InfoHub Logo

«Pedagog mártebesi týraly» zań qabyldanǵannan keıin de oǵan ózgertýler engizetin kez keledi. Bul týraly búgin QR Bilim jáne ǵylym mınıstri Ashat Aımaǵambetov aıtty.

«Taǵy bir mańyzdy bastama, kópten beri kóterilip júrgen problema — kolej muǵalimderiniń kategorıalaryna ústemaqy tóleý. On jyl boıy kolejde isteıtin muǵalimder osy problemany kóterip júr. Shyn máninde bul óte ózekti jáne dırektorlary men olardyń orynbasarlarynyń, áskerlerdiń de jalaqysy tómen. Olar ózderiniń biliktiligine sáıkes búgingi tańda ústemaqy alyp otyrǵan joq. Sondyqtan, osy zań jobasy aıasynda osy máseleni sheshýdi de qarastyryp otyrmyz. Birinshiden, osy áriptesterimiz eńbekaqysy eki ese kóteriletin basqa da ustazdar ishine kirip otyr. Ekinshiden, ózderiniń kategorıasyna sáıkes, 30-dan 50-paıyzǵa deıin tıisti ústemaqysyn alady», — dedi QR Parlamenti Májilisiniń jalpy otyrysynda «Pedagog mártebesi týraly» zań jobasyn tanystyrǵan mınıstr.

Onyń atap ótýinshe, pedagogterdi materıaldyq yntalandyrýlar qarjymen tolyq qamtamasyz etilgen. Jalpy bes jylǵa osy normalardy júzege asyrý úshin 5,3 trln teńge beriledi.

«Depýtattar bul máseleni ózderi kóterip, qoldap, «Búdjet týraly« zańda qarastyrǵan bolatyn. Jalpy, zań jobasy aıasynda muǵalim mártebesin arttyrý máselesi ǵana emes, bilim salasynyń sapasyn kóterý máselesi de sheshiledi. Búgingi otyrysty paıdalana otyryp, elimizdiń barlyq muǵalimderiniń atynan jáne jeke óz atymnan Áleýmettik-mádenı damý komıtetiniń múshelerine, jumys tobynyń múshelerine bizdiń zań jobalarymyz boıynsha aýqymdy jumystaryńyz úshin alǵys bildiremiz. Biz qarastyrmaǵan normalar boıynsha usynystar túsip jatyr jáne jumys istep jatyrmyz. Eń bastysy bul — quqyqtyq negiz bolatyn zań. Áli de zańdy jetildirýge bolady. Memlekettiń damýyna baılanysty muǵalimderdiń jaǵdaıyn jaqsartý úshin bolashaqta tıisti ózgerister engizetin kez keletin shyǵar dep oılaımyn», — dedi Ashat Aımaǵambetov.

---