InfoHub Logo

Núsipbekova G.Sh
Dúnıetaný 3 synyp
Taqyryby: Paıdaly qazbalardyń túrleri
Maqsaty:
Bilimdiligi: Paıdaly qazbalardyń túrlerimen tanystyrý, olardyń adamǵa tıgizetin paıdasy men zıanyn túsindirý. Paıdaly qazbalardyń ken oryndary, shartty belgileri, óndirý ádisi jaıly túsinik berý.
Damytýshylyǵy: Oqýshylardy paıdaly qazbalar túrlerin ajyrata bilýge baýlý, logıkalyq oı - órisin damytý, izdenýshilik qabiletterin arttyrý.
Tárbıeliligi: Elimizdiń qazba - baılyqtaryn maqtan ete otyryp, ony únemdep jumsaýǵa, qorǵap, saqtaı bilýge baýlý, óz eline, jerine, Otanyna degen súıispenshilik sezimderin oıatý.
Sabaqtyń tıpi: Jańa sabaqty meńgertý.
Sabaqtyń túri: Saıys sabaǵy
Sabaqtyń ádis - tásilderi: oıyn, túsindirý, suraq - jaýap, áńgimeleý, kórnekilik.
Sabaqtyń kórnekiligi: karta, slaıd, sýretter, qurastyrmalar.

Sabaqtyń barysy
Uıymdastyrý kezeńi: Sálemetsizder me balalar!
- Kóńil - kúıleriń qalaı? Sabaqqa daıynsyńdar ma? Búgingi dúnıetaný sabaǵyn senderge men beremin Meniń aty - jónim: Aqbota Meıramqyzy.

Psıhologıalyq daıyndyq:
- Búgingi sabaqqa odan da jaqsy kóńil kúıimen qatysý úshin sendermen bir oıyn oınaıyq.
- Oıynymyzdyń aty «meniń - saǵan» dep atalady.
- Sharty boıynsha balalar sender oryndarynda otyryp, kózderińdi jumyp, áýendi tyńdap otyrasyńdar. Men senderdiń bireýleriniń qolyna kúniń kózin tastaımyn.
- Kimniń qolynda kúniń kózi tursa, sol bala synybyna jaqsy tilek aıtady.
- Daıynsyńdar ma balalar?
- Endeshe bastaıyq!
- Jaraısyńdar balalar!
Aýa - raıyn baqylaý: - Balalar sabaqty bastamas buryn búgingi aýa - raıyn baqylaıyq.
- Balalar, aspanyń kúıi qandaı búgin?
- Al aýanyń temperatýrasy?
- Jel baǵyty?
- Sýdyń kúıi?
- Jaraısyńdar balalar.

Úı tapsyrmasyn tekserý:
- Balalar úıge ne berildi?
Senderge úıden paıdaly qazbalar jáne olardyń adam ómirindegi mańyzy mátinin oqyp kelý berilgen bolatyn.
- Durys balalar, endeshe barlyǵyń taqtaǵa nazar aýdaryńdar! Taqtada adamdardyń sýretteri tur, ol adamdarǵa paıdaly qazbalar kerek. Ol paıdaly qazbalardy olarǵa alyp berý úshin biz Qarmaq oıynyn oınaımyz. Adamdarǵa mynaý turǵan paıdaly qazbalardy qarmaqpen aýlaý arqyly adamdarǵa beremiz. Ol paıdaly qazbalardyń arttarynda suraqtar bar, sol suraqtarǵa jaýap berý arqyly biz úı jumysyn qaıtalaımyz.
- Daıyn bolsańdar bastaıyq.

Suraqtar:
1. Úı, zaýyt, fabrıka qurylystaryn salý úshin kóp mólsherde ne jumsalady? Tas, qum, saz, ák
2. Metal ne jasaý úshin kerek? Mashınalar, ushaq pen keme, temir jol, kópir salý úshin.
3. Jerden qazyp alyp, adam qajetine jumsalatyn taý jynystaryn ne dep ataıdy? Paıdaly qazbalar
4. Adam kúndelikti turmysta paıdalanatyn paıdaly qazbalardy ata? Tuz
5. As tuzyn qaıdan alady? Tuzdy kólderdiń túbinen alady
6. Eń aldymen úı jasaý úshin ne isteıdi? İrgetasy quıylady
7. İrgetastyń ústine ne qalanady? Kirpish
8. Qandaı paıdaly qazbalardy bilesiń atap shyq? Munaı, gaz, tuz...
9. Metaldy qaıdan alady? Jer qoınaýynan óndiretin kennen aıyryp alady.
- Tamasha, balalar, úı jumysyna jaqsy daıyndalyp kelipsińder
Taqyrypty ashý: Taqtada ne kórip tursyńdar?
- Ia balalar sýretter. Ol sýretter: munaı, gaz, tas, temir, kómir... Munyń bári ne dep atalatyny bilesińder me?
- Durys aıtasyńdar! Paıdaly qazbalardyń túrleri.

Jańa sabaq: Paıdaly qazbalar degenimiz – jerden qazyp alyp, adam qajetine jumsalatyn taý jynystaryn ataıdy. Paıdaly qazbalardyń túrleri óte kóp. Olar qoldanylýyna qaraı negizgi úsh topqa bólinedi:
1. Janǵysh paıdaly qazbalar.
2. Kendi paıdaly qazbalar.
3. Kenge jatpaıtyn paıdaly qazbalar.
- Janǵysh paıdaly qazbalarǵa: tas kómir, munaı, gaz jatady. Tas kómirdiń asa iri ken orny – Qaraǵandy Kaspıı mańy oıpaty men Mańǵystaý túbeginde munaı men gazdyń asa baı ken oryndary bar.