InfoHub Logo

Uıymdastyrylǵan oqý qyzmetiniń tehnologıalyq kartasy
İ kishi top «Tabıǵat aıasynda».
Bilim salalary: Komýnıkasıa. Shyǵarmashylyq
Kiriktirilgen oqý qyzmeti: Kórkem ádebıet. Sýret salý.

«Kókónis» óleńi Ǵ. Ókeev. «Úlken qarbyz» (saýsaqpen salý)
Maqsaty:
B: Balalardyń tildik qarym - qatynasqa, durys sóıleý tiline nazar aýdara otyryp, kókónis týraly túsinikterin qalyptastyrý, olardy dámine qaraı ajyratýǵa úıretý.
D: Sózdik qoryn tolyqtyryp, jelili sýretterdi qaraýǵa yntasyn arttyra otyryp, jasyl tústi boıaýmen saýsaq ádisi arqyly dóńgelek pishin ishine jolaq salýǵa úıretip, qol matorıkasyn damytý
T: Balalardy tanymdyq qyzyǵýshylyqqa, boıaýmen jumys jasaýda uqyptylyqqa tárbıeleý.
Ádister: Áńgimelesý, suraq - jaýap, oıyn sergitý, sýret salý, STO ádisteri t. b
Kórnekilikter: Kókónister sýretteri beıne taspa oıyn, slaıd, úlestirmeli materıal.
Sózdik jumys: Kókónis, qarbyz, qyzanaq, baqsha, baǵban t. b

Motıvasıalyq qozǵaýshylyq
İ. Qyzyǵýshylyqty oıatý. «Oı qozǵaý».
Tárbıeshi jyl mezgiliniń tabıǵat qubylystaryn beıne taspadan kórsete otyryp, suraqtarǵa jaýap alady.
- Qazir jyldyń qaı mezgili?
- Kúzde qandaı ózgerister bolady eken?
- Kúzde ne jaýady?
- Kúzde qustar qaıda ushyp ketedi?
- Kúzde aǵashtarda qandaı ózgerister baıqalady?
- Kókónister men jemister týraly kim taqpaq aıtady?
Balalar ózderi biletin taqpaqtaryn aıtyp beredi.

Uıymdastyrýshylyq - izdenistik
İİ. Maǵynany taný. «Toptastyrý»
1. Ǵabbas Ókeevtiń «Kókónis» óleńin oqyp berý.
Kókónisti kóp ektik
Óssin, pissin dep ektik
Kóktemde ekken kókónis
Kúzde berdi kóp ónis.
Tárbıeshi balalarǵa óleńdi oqyp, mazmunyn túsindiredi. Olardyń tilderin jattyqtyryp, óleńdi 1 - 2 ret ilestire qaıtalatady.
2. Kókónister týraly áńgimeleý.
Kókónisterdi kóktemde tuqym sebý arqyly ósiremiz. Kúz aıynda jınaımyz. Jemister baqta, aǵashta, al kókónister baqshada ósedi. Jemister men kókónisterdi qaraıtyn adamdy baǵban deımiz.
Kókónister bizge mol ónim berý úshin, biz olardyń topyraǵyn qopsytýymyz kerek, aram shóbin julý jáne sýǵarýymyz kerek. Jer ana meıirimdi, óıtkeni kókónisterdi ósiredi, kún de meıirimdi shýaǵyn tógedi.
Kókónister jylý súıgish, sýyqqa tózimdi bolyp keledi t. b
3. Sózdik jumys: Kókónis, qarbyz, qyzanaq, baqsha, baǵban
4. Kókónistiń paıdasy
Sábizdiń quramynda dárýmender kóp. Kóp jeseńder, senderdiń boılaryń tez ósedi.
Qarbyzdyń da paıdasy kóp. Ony jegen adamnyń búıregine jaqsy paıdasy bar.
Pıazdyń tumaýǵa qarsy qasıeti bar. Jemister men kókónisterdi jýmaı jeýge bolmaıdy.
Tárbıeshi balalarǵa qarbyzdy sıpattap jasyrady. Ózi úlken, pishini domalaq, túsi jasyl, syrty qatty, ishi qyzyl, dámi tátti. Balalar, ol qandaı kókónis dep oılaısyńdar?
Balalardyń jaýaby.....
5. Sýret salý.«Úlken qarbyz» (saýsaqpen salý).
Tárbıeshi balalarǵa qarbyz beınesin saýsaqpen salyp boıaıtyndaryn aıtady.
Balalarǵa dóńgelek pishindi qarbyz sýretiniń ishine jasyl tústi boıaýmen saýsaq ádisi arqyly jolaq salýǵa úıretip kórsetedi.
Refleksıvtik - jınaqtaýshy

İİİ. Oı tolǵanys. «VENN» dıagramsy
«Ne qaıda ósedi?» qımyldy oıyny.
O/maqsaty: balalardyń jemis pen kókónistiń qaıda ósetinin ajyratýǵa úıretý.
Qarbyz ben pıazdy salystyrý.
Pıaz jemis pe, álde kókónis pe?
Qarbyz she?
Quramynda ne bar eken?
Kókónisti jýmaı jeýge bola ma? Balalardyń jaýaby....
Durys aıtasyńdar. Iaǵnı olardyń ortaq qasıeti ekeýi de kókónister. Jaraısyńdar balalar barlyqtaryń durys jaýap berdińder, oıyndy da jaqsy oınadyńdar.
Balalardy maqtap madaqtaý.

Kútiletin nátıje:
Balalar jemis pen kókónisterdi ataı biledi.
Kókónisterdiń baqshada ósetinin, olardy jýmaı paıdalanýǵa bolmaıtynyn túsinedi.
Sýretterin tanyp, pishinin, túsin ajyratyp, qoldana alady.