Kúńgirt túspen oıǵa batyp,
Oryndyqqa otyrǵan.
Júrek qany syrtqa atyp,
Bet aýzynan oqylǵan.

Bek muńaıyp aıtty kóz:
«Úmitsizbin» degen sóz.

Óńin tartqan ishine,
Yzǵarly tolqyn oılary.
Qaraǵyń kelmes túsine,
Tolqynǵa batqan boılary.

«Shynymmen boldym saǵan qor, –
Dep kórinisi aıtyp tur.

Bolyp qana syrtqa ashyq,
Kúleıin dep oılaıdy.
İshtegi tútin kep basyp,
Onysyna qoımaıdy.

Úmitti kóńil sheginip,
Jylatady egilip.

Dámelenip úmit tosyp,
Kóńil qaıda lepirgen?

Saǵynyp, oılap, týlap shoshyp,
Júrek qaıda sekirgen?

Amalsyz qazir sýyǵan,
Jylylyq joq jýyǵan.

---