InfoHub Logo

Uıymdastyrylǵan oqý is - áreketiniń tehnologıalyq kartasy

Bilim berý salasy: Shyǵarmashylyq
Oqý - is - áreketi: Japsyrý
Taqyryby: Kókónister men jemister
Maqsaty: Balalardy kúz syılyqtarymen tanystyrýdy jalǵastyrý.
Bilimdilik mindetteri: Jemisterdiń pishini men olarǵa tán erekshelikterdi jetkizip kórsete bilýge úıretý.
Damytýshylyq mindetteri: Sharshy jáne tik tórtburyshty qaǵazdan ártúrli pishinderdi qıyp alý daǵdylaryn qalyptastyrý.
Qosarlap búkteý tásili arqyly birdeı zattardy qıý joldarymen tanystyrý.
Tárbıeshilik mindetteri: Japsyrýǵa qyzyǵýshylyqtaryn tárbıeleý.
Uqypty jumys isteýge daǵdylandyrý.
Ádis - tásili: Suraq - jaýap, kórsetý, túsindirý.
Sózdik jumys: Sharshy, tik tórtburysh, qosarlap búkteý

İs - áreketter kezeńderi:
Tárbıeshiniń is - áreketi
Shattyq sheńberi.
Kel, balalar, kúleıik,
Kúlkimenen túleıik.
Qabaq túıgen ne kerek.
Kóńildi bop júreıik.
Balalar, qazir jyldyń qaı mezgili?
- Durys. Qazir jyldyń kúz mezgili.
- Kúz mezgiliniń erekshelikterin bilesińder me?
- Kúzde kún sýyta bastaıdy.
- Kúzde qustar jyly jaqqa ushady.
- Kúz týraly qandaı taqpaqtar
bilesińder?
- Kúz mezgilinde qandaı jemister,
kókónister pisedi?
- Baqta ne ósedi?
- Baqshada ne ósedi?

D/o: «Zattyń atyn ata»

Sharty: Qorjynǵa salynǵan kókónister men jemisterdi qoldaryna alyp, olardyń erekshelikterin aıtady.
Uıqasyn tap.
İshi tolǵan shárbat,
Dámi qandaı áıbat.
Úzseń birden júzin,
Onyń aty - (júzim)

Dop – domalaq sary.
İshinde bar dáni.
Qyzyǵasyń kórip.
Onyń aty –(órik)

Bir sabaqta kóp túıme,
Jeı almaısyń kók kúıde.
Sanap qara, qansha?
Onyń aty (alsha)

Sergitý sáti:
Terbeledi aǵashtar.
Aldymnan jel esedi.
Kip - kishkentaı aǵashtar,
Úp - úlken bop ósedi.

Búgin bizge qonaqqa Baǵban ataı kelipti.
Ataı bizden kómek suraıdy.
-«Meniń jemis aǵashtarym bıyl mol ónim beripti, sony terýge kómektesińdershi» deıdi.
- Káne balalar ataıǵa kómektesemiz be?
Olaı bolsa búgingi oqý is - áreketimizde japsyrý. Túrli – tústi qaǵazdan alma men almurtty qosarlap búkteý ádisimen qıyp japsyraıyq.
Úlgi boıynsha jumys jasaý.
Qaıshyny, jelimdi abaılap, uqypty paıdalanamyz. Qıý kezinde qaǵazdyń bir buryshynan bastap kelesi buryshyna deıin qaıshyny erkin qozǵalyspen qozǵalta otyryp qıamyz.