InfoHub Logo

Taqyryby: Kishkene qyzdyń erligi
MAQSATY: 1. Oqýshylardyń bilim deńgeıin keńeıtý; sóıleý tilin damytý; tirek sózder arqyly durys sóılemder qurýǵa daǵdylandyrý;
2. Oı órisin keńeıtý; óz oıyn erkin jetkize bilýin, ózindik jumys jasaý, ózgelerdiń oıyn, pikirin tyńdaı bilýge daǵdylaryn qalyptastyrý;
3. Oqýshylardy qıyndyqty jeńe bilýge, erlikke, otanshyldyqqa baýlý

TANYMDYQ SABAQ: STO baǵdarlamasynyń strategıalarymen júrgiziledi: dóńgelek ústel, termındermen boljaý ádisi, áńgime kestesi, boljaý kartasy, mátinmen jumys, pikir aıtý
KÓRNELİK: tirek sýretter, áńgime kestesi, sózdik, baǵalaý paraǵy

SABAQTYŃ BARYSY: Synyp úsh topqa bólinip otyrady. Top jetekshileri belgilenip,
baǵalaý paraǵy taratylady.
İ qadam QYZYǴÝSHYLYQTY OIATÝ

Oı qozǵaý Muǵalim sózi:
Biz búgin batyrlyq, erlik taqyrybyna sóz qozǵaımyz. Aldyn ala tapsyrma boıynsha sender sýret salyp áńgime jazýlaryń kerek edi. Sonyń biri: «Shyn batyr el úshin týady, el úshin óledi. Olar biz úshin soǵysyp óldi. Biz olardy eshqashan umytpaýymyz kerek», dep jazypty Dına Uıqasbaeva. «Maǵan Mánshúk Mámetova óte unaıdy. Ol óte batyl, namysty, tapqyr jáne ıkemdi. Ol ózine tóngen qaýip qaterden qoryqpady.» (Alınanyń áńgimesinen)
Suraq: Basqa qandaı is áreketterdi erlik dep atar edik? (oqýshylar jaýaptaryn tyńdaý)

İİ qadam DÓŃGELEK ÚSTEL
1. Bir paraq qaǵazǵa «Erlik» taqyrybyna sóılemder jazý. Ony saǵat tilimen aınalyp, bir birin qaıtalamaı sóılemder jazý;
2. Sóılemderdi oqý;
3. İlip qoıý.

İİİ qadam MAǴYNANY TANÝ
Endi, balalar, búgingi ótetin taqyrybymyz «Kishkene qyzdyń erligi» mátini. Dápterlerińdi ashyp kún retin, taqyrypty jazyp qoıyńdar. Mátinmen tanyspastan buryn myna berilgen tirek sózdermen qysqa áńgime qurastyryp kórińder.
TERMINDERMEN BOLJAÝ ÁDİSİ
1. 1941 - 1945 jyldar
2. Órt – pojar
3. Kishkene qyz jáne onyń inileri
4. Qos – shalash
Ýaqyt 5 mınýt, 2 - 3 oqýshynyń jazǵandary tyńdalady.

MÁTİN «KİSHKENE QYZDYŃ ERLİGİ»

Bul oqıǵa ekinshi dúnıe júzilik soǵystyń bir aýyr jylynda bolyp edi.
Kolhozshylar kóktem shyǵysymen egis basyna qos tikti. Osyndaı qostardyń birine kúıeýi soǵysta júrgen Kúlán úsh balasymen kóship keldi. Jeti jastaǵy Jibek kishkene inilerine qaraıtyn. Sheshesi jumysta.
Bir kúni Jibek qostyń ishin sypyryp jatqanda, dalada oınap júrgen Nurjan:
- Jibek! Jibek! Ot! Ot!- dep júgirip keldi...

Mátin aıaqtalǵan joq. Aldaryńda boljaý kartasy jatyr. Sonyń İ jáne İİ bólimderin toltyryńdar