InfoHub Logo

Sabaqtyń taqyryby: Kómektes septik.
Maqsaty: Bilimdilik Kómektes septik týraly túsinik berý, kómektes septigine qoıylatyn suraqtarmen tanystyrý, jalǵaýlaryn meńgertý.
Damytýshylyq: Oqýshylardyń toppen jumys isteý, oılaý, este saqtaý, zerdeleý qabiletterin damytý, oqýshylardyń sóz baılyǵyn arttyrý, saýatty jazý daǵdylaryn jetildirý sóıleý daǵdylaryn damytý
Tárbıelik: Saýattylyqqa, durys, mádenıetti sóıleı bilýge, jyldamdyqqa, uqypty, taza jazýǵa tárbıeleý.
Sabaqtyń túri: jańa sabaq
Sabaqtyń tıpi: jańa bilimdi meńgertý.
Sabaqtyń ádis – tásilderi: toppen jumys, suraq – jaýap, oı qozǵaý, taldaý, jınaqtaý
Sabaqtyń kórnekilikteri: septikter kestesi, sýretter, grafoproektor, slaıd.
Pánaralyq baılanys: mýzyka, ana tili, ádebıet
Sabaqtyń barysy: İ. Uıymdastyrý kezeńi.
a) Sálemdesý, oqýshylardy túgendep, sabaqqa nazarlaryn aýdarý.
á) Topqa bólý
Sabaqty bastamas buryn mynadaı bir óleń shýmaǵyn tyńdasaq.
Al, qanekeı, balalar,
Beri qaraı qaraıyq.
Qajet qural, kitapty,
Aldymyzǵa alaıyq.
Alańdamaı basqaǵa,
Sabaqqa nazar salaıyq.
Durys jaýap sheshimin,
Muqıatpen tabaıyq
- Balalar, qazir qandaı sabaq ekenin eske túsirip jibereıikshi
- Qazir qazaq tili sabaǵy.
- Jaraısyńdar, balalar! Balalar, búgin bizde erekshe sabaq bolmaq, óıtkeni bizge kóp qonaqtar kelip otyr.
- Balalar, kók týymyz árdaıym bıikten kóriný úshin, biz sabaǵymyzdy «óte jaqsy» degen baǵaǵa oqyp, Táýelsizdikke biz de óz úlesimizdi qosýymyz kerek.
Olaı bolsa sabaǵymyzdy bastaıyq.
İİ. Maqsat qoıý kezeńi: Sabaqtyń taqyrybyn, maqsatyn habarlaý.
Oqýshylardyń septik týraly alǵan bilimderin keńeıtý; kómektes septigi týraly túsinik berý, kómektes septigine qoıylatyn suraqtarmen tanystyrý, jalǵaýlaryn meńgertý, kómektes septiktegi sózderdiń jalǵaýyn ajyrata alýyn túsindirý, bekitý.
İİİ. Úı tapsyrmasyn suraý.
Kerekti sózder: Tereze, gúlge, qaıshynyń, aıazdan, Aıdardy, kúreste, taýdan, ormanda, qalanyń, Asqarǵa, kitap, shelekti.
İÚ. Jan - jaqty bilimderin tekserý.
1) Shyǵys septiktegi sózder qandaı suraqtarǵa jaýap beredi?
2) Shyǵys septik jalǵaýlaryn atańdar?
- Óte durys balalar, ótken sabaqty jaqsy meńgerippiz.
1. Qyzyǵýshylyǵyn oıatý. «Pikir alysý»
Balalar, qazir qaı mezgil?- qys.
Qysta aýa - raıy qalaı bolady?- sýyq, boran, qar jaýady
Qysta qandaı sportpen shuǵyldanasyńdar nemese qysqy sporttyń qandaı túrlerin bilesińder?- shańǵy, kónkı, hokeı oıyndary, shana.
Durys balalar, endi kúndelikti teledıdardan estip júrsińder, jaqynda qandaı dúnıejúzilik jarys bastalady? Kim biledi?
Qysqy Ýnıversıada.
Iá, durys XXVIII qysqy Dúnıejúzilik ýnıversıada 2017 jyly 28 qańtar men 8 aqpan aralyǵynda Almaty qalasynda ótedi. Aldyn ala málimet boıynsha, oǵan 50 elden bes myńnan astam stýdent qatysady. Shamamen úsh myńǵa jýyq eriktiler qataryn jumyldyrý josparlanýda. Ýnıversıada aıasynda Qazaqstanda sporttyń 13 túrinen (8 mindetti jáne 5 qosymsha) jarystar josparlanǵan. Almatyda ótetin 2017 jylǵy Dúnıejúzilik qysqy ýnıversıadanyń tumary retinde suńqar tańdaldy. Tumardy usynýshylardyń pikirinshe, suńqar jyldamdyqty, jeńildikti, kúsh - qýat pen jeńiske degen qulshynysty beıneleıdi. Logotıp aıqyn kórinetin dınamıkalyq pishini bar suńqar qanaty túrinde jasalǵan. Osy sımvolǵa oraı, Almatydaǵy Ýnıversıadanyń uranyna «Qanatyńdy keń serpi!» tirkesi tańdaldy. Bárimiz osy jarysta qazaqstandyqtarǵa jankúıer bolaıyq!
