Kók ógiz kózge tolyq, denesi mol,
Basqadan ózin ózi kóripti zor.
Tabyn tastap qosyldy jylqylarǵa
Sıyrmen birge júrsem bolam dep qor.

Dos bolyp ógiz, jylqy kóp kún ótti,
Bularǵa bir ordaly qasqyr kepti.
Janynan jylqy kúder úzgen kezde,
Kók ógiz qasyndaǵy kelip jetti.

Kújildep aýzyn ashyp múıiz shaıqap,
Jylqyǵa jolatpady bárin jaıqap.
Jymyp turǵan jylqylar úrkip qashty,
Qasqyrmen aınalǵanyn onyń baıqap.

Jylqy ketti, bálege ógiz qaldy,
Ókirtip tamam qasqyr ortaǵa aldy.
Daladan bir tol móshke daýsyn estip,
Dúrkirep olar-daǵy kelip qaldy.
Ár biri súzdi, qýdy qasqyrlardy
Áıteýir kók ógizdi aıryp aldy.

Ápendim, oı jiberseń bul bir aqyl,
Burynǵy kárıelerden qalǵan naqyl.

Jynysy basqa jylqylar tastap ketip,
Báleden óz jynysy qutqardy aqyr.
Kókke jetse, óz jynysyn qorlamasqa,
Bek nyqtap táýbe qylǵan ógiz batyr.

---