InfoHub Logo

Sabaqtyń maqsaty: Balalarmen erkin qarym - qatynas jasaı otyryp, ókpe - renishtiń zıanyn uǵyndyrý; «keshirim», «keshirimdilik», «keshirim suraý» uǵymdarynyń máni men mańyzynyń tikeleı adamǵa nemese aınala qorshaǵan ortaǵa tıgizetin áserin uǵyndyrý.
Mindeti:
- «keshirim», «keshirimdilik» uǵymdaryna qatysty belgili tulǵalardyń oı - pikirlerimen tanysyp, oı túıýge, qorytyndy shyǵarýǵa úıretý.
- keshirimdi bolýǵa, basqa adamdarmen túsinisýge daǵdylandyrý.
- keńpeıildilikke, adamgershilikke, ózara túsinistikke, bireýdi tyńdaı bilýge tárbıeleý.
Sabaqtyń túri: aralas sabaq
Sabaqtyń ádis - tásilderi: suraq - jaýap, mátinmen jumys, dáptermen jumys, toppen jumys
Kórnekti qural - jabdyqtar: oqýlyq, dápter, ınteraktıvti taqta, túrli - tústi qaǵaz.

Sabaq barysy:
Uıymdastyrý kezeńi: (1 mın)
1. Oqýshylarmen sálemdesý
2. Oqýshylardy túgendeý
3. Oqýshylardyń nazaryn sabaqqa aýdarý
Úı tapsyrmasyn suraý (maqal - mátelder) (3 mın)
Sabaqtyń maqsatyn habarlaý: (1 mın)
«Bala ádetti jasynan tamyzyqtap jınaıdy» dep J. Aımaýytov atamyz aıtqandaı, búgingi sabaǵymyzdyń negizgi maqsaty – «keshirim», «keshirim suraý», «keshirimdilik» sózderiniń máni men mańyzyn túsinip, keshire bilýge úırený.

Shattyq sheńberi (5 mın)
Al qane, balalar, shattyq sheńberin quraıyq. Ústel ústindegi qaǵazdardy ala qoıyńyzdar. Endi eki - ekiden bir - birimizge qaraımyz. Eger qaǵazda kúlimdeý (smaılık) belgisi tursa, bir - birine kúlimdep ısharatpen amandasyp jyly sózderdi aıtamyz, eger eki smaılıktiń sýreti tursa, qoldasyp amandasyp jyly sózderdi aıtamyz, júrek belgisinde qushaqtasyp amandasyp, jyly sózderdi aıtamyz, kún belgisinde kúndeı bir - birimizge jyly qarap amandasyp, tilek aıtý kerek.

Áńgimelesý (5 mın)
1. «Keshirim», «keshirimdilik», «keshirimdi bolý» degendi qalaı túsinesizder?
2. Ókpelep, renjigende ózderińdi qalaı sezinesińder?
3. Keshirim suraǵan sátiń boldy ma?
4. Keshire bilý qıyn ba, keshirim suraý qıyn ba?
5. Seni kóbine qandaı jaǵdaılar ókpeletip, renjitedi?

Mátinmen jumys. (5 mın)
Oqýshylarǵa keshirimdiliktiń paıdasy men qajettiligin uǵyndyrý maqsatynda «Oqyp úıreneıik» aıdarynan A. Beısebaıdyń «Keshirimniń kúshi» mátinimen tanystyrý.
Kúndelikti ómirde kóp nárseni baıqamaısyń, qadirin bilip, baǵalamaı jatasyń. Ómirde óz oılaǵanymyzdaı bolmaı, qatelesip jatsaq, kóbinese kinálini izdeımiz. Ózgelerge kiná qoıyp, ókpe - renish tanytamyz. Qatelespeıtin adam bolmaıdy, sondyqtan keshire de bilý kerek. Al kek saqtaý adamdarǵa degen jek kórýshilik, senimsizdik týǵyzyp, jaǵdaıdy ýshyqtyryp jiberedi. Ózgelerge degen ókpe, renish, ashý adam ómirin qyzyqsyz etip, ózin baqytsyz sezintip, densaýlyǵyn nasharlatady. Keshirimdi bolmaı, óz jan dúnıemizdi qınap, ózimizge zıan keltiremiz. Júregimizge salmaq salamyz. Al ózgelerdi keshirgen kezde, boıymyz jeńildep, ol adamǵa jaqsylyq jasaǵandaı bolamyz. Alaıda bireýdi keshirý – eń aldymenen, ózimizge jasaǵan jaqsylyq ekenin túsingenimiz abzal. Ózgelerdi ylǵı renjitetin adamdar nelikten osyndaı qadamǵa, áreketke baratyny jaıly oılanyp kóreıik.
Keshirý degen ol adamdy túsiný shyǵar. Eger adamǵa túsinýshilikpen qarasań, sol sátte - aq ol adamǵa eshqandaı da ókpelemeısiń. Óıtkeni osyndaı jaǵdaıda ózim ne ister edim dep ózińe suraq qoıasyń. Ózińdi olardyń ornyna qoıyp, múmkin, erteń men onyń ornynda bolarmyn dep oılaısyń. Sol kezde keshirý ońaıyraq bolady. Eń bastysy aınalańa jaqsy nıetpen qarap, jaqsy kórseń, olardyń qateligin keshire de alasyń. Basqalardy jaqsy kórý úshin ózińdi óziń syılap, jaqsy kórýiń kerek. Al ózin jaqsy kóretin, syılaıtyn adam, óz jan dúnıesin jaman sezimdermen lastap, aýyrlatpaıdy.
Biz barlyǵyna keshirimmen, syılastyqpen, túsinistikpen, sergektikpen qaraýǵa tıispiz. Óıtkeni ómir sondaı tamasha, biz alǵa qaraı tek qana adal nıet, izgi istermen júrsek, ıgilikke jetemiz.

Suraqtar:
1. Ósıet áńgimeniń basty maǵynasy nede?
2.«Keshirý - ózgeni túsinýge tyrysý» degendi qalaı túsinesińder?

Tynyshtyq sáti (8 mın)
Al endi ókpe - renishtiń zıanynan boıdy aýlaq ustaý, ishtegi ókpe - renishten qutylý maqsatynda tynyshtyq sátin ótkizeıik.
Klasıkalyq mýzyka jiberiledi.
- Kózderińizdi jumyp, denelerińizdi erkin ustańyzdar.
- Demderińizdi ishke alyp, syrtqa shyǵaryńdar jáne sodan soń az ǵana úzilis jasańdar
- Endi sońǵy kezderdegi ókpe - renishterińdi eske túsirińder.(Kimge, ne sebepti renjidiń?)
- Osy ókpe - renishter bult bolyp seniń ishińde ornalasyp alǵan eken. Ol myna kindikterińniń tusynda tur. Endi sol jerge saýsaqtaryńdy aparyp, ókpe - renish bultyn kóterip alǵandaı sezinińder. Birte - birte bultty joǵary kóterip aýyzdaryńyzdan shyǵaryp jiberińizder.
Endi onyń ornyn jaqsy qasıettermen tolyqtyraıyq.
Kúnniń shýaǵyndaı osy jaqsy qasıetterdiń ishinen búgingi sabaǵymyzǵa qatysty qasıetti alyp, ishimizge ornalastyraıyq.
Osynyń ishindegi eń mańyzdy qasıet dep neni kórseter edińizder.
- Adamgershilik.
Olaı bolsa, ony júregimizge ornalastyryp alaıyq. Qane adamgershiligi mol keń peıildi júregimizge qol soǵyp qoıaıyq.

Dáptermen jumys. (5 mın)
Dápterimizdegi osy taqyrypqa baılanysty 1 tapsyrmany oryndaıyq.

Sergitý sáti. (1 mın)
- Qalaı jaǵdaıyń?
- Jaqsy! (saýsaǵymen kórsetedi)
- Qalaı júresiń?
- Bylaı! (eki saýsaqpen júrip kórsetý)
- Qalaı júgiresiń?
- Bylaı! (eki qolyn jınap, júgirgen kezdegi qımyldy kórsetý)
- Túnde qalaı uıyqtaısyń?
- Bylaı! (eki alaqanyn betine qoıady)
- Qalaı alasyń?
- Bylaı!
- Qalaı beresiń?
- Bylaı!
- Qalaı buzyq bolasyń?
- Bylaı! (eki urtyn tompıtyp, judyryqpen soǵý)
- Qorqytasyń ba?
- Bylaı! (saýsaq kórsetý)
- Kóńil - kúıiń qalaı?
- Óte jaqsy!

Dáıeksóz. (3 mın)
Keshire bilgen adam – kúshti adam. (A. Iúginekı)

Jamandyq keshire bilmeýden týady. Egerde biz keshirimshil bolsaq, yzalanbas edik. Sonda bizge bári de jaqsy kóriner edi. Egerde bir nárse kóńildegideı bolmasa, ashýlanasyń. Qazaq ertegisi
Keshirim suraı bilý – kisilik.
Sh. Aıtmatov
Keshirim suraý – baqyttyń baspaldaǵy.
M. Shahanov

Oıyn. (5 mın)
Eki topqa bólinińizder. Endi bulttardyń sýreti japsyrylǵan vatmannyń betin túrli tústi gúldermen toltyryńdar. Gúlderge jaqsy sózder jazý kerek. Eki top sózderdi daýystap oqyp beredi.
Qorytyndy: (1 mın)
Búgingi sabaqtan ne aldyńdar? Ne úırendińder?
Júrekten - júrekke: (2 mın)
Endi sizderdi «júrekten júrekke» aıdaryna shaqyramyn. Sheńber bolyp turyp, taqtadaǵy myna sózderdi hormen aıtamyz.
- Men jaıdarly, aqkóńil, belsendimin.
- Meniń qolymnan barlyǵy keledi.
- Men aınalama tek jaqsylyq tileımin.
- Men baqyttymyn.