqyly qoldaryńyzǵa taratylǵan bala beınesindegi sýretke túsiresizder. Taqtada adamda kezdesetin sezimderdi beıneleıtin túster kestesi ilýli turady. Sol túster arqyly siz qandaı sezimdesiz, sol sezimińizdiń qandaı deńgeıde ekenin balanyń dene múshelerindegi bólikterdi boıaý arqyly túsiresiz.

8. Taratpa materıal.
Endigi búgingi jańa taqyrybymyzdyń, ıaǵnı «keshire bilý» qasıetiniń ǵylymı psıhologıalyq anyqtamasyn taratpa tapsyrmalardy oryndaý arqyly ashamyz.
Jańa taqyryptyń ǵylymı anyqtamasy:
Keshire bilý - rýhanı baılyqtyń qundysy, jaǵymdy qasıet, meıirimdiliktiń bıik shyńy.
Keshire bilý - jaqsy kóre bilý. L. N. Tolstoı «Jaqsy kórý - bul bireýge jaqsylyq jasaý» dep aıtyp ketken.

9. Psıholog keńesi.
Kestedegi keńesterdi maǵynasyn asha otyryp, jazdyrý.

10 «Tumarsha» oıyn.
Sabaqty án yrǵaǵymen «tumarsha» oıynymen aıaqtalady.
Oıynnyń barysy: «Adamdardyń bir - birine jaqsy tilek aıtyp, jaqsy sóz, nyshan bildirý, adamǵa rýhanı qazyna beredi. Osy maqsatta halyq maqaly «Jaqsy sóz – jarym yrys» tegin aıtylmaǵan. Jaqsylyq tileýde, keshire bilý de ońaı emes, oǵan daǵdylaný kerek. Olaı bolsa bir - birimizge jaqsy tilek, jaǵymdy sezim syılaıyq.
Oqýshylar, kelgen qonaqtar!
Barlyqtaryńyzǵa men bir - bir tumarsha beremin, osy tumarshadan bir jipti alyp, basqalarǵa jaqsy tilek aıta otyryp, sol adamnyń moınyndaǵy tumarshaǵa baılaısyz. Tek kózine qarap otyryp aıtasyz.