Iá, bolamyz.
Endeshe «jankúıer», «jeńis», «jarys» degen sózderdi İİİ top septeıikshi.
A. s. jankúıer
İ. s. jankúıerdiń
B. s. jankúıerge
T. s. jankúıerdi
J. s. jankúıerde
Sh. s. jankúıerden
Ú. Jańa materıaldy túsindirý.
1.«Oı qozǵaý»
- Balalar, «Járdemdes, Qol ushyn ber» degen sózdi basqasha qalaı aıtýǵa bolady?
- KÓMEKTES
Durys aıtasyńdar, kómektes deıdi. Iaǵnı, balalar, búgingi ótetin sabaǵymyzdyń taqyryby ne eken?
Kómektes septigi.
Iá, búgingi sabaǵymyzdyń taqyryby «Kómektes septigi» eken.
Muǵalimniń túsindirmesi. Kómektes septiktegi sózder kimmen? nemen? kimdermen? nelermen? degen suraqtarǵa jaýap beredi.
Kómektes septigi ataý septikke – men,- ben,- pen jalǵaýlary jalǵaný arqyly jasalady. Bul jalǵaýlardy kómektes septik jalǵaýlary dep ataıdy.
á) Balalar, endi shaǵyn ertegimen tanysaıyq. Top boıynsha ertegini tyńdańdar, ne týraly ekenin túsineıik. Sońynan septik jalǵaýlary bar sózderdi tabaıyq. Qaı top kóp sóz tabady, upaıdy kóp jınaıdy eken kóreıik. Toptar aıtqan sózderdi sanaý, madaqtaý, baǵalaý.
Ertegi « Septiktiń jeti uly».
Erte, erte, ertede qazaq tili jerinde, zat esimniń elinde septik degen qarıa bolypty. Onyń jeti uly bolypty: Ataý, İlik, Barys, Tabys, Jatys, Shyǵys, Kómektes.
Bir kúni qarıa balalaryn shaqyryp alyp bylaı depti:
Balalarym sender talaby bar erteńin oılar ulymsyńdar, sondyqtan bir apta ýaqyt beremin, jan - jaqty baqylap ómirge kerek quraldaryńdy taýyp kelińder.
Ýaqyt jetip balalar oralypty.
- Qane oljalaryńdy kórsetińder – depti ákesi.
Ataý kim? ne?
İlik kimniń? neniń?
Barys kimge? nege?
Tabys kimdi? neni?
Jatys kimde? Nede?
Shyǵys kimnen? neden?
Kómektes kimmen? nemen?
Endi osy ákelgenderińe súıenish taýyp kelińder?
İlik septik - nyń,- niń,- dyń,- diń,- tyń,- tiń
Barys septik - ǵa,- ge,- qa,- ke
Tabys septik - ny,- ni,- dy,- di,- ty
Jatys septik - da,- de,- ta,- te
Shyǵys septik - nan,- nen,- dan,- den,- tan,- ten
Kómektes septik - men,- ben,- pen.
Basy salbyrap Ataý keldi?
Nege keshiktiń? – deıdi – ákesi.
Eshteńe tappadym.
Septik 6 balasyna: «Synnan jaqsy óttińder».
Ataýdy keshirińder, aǵalaryń ǵoı. «Birlik bar jerde, tirlik bar», báriń birlesip eńbek etip, qandaı qıyndyq bolsa da jeńesińder dep oılaımyn.
Septik ataı durys aıtady «Birlik bar jerde, tirlik bar». Endeshe búgingi sabaqta da birlese otyryp, kelesi tapsyrmalardy oryndaıyq.
B) Dáptermen jumys. Kórkem jazý
Jaqsy kómek etedi,
Jaman kúlip ketedi.

Almaty oblysy, Raıymbek aýdany,
Jalanash aýyly, J. Ermegıaev atyndaǵy
orta mekteptiń qazaq tili men ádebıeti páni
muǵalimi Qýatbekova Asylhan Týrsynqyzy

Tolyq nusqasyn júkteý
Prezentasıasyn júkteý