InfoHub Logo

Taqyryby: Kishi aǵash attan sekirý. Aıaqty ashyp, búgip sekirýlerdi damytý.
Sabaqtyń maqsaty:
Saýyqtyrý: densaýlyqty jan - jaqty nyǵaıtýǵa jáne úılesimdi dene damýyna kómektesý, dene músinin durys qalyptastyrý;
Bilimdik: qýat - kúshin, ıkemdiligin, tózimdiligi men tabandylyǵyn arttyrýǵa kóńil bólý;
Tárbıelik: oqýshylardy adamgershilik, aqyl-oı, estetıkalyq jáne eńbek tárbıesine baýlý.
Kerekti qural: mattar.
Kórnekilik: akrobatıkalyq sýretter.

Sabaqtyń barysy:
I Kirispe bólim 5 – 8 mın.
1) Sapqa turǵyzý, oqýshylardyń qatysy jóninde baıandaý.
2) Ótetin sabaqtyń mindetterin túsindirý.
3) Dene qyzdyrýǵa arnalǵan birneshe saptyq jáne rettik jattyǵýlardy jasaý. Daıyndyq jattyǵýlary:
a) aıaqty túzý ustap, alǵa serpilý, ár aıaqpen kezek - kezek 15 - 20 serpilis jasaý (25 - 40 sek., 2 - ret qaıtalaý)
á) oryndyqta, edende otyryp:
- aıaqqa kúsh túsirmeı 12 - 15 ret serpilý, 2 ret qaıtalanady,
- tizeni búgý arqyly kezek - kezek keýdege tıgizý (12 - ret qaıtalanady),
- aıaqty túzý ustap, bıik kóterý (8 - 10 retten 2 - ret qaıtalanady);
- aıaqty 3 - 5 sek. kóterip ustap turý (2 ret). Taǵy basqa jattyǵýlardy paıdalaný.

İİ Negizgi bólim 32 - 35 mın.
Sekirý jattyǵýlary bulshyq etterdi ósirip, nyǵaıtýǵa, tynys alý men qan aınalý júıesiniń qyzmetin jaqsartýǵa, ár túrli bıiktiktegi kedergilerden tez jáne ońaı sekirip ótý daǵdysyn meńgerýge jaǵdaı jasaıdy. Sonymen qatar eptilikti, batyldyqty, shapshańdylyqty damytady, keńistikti tez baǵdarlaı bilýge tárbıeleıdi.
Árbir sekirý kezinde myna tómendegi sekirý elementteri oryndalady:
1) aıaqty jerge tirep serpilýge daıyndalý;
2) serpilý;
3) ushý;
4) jerge túsý.
5) Sekirýge daıyndyq jattyǵýlardy oryndatý.
6) Kishi attan (bıiktigi 100 - 115 sm.) aıaqty jazyp, qoldy tirep sekirý úshin ekpin alý, kópirshege sekirip túsý, aıaqpen serpilý jerge túsý qozǵalystarynyń reti durys saqtalýy kerek. Osyny qaıtalap oryndaǵannan keıin ǵana myna negizgi jattyǵýlardy oryndaýǵa kirisý qajet: kishi aǵash atqa aıaqty alshaq ustap sekirip shyǵý; otyrý jáne shalqaıyńqyrap, joǵary ári alǵa qaraı sekirip túsý.
3) Sekirýge kómek berý men qaýipsizdik sharalaryn qatty saqtaý kerek.

İİİ Qorytyndy bólimi 3 - 5 mın.
1) Baǵalaý, madaqtaý.