InfoHub Logo

Kompúter qurylǵylary. Kompúterdiń negizgi komponentteriniń ózara árekettesýi.

21 - ǵasyrda kompúterlik tehnologıanyń qarqyndy damýyna baılanysty oqýshylardyń osy tehnologıaǵa qyzyǵýshylyǵy óte joǵary. Kompúterlik tehnologıanyń múmkinshiligi mol ári keń, alaıda onyń da adam densaýlyǵyna keri áseri bolatynyn umytpaýymyz kerek. Men óz sabaqtarymda tek qana kompúter aldynda otyryp jumys jasamaı, sonymen qatar ártúrli tásilder arqyly sabaqty praktıkalyq jaǵynan da qarastyramyn. Sondaı sabaqtardyń birin ózderińizge usynǵaly otyrmyn.

Sabaqtyń maqsaty: kompúter qurylǵylary boıynsha oqýshylardyń alǵan bilimderin nyǵaıtý, tıanaqtaý bir júıege keltirip, teksere otyryp, qorytyndylaý. Oqýshylar óz oılaryn tıanaqty jete aıta bilip, ózderin sabyrly, ári tártipti ustaýdy eskertý. Oqýshylarǵa kompúter týraly tolyq oı qalyptastyrý, oqýshylardyń tapqyrlyq, izdenimpazdyq qasıetterin qalyptastyrý, shyǵarmashylyqqa baýlý, pánge degen qyzyǵýshylyǵyn arttyrý.

Kórnekiligi: slaıd - shoý, elektrondy oqýlyq, kompúter.
Túri: bilim men iskerlikti ıgerý.

Ádis - tásilderi: kýbızm, toptyq jumys
Úı tapsyrmasyn suraý.
Sabaqtyń barysy:
a) uıymdastyrý kezeńi
b) sabaq suraý
v) baǵalaý
g) jańa sabaq
d) bekitý
e) úıge tapsyrma
j) qorytyndy

Kirispe bólim:
Sálemetsizder me, oqýshylar! Búgingi jańa sabaǵymyzdyń taqyryby: «Kompúterdiń qurylǵary. Kompúterdiń negizgi komponentteriniń ózara árekettesýi». Jańa sabaqty bastamas buryn ótken taqyrypqa sholý jasaıyq. Ótken sabaǵymyzda biz derbes kompúter degenimiz ne, onyń qandaı negizgi bólikterden turatynyn bildik. Onyń ishinde Júıeli bloktyń qandaı mańyzdy rol atqaratynyn, monıtordyń qyzmetin, pernetaqta men tyshqannyń atqaratyn qyzmetin jáne túrlerimen tanystyq.
Olaı bolsa úı tapsyrmasyn kýbık laqtyrý arqyly jaýap bersek.
Endi jańa sabaqqa kósheıik. Búgingi sabaǵymyzdyń basyn Elbasymyzdyń myna sózimen bastaǵym keledi. «Qazirgi zamanǵy jańa tehnologıalardy júzege asyryp, ómirge engizý, ıgerý jáne jetildirý – búgingi mektep oqýshylary sizderdiń enshilerińiz»
Sabaǵymyzdyń mindeti – Taqyrybymda kórsetilgendeı Kompúterdiń qosymsha qurylǵylarymen tanystyrý jáne meńgertý. Eń aldymen kompúterdiń shyǵý tarıhyn eske túsirip kóreıik. (slaıd kórsetý)
Olaı bolsa biz qandaı qosymsha qurylǵylardy bilemiz.
Elektrondyq oqýlyqqa nazar salaıyq. (7 synyptyń elektrondyq oqýlyǵyn ashamyn).
Slaıd kórsetý arqyly taǵy da basqa qurylǵylarmen tanystyramyn.

Endi basqa sabaqtarymyzdaǵydaı eki topqa bóleneıik. Osy eki top bolyp ári qaraı sabaqty jarys túrinde ótkizemiz. Olaı bolsa bir - birimizben sálemdeseıik. Eki top óz tobyn tanystyrady. Oryndaryna otyrady.
1. Men tehnık - qurastyrýshymyn atty bólimnen bastaımyz. Endi 1 top kompúterdiń qurylǵylaryn jalǵaıdy. Al 2 top DK - de tapsyrma berilgen tapsyrma boıynsha kompúterdi jınaý kereksizder. Oryndaryn aýystyrady. Toptar baǵalanady.

2. Kim jyldam saıysy. Saıys sharty boıynsha komanda kapıtandary ortaǵa shyǵyp, jasyrylǵan birneshe sózdi alady da qarsy komanda músheleri tez jaýap berýi kerek. Komanda músheleri qansha suraqqa jaýap berse sonsha upaı beriledi.

Prosesor tobyna------Dıspleı tobyna
1. Pernetaqta -------------1. Skaner
2. Prınter------------------2. Saýsaqtar
3. Júıeli blok------------3. Monıtor
4. kaktýs---------------------4.Tyshqan
Demalys sáti. Búgin nemes keshe estigen jańalyqtaryńyzdy myna paraqtarǵa jazyp, taqtaǵa jabystyryńyzdar. Al eki toptan bir, bir bala shyǵyp sarapshy bolady. Balalar jazǵan jańalyqtarǵa saraptama jasaıdy. Jazyp bolǵannan soń eki sarapshy kez - kelgen bir telearnanyń dıktory retinde sol jańalyqtardy oqyp beredi. Nátıjesinde qaı toptyń jańalyǵy qyzyqty jáne dıktory jaqsy sóılese sol topqa bal beriledi.

3. Kompúterlik fırma qurý.
Munda toptar tek DK – niń qosymsha qurylǵylaryn satýmen aınalysady. Sondyqtan eki top kez kelgen bir oıdan shyǵarylǵan qurylǵy oılap tabady. Jáne ony satady.
Qonaq muǵalimder ony satyp alady.

Sabaqty bekitý retinde kompúterdegi tapsyrmany oryndaý kerek, qurastyryp shyǵý kerek.

Úıge tapsyrma: kompúterdiń paıdasy jáne zıany taqyrybynda shyǵarma jazý.