InfoHub Logo

Kolej stýdentterine birinshi jáne ekinshi kýrstan bastap dýaldy bilim baǵdarlamasymen oqýǵa ruqsat etiledi.

«Kásiporynnyń (uıymnyń) ótinimi boıynsha tehnıkalyq jáne kásiptik, orta bilimnen keıingi bilim berý uıymdaryndaǵy negizgi orta bilim berý bazasynda bilim alýshylar úshin dýaldy oqytý birinshi nemese ekinshi kýrstan bastalady. Ekinshi kýrstan bastap dýaldy oqytý uıymdastyrylǵan jaǵdaıda dýaldy oqytý talaptary jumys biliktiligi boıynsha nemese orta býyn mamandaryn daıarlaý kezinde qalǵan oqý kýrstaryna qoldanylady», — delingen Ashyq NQA portalynda jarıalanǵan Oqý-aǵartý mınıstriniń buıryq-jobasynda.

Aıta keteıik, qoldanystaǵa zańnama talabynda mundaı norma joq.

Ulttyq bilim berý bazasynyń derekteri boıynsha tehnıkalyq jáne kásiptik, orta bilimnen keıingi bilim berý uıymdarynda negizgi orta bilim berý bazasynda memlekettik bilim tapsyrysy sheńberinde 236 myńnan astam adam oqıdy.

Onyń ishinde 50 myńnan astam adam dýaldy oqytýmen qamtyldy.

Engizilip otyrǵan ózgeris kolejderge dýaldy oqytýdy búkil oqý merzimine engizýge arnalmaǵan. Birinshi kezeńde bilikti jumysshylardy daıarlaý kezinde, al orta býyn mamanyn daıarlaý kezinde oqý prosesin ádettegideı júzege asyrýǵa múmkindik beredi.

Bul rette stýdentterdiń qalaýy boıynsha birinshi kezeńnen keıin olar dýaldy oqytý týraly sharttarǵa sáıkes, jumysqa ornalastyrylýy múmkin.

Bul degenimiz — kolej stýdentterine synaq retinde dýaldy bilimmen kásiporyndarda tájirıebe jınaqtaýǵa birinshe nemese ekinshi kýrstan ruqsat beriledi degen sóz.

Alaıda, ol búkil oqý merizimi boıy jalǵaspaıdy. Iaǵnı, stýdent kolej qabyrǵasyndaǵy teorıalyq oqýynan da qol úzbeıdi.

Qoldanystaǵy talap boıynsha stýdentter dýaldy oqytý týraly shartyna sáıkes eńbekke aralasatyn.

Jalpy, dýaldy bilim berý — bul kolejdegi teorıalyq bilim men jumys oryndary arqyly kásibı tájirıbeni ushtastyrýǵa baǵyttalǵan júıe.

---