InfoHub Logo

Bilim berý salasy: Densaýlyq
Oqý is - áreketi: Dene tárbıesi
Oqý is - áreketiniń taqyryby: Kóktemgi ormanǵa saıahat
Maqsaty:
Bilimdiligi: Balalarǵa zatty bıiktikke laqtyrýǵa, búktelgen qoldyń jazylý ekpinimen laqtyrý kúshin berýdi úıretý.
Damytýshylyǵy: Balalardyń sýdyń qurylymy týraly túsinikterin keńeıtip, sózdik qoryn molaıtyp, tilderin damytý.
Tárbıeligi: Uıymshyldyqqa, dostyqqa tárbıeleý.

Oqý is - áreketiniń barysy.
Sálemetsińder me, balalar. Búgingi bizdiń dene tárbıesi oqý is - áreketimiz tańqalarlyq, óıtkeni birinshiden bizge qonaqtar kelip otyr. Balalar endi qonaqtarmen amandasaıyq.
Balalar: Sálemetsizder me, apaılar.
Tárbıeshi: Ekinshiden biz qazir sendermen saıahatqa attanamyz.
Balalar qazir jyldyń qaı mezgili?
Balalar: Kóktem.
Tárbıeshi: Durys aıtasyńdar.
Endi men senderge «Kóktem órnegi» atty óleń oqyp bereıin.
Qar eridi, sý aqty,
Kúnder keldi shýaqty.
Baıtaq dala kelbeti,
Túkti kilem sıaqty.
Kókke boıap óńirdi,
Kóktem keldi kóńildi.
Tárbıeshi: Balalar endi jumbaq shesheıik, osy jumbaqty sheshý arqyly biz sendermen saıahatqa qaıda baratynymyzdy bilemiz.
Ósedi aǵashy da, shyrshasy da, emeni,
Qustar men jan - janýardyń mekeni. (Orman)

Tárbıeshi: Durys aıtasyńdar jaraısyńdar, biz sendermen saıahatqa kóktemgi ormanǵa attanamyz.
(Orman shýy, qusardyń ánderi týraly mýzyka oınaıdy).
Kózge jattyǵý:
Jum da, ash kózińdi sen,
Tur ǵoı mine, kóktemgi álem.
Oń jaǵyńda shyrsha, sol jaǵyńda emen,
Mundaǵy ertegi álemine tańǵalamyn men.

Týyndaǵan jaǵdaıattardy sheshý.
Tárbıeshi: Balalar sender bilesińder me, dalada qar jatqan kezde óte kóp qoqsyqtar jınalyp qalypty (qaǵaz, aǵash butaqtary jáne kóptegen basqadaı da qoqsyqtar) Biz sendermen ormandy qoqsyqtan tazarta alamyz ba?
Balalar: Iá.
Tárbıeshi: Onda senderge mynandaı sıqyrly qaptar kómektesedi. Balalarǵa sıqyrly qaptar taratylady. Balalar qaptardy qoldaryna alady.
Sheńber boıymen júredi.
Biz ormanǵa kiremiz,
Bar qoqsyqty teremiz.
Shópter ósip shyqsyn dep.
Butaqtardy shabamyz,
(Balalar butaqtardy shapqan sıaqty qoldaryn sermeıdi, qapqa salady)
1. Qazir qaptaryńdy jaýyp, oń ıyqtaryńa asyp, aıaqtarymyzdyń ushymen júremiz.
2. Endi sol ıyqtaryńa asyp, ókshemizben júremiz.
3. Endi aınalamyz.
(Qaptary qoldarynda, alǵa qaraı aınalyp, qoldaryn alǵa sozady)
4. (Sýdyń aǵysy mýzyka oınaıdy)
- Qazir balalar aıaǵymyz sý bolmas úshin qaptarymyzdy aıaqtarymyzǵa kıip, sýdan ótemiz.(Murynymyzben tereń dem alyp, aqyryn aýzymyzdan demimizdi shyǵaramyz)
- Myna jerde tastar olardan sekiremiz.
Jalpy damytýshy jattyǵýlar:
1. Balalar endi ary qaraı biz velosıpedpen baramyz. (3 - 4 ret)
(Balalar qaptaryna otyryp, qoldaryn artqa qoıyp, aıaqtarymen pedaldy aınaldyrady).
2. Endi qaptarymyzǵa jatyp, aıaqtarymyzdy tik kóteremiz. (3 - 4 ret)
3. Qaptardy aıaqtarymyzǵa kıip, sheńbermen alǵa qaraı aınalamyz.(3 - 4 ret)
4. Qazir aıaqtarymyzdaǵy qaptarymyzdy sheship, olardy joǵary laqtyryp eki qolymyzben ustap alýǵa tyrysamyz. (3 - 4 ret)
(Balalar aıaqtaryndaǵy qaptaryn sheship oryndarynan turady, qaptardy joǵary laqtyryp, eki qoldarymen qaǵyp alady. Qaptaryn sebetke jınap salady)
Mýzyka oınalady.
Kóktemgi ormanǵa saıahat. júkteý