InfoHub Logo

Sabaqtyń túri: Ashyq sabaq
Sabaqtyń taqyryby: Kóktem keldi
Bilim berý salasy: «Áleýmettik orta»
Bólimi: «Ekologıa negizderi»
Maqsaty:
Bilimdilik: balalarǵa kóktemgi tabıǵat qubylystary men erekshelikteri týraly túsinik berý, jyl mezgilderi týraly bilimderin keńeıtý;
Damytýshylyq: oılaý, este saqtaý qabiletterin damytý, mánerlep oqýǵa baýlý;
Tárbıelik: tabıǵattaǵy ásemdikti baqylaýǵa daǵdylandyrý arqyly estetıkalyq tárbıe berý, adamgershilik qarym - qatynasqa baýlý.
Uıymdastyrylǵan oqý is – áreketiniń ádis – tásilderi: áńgimeleý, baıandaý, túsindirý, suraq – jaýap, oı qozǵaý, oıyn, toptastyrý.
Kórnekilikter: slaıd, qustar sýretteri, úıshik bólshekteri, gúlder buryshy.
Uıymdastyrylǵan oqý is áreket túri: ashyq sabaq
Uıymdastyrylǵan oqý is – áreket tıpi: aralas sabaq
Pánaralyq baılanys: til damytý, japsyrý, mýzyka.
Sózdik qor: úı qusy, dala qusy uǵymdary.

Uıymdastyrylǵan oqý is - áreketiniń barysy
Motıvasıalyq qozǵaýshy
- Balalar, búgin erekshe kún. Bizdiń oqý is – áreketimizge qatysý úshin qonaqtar kelip otyr, qonaqtarmen sálemdeseıik.
Balalar shattyq sheńberin quryp, qonaqtarmen sálemdesedi.
- Sálem deımin kúnge men,
Sálem deımin men saǵan,
Sálem deımin apaıǵa
Qonaqtarǵa, qustarǵa!
Uıymdastyrylǵan oqý is - áreketi psıhologıalyq kezeńnen (kóktem mezgiliniń tabıǵat qubylystary dybystary: qustar, jylǵada aqqan sý dybysy) bastalady.
- Balalar, bul neniń dybystary?
- Torǵaıdyń!
- Kógershinniń!
- Jeldiń!
- Iá, balalar bul – tabıǵat qubylystarynyń dybysy.
- Endi senderge jumbaq jasyraıyn.
Aq qar erip, sý kóbeıip,
Saı salaǵa tolady.
Aǵash basy búrshik shashyp
Gúl báısheshekke tolady.
Bóbekterim aıtyńdarshy
Bul qaı mezgil bolady?
- Kóktem!
- Demek, bizdiń búgingi ashyq sabaǵymyz jyldyń qaı mezgili týraly bolmaq?
- Kóktem!
(Balalar taqyrypty ózderi ashady.)
İzdený uıymdastyrýshy

Jańa sabaq
- Balalar, kóktemde kún shýaǵyn shashady, túrli gúlder ósedi, qar erıdi, eń alǵashqy báısheshekter paıda bolady, aǵashtar búrshik jarady, butaqtardan japyraqtar shyǵady, aǵashtar jasyl jelekke oranady, túrli - tústi gúlder ósedi, qustar jyrly jaqqa ushyp keledi, qustar uıa salady jáne jumyrtqalaıdy, adamdar jeńil kıinedi. Kóktem – tamasha jyl mezgili! (beıneler slaıdta kórsetiledi)

Tosyn sát. Shaǵala ushyp keledi.
- Men – shaǵalamyn. Osynda soltústikten ushyp keldim. munda kóktem kelipti. Biz, barlyq qustar senderge, jyly jaqqa ushyp keldik. Osynda uıa salamyz. Balalar, sender biz týraly qandaı taqpaq bilesińder?
- Keldi kóktem jaǵaǵa,
Keldi sulý shaǵala.
Aspandaǵy aq qustar
Aýylymdy arala.

- Kóktem, kóktem, kóktemde
Qustar kelip jetkende,
Qýanyp bir qalamyz,
Ánmen qarsy alamyz.

- Sary tumsyq balapan,
Aýzyn jıi ashady.
Úsh jastaǵy balaqan
Odan qorqyp qashady.

- Kóktem qandaı kóńildi,
Kókten jańbyr tógildi.
Móldir aspan ashylyp,
Kúnniń kózi kórindi.

- Qanekı, balalar, endi boıymyzdy sergitip alaıyq!
Sergitý sáti:
Kúndeı bolyp kúlemiz,
Gúldeı bolyp ósemiz,
Qustar bolyp ushamyz,
Kóbelekteı qonamyz.
- Endi, balalar jyly jaqqa ushyp kelgen qustarǵa uıa salyp bereıik.
Balalar qus uıasyn japsyrady.
Shaǵala:
- Balalar, senderge kóp rahmet! Endi osy uıaǵa balapandarymdy qonystandyraıyn.
(Shaǵala uıany alyp ketedi)
- Endi, balalar, oıynǵa da kezek keldi. «Qus mekeni» oıyny.
Balalar dala qustary men úı qustaryn mekenine toptastyrady
Túzetý is - áreketi

Qorytyndylaý:
- Balalar, qazir qaı mezgil?
- Kóktemde qandaı ózgerister bolady?
- Kóktem!
- Qar erıdi.
- Qustar keledi.
- Aǵashtar búrshik jarady.
- Gúlder ósedi.
- Adamdar jeńil kıinedi
- Sabaǵymyzdy «Kóktem keldi shýaqty» ánimen qorytyndylaıyq!
Án oryndalady.
Madaqtaý.

Kútiletin nátıje:
Bilýi: jyl mezgilderin ajyrata bilýi;
Meńgerýi: kóktem qubylystary týraly tolyq maǵlumatty meńgerý;
Jasaı alýy: qustyń uıasyn jasaı alýy.