InfoHub Logo

Maqsaty: Otbasy qundylyǵynyń mańyzdylyǵyn ashý.

Mindetteri:
- Otbasy týraly túsinikterin keńeıtý.
- Otbasy degen jaǵymdy qarym - qatynastaryn damytý.
- Otbasyna degen súıispenshilikke tárbıeleý.
Kórneki quraldar: «Ózin - ózi taný»áleminiń kartasy, dápter, oıynshyq
júrekshe, otbasy músheleriniń sýretteri.

Shattyq sheńberi:
- Qaıyrly tań, balalar! Men sendermen kezdeskenime óte qýanyshtymyn.
Qane, bárimiz sheńberge turyp, bir - birimizge súıispenshiligimizdi bildireıik.

1. Jazıra, sen ádepti qyzsyń.
2. Nurjan, sen batyr balasyń.
3. Bahyt, sen meıirimdi qyzsyń.
4. Ádilet, sen tártipti balasyń.
5. Altynaı, sen shynshyl qyzsyń.
6. Ersultan, sen aqkóńil balasyń.
7. Alıma, sen qamqorshysyń.
8. Alısher, sen aqyldy balasyń.
9. Madına, sen sulý qyzsyń.
10. Arýjan, sen ajarly qyzsyń.
11. Eldana, sen ádemi qyzsyń.
12. Farıza, sen symbatty qyzsyń.
13. Dılnaz, sen kórikti qyzsyń.
14. Aıdana, sen ádemisiń.
15. Syrym, sen myqty balasyń.

Áńgimelesý:