InfoHub Logo

Synyptan tys is - sharanyń taqyryby: Kim bilimdi, kim kúshti, kim jyldam?

Maqsaty: Oqýshylardyń oı - órisin tereńdete otyryp, bilim - bilik daǵdylaryn qalyptastyrý. Logıkalyq oılaý, este saqtaý qabiletin damytý.
Pánge degen qyzyǵýshylyǵyn arttyrý, zerektigin qalyptastyrý.
Uıymshyldyqqa tárbıeleý.
Kórnekiligi: bezendirilgen sahna, kartochka, sýretter
Barysy:
1. Kórinis
2. Aýyzsha suraqtar
3. «1001 maqal, 101 jumbaq» baǵdarlamasy.
4. Maqal - máteldiń jalǵasyn tabý.
5. Keste toltyrý. Kim jyldam?
6. Grafıkter bıi
7. Tujyrymdamany tabý
8. Kim mergen, kim kúshti?
9. Oqyǵan biler ár sózdi

Júrgizýshi:
Sálemetsizder me! Apta jańalyqtarymen tanystyraıyn. Bul aptada aýdanymyzdaǵy №1 orta mektebi men Abaı atyndaǵy №2 qazaq orta mektebinde matematıka muǵalimderine arnalǵan oblystyq semınar bolyp jatyr. Semınarda ashyq sabaqtar berilip, synyptan tys is - sharalar ótilýde. Bizder matematıka páni muǵalimderi men oqýshylarǵa merekelik kóńil - kúı tileı otyryp, sizdermen tikeleı baılanysta ekendigimizdi eskertemiz.№2 qazaq orta mektebine arnaıy ózimizdiń reporterimizdi jibergenbiz.
(sahnaǵa reporter - oqýshy jáne 7 - synyp oqýshylary shyǵady)
Reporter: Qaıda barsam da, qaıda qarasam da aldymnan matematıka shyǵa keledi. Mynaý ózi qaı el? Ejelgi úndiler me?
Avtor(sahna syrtynan)
Ejelgi úndilerde mynadaı ańyz bar. Erikken shah bir danyshpandy shaqyryp alyp bylaı depti:
Shah: Áı, danyshpan men saǵan tapsyrma berem. Sol tapsyrmany tez arada orynda. Sen bir oıyn oılap tap. Ol oıynda eki eldiń soǵysýy, arbasýy, qorǵany kóz aldymda kórinip turatyn bolsyn!
Danyshpan: Qurmetti shah ıem, maǵan shamaly múmkindik ber. Biraq meniń de sizge qoıar tilegim bar. Tilegim: suraǵan syıymdy beretin bolyńyz.
Avtor: Danyshpan ketip, shah óziniń saraıynda oıyn - saýyǵyn jalǵastyryp jata beredi.
(mýzyka yrǵaǵymen bılegen qyzdar toby)
Avtor: Ýádeli ýaqyt bitip, danyshpan shahqa keledi.
Danyshpan: (ákelgen shahmat taqtasyn aldyna qoıyp)
Shah ıem, aıtqanyńyz oryndaldy. Sizdiń tilegińizdiń barlyǵy 64 shaqpaqtan turatyn myna bir taqtaıdyń betinde. Aldyńǵy shepte sarbazdar, atty áskerler, qasyńyzda aqyl - keńes beretin áskerı kómekshińiz de bar. Árqaısysynyń júretin joly jáne sheni bar. Bul áskerı oıynnyń aty -«Shahmat» bolady. Endi meniń tilegimdi tyńdańyz.
Shah: Aıt tilegińdi!
Danyshpan: Shahmat taqtasynyń bir shaqpaǵyna bir bıdaı dánin, ekinshisine odan eki ese kóp, ıaǵnı eki dán, al úshinshisine ekinshisinen eki ese kóp, ıaǵnı tórt dán, ary qaraı sol sıaqty 64 shaqpaqqa deıin eseleı óse beretindeı mólsherde bıdaı ber.