InfoHub Logo

Sabaqtyń taqyryby: Kóktem – ana, qyzdar – gúl.
Sabaqtyń maqsaty: Januıadaǵy ana men bala arasyndaǵy qarym – qatynasty nyǵaıtý. Analaryna degen súıispenshilik sezimderin arttyrý. Meıirimdi bolýǵa, ata – anany qurmetteı bilýge tárbıeleý. Ónerlerin ortaǵa salý.
Sabaqtyń kórnekiligi: «Kóktem – ana, qyzdar - gúl» qabyrǵa gazeti, naqyl sózder.
Sabaqqa qajet qural – jabdyqtar: teledıdar, DVD, qaıshy, tústi qaǵaz, qaǵazdar, flomaster, tústi qaryndashtar.

Sabaqtyń barysy:
Muǵalim: Qurmetti analar, aıaýly qyzdar. Kóktemgi kúndeı jarqyrap, gúldeı qulpyrǵan gúl merekelerińiz, kún merekelerińiz qutty bolsyn. Búgingi «Kóktem – ana, qyzdar - gúl» atty tárbıe saǵatymyzǵa qosh keldińizder!

1 - oqýshy: Álpeshtegen aıalaǵan
Aq sút bergen apataıym.
Sálem jazyp búgin saǵan
Meıramyńmen quttyqtaımyn.
Hor: «Týǵan kúnińmen».
Muǵalim: Búgingi tárbıe saǵatymyz kóńildi, qyzyqty bolý maqsatymen óleń, jyr, bılerdiń arasynda analarǵa, ájelerge, qyzdarǵa arnalǵan shaǵyn saıystar ótkizemiz. Jeńimpazdardy maqtaý qaǵazymen marapattaımyz.
2 – oqýshy: Kim senderdi, balalar, súıetuǵyn,
Qýanyshyńa qýanyp, qaıǵyna kúıetuǵyn.
Tún uıqysyn tórt bólip, kirpik qaqpaı
Shesheń baıǵus damylsyz júretuǵyn.
3 – oqýshy: Kim senderdi, balalar, terbetetin
Erkeletip, oınatyp, sergitetin.
Jalqaý bolsań, balalar, jaman bolsań
Qamqor anań kóz jasyn kóldetetin.

1 - saıys. Ortaǵa 5 ana shyǵady kózderin jaýyp, balasynyń qolynan tabý. Maqtaý qaǵazyn, «Eń balajan ana» ataǵyn berý.
Án. «Anashym».
4 - oqýshy: Boıǵa qýat beredi
Áı, jaraısyń degeni.
Men anamnan ár kezde
Sony estigim keledi.
5 - oqýshy: Sabaǵymnan qalmaımyn
Bes alamyn bárinen.
Ozat oqyp árdaıym
Qýantamyn anamdy.
6 - oqýshy: Qamqorsyń ana ómirde
Qýatym sensiń kóńilge.
Álpeshtep meni ósirdiń
Usharmyn erteń kóginde.
2 - saıys. «Sýretshi ana» kózderin jaýyp óz balasynyń sýretin salý.
Án. «Bala tilegi».
7 - oqýshy: Ana deımiz bárimizde ańqyldap
Ana deıdi jas sábı de jarqyldap
Ana degen – báıteregi ómirdiń
Ana degen – altyn qazyq, altyn baq.
8 - oqýshy: Ana degen – asyl jandar bolattaı
Ana degen – móldir jandar bulaqtaı.
O, adamdar, qadirleı bil anany
Jat qylyqqa aqyl – oıdy tonatpaı.

3 - saıys. «Ánshi ana» besik jyryn aıtyp jarysý.
9 - oqýshy: Meniń ájem, bul ájem
Aıtqan sózi dál ájem.
Aman bolsa kóredi
Qyzyǵymdy áli ájem.
10 - oqýshy: Meniń ájem, nar ájem
Kóp jasaǵan kári ájem.
Aýyrǵanda men úshin
Ár súıgeni dári ájem.
11 - oqýshy: Meniń ájem, jyr ájem
Shýaǵy mol, nur ájem.
Aq taıaqqa súıenip
Aman – esen júr, ájem!

4 - saıys. «Eń sheber áje» tústi qaǵazdan ájeler oıý oıady.
Bı. «Qazaq bıi» oryndaıtyn: qyzdar toby.
12 - oqýshy: Áje maǵan úlgi sózińiz
Ónegesiz ózińiz
Jaqsylyqqa talpynyp
Bizdiń naǵyz kezimiz.
Jaqsy degen nemene
Jaman degen nemene,
Osyndaıda, ájetaı
Aıtyńyzshy ónege.

5 - saıys. «Eń meıirimdi áje» nemeresine erkeletetin sózder aıtý.
(balapanym, qoshaqanym, botam...... t. s. s.)
Án. «Asyl áje».
13 - oqýshy: Búgin naýryzdyń segizi
Sulýlyqtyń negizi
Ádemi sóz adamnyń
Anaǵa aıtar lebizi.
14 - oqýshy: Ardaqty analar! Shyn júrekten, óz qolymyzben jasaǵan shaǵyn
syılyǵymyzdy qabyl alyńyzdar.
(syılyqtaryn usynady).
15 - oqýshy: Dostyqty biz oılaımyz
Birge kúlip oınaımyz.
Qyzdardy da quttyqtap
Merekesin toılaımyz.
(uldar qyzdarǵa daıyndaǵan syılyqtaryn usynady).
Án. «Qyzdar - aı».
Sońynda quttyqtaý sózder analarǵa beriledi.