InfoHub Logo

Eresek toptaǵy balalardyń shyǵarmashylyq áleýetin damytý
Mektep jasyna deıingi balalardy damytý máselesi ulttyq damý strategıasymen tyǵyz baılanysty memlekettik saıasattyń ajyramas bóligi bolyp tabylady. Bala – bizdiń bolashaǵymyz. Olaı bolsa mektepke deıingi tárbıeleý men oqytý – balanyń ǵana emes, elimizdiń de jarqyn bolashaǵynyń kepili. Ol – úzdiksiz bilim berýdiń alǵashqy deńgeıi. Mektepke deıingi tárbıeleý men oqytýdyń negizgi maqsaty sondyqtan balanyń jeke basynyń qalyptasýy men damýy bolyp otyr.
Elimizdiń 12 jyldyq jalpy orta bilim berýge kóshýine baılanysty jańa memlekettik standartty engizý, mektepke deıingi uıymdardyń pedagogıkalyq úderisterin jańa baǵdarlamalarmen, ony júrgizýdiń tıimdi ádisterimen qamtamasyz etý qajettiligi týdy. Sonymen qatar mektepke deıingi eresek jastaǵy balalardy (5 - 6 jas) tárbıeleý men oqytý baǵdarlamalaryn daıyndaý ýaqyt suranysyna aınaldy. Usynylyp otyrǵan «Biz mektepke baramyz» baǵdarlamasy mektepke deıingi 5 - 6 jastaǵy balalardy tárbıeleý men damytýdyń psıhologıalyq - pedagogıkalyq jáne mazmundyq aspektilerin ashady jáne negizgi quzirettilikterdi qalyptastyrýdyń mindetterin júzege asyrady.

Baǵdarlamanyń mazmuny balanyń jeke jas ereksheliginiń múmkinshilikterin ashýǵa, bala tulǵasyn jan - jaqty damytýǵa, jalpy adamdyq, ulttyq qundylyqtarǵa negizdelgen bilim júıesin qalyptastyrýǵa, áleýmettik ortada oń qatynastarǵa qabiletti shyǵarmashyl tulǵany daıyndaýǵa baǵyttalǵan mektepke deıingi eresek jas balalardy tárbıeleý men oqytýdyń maqsattaryn sheshýdi kózdeıdi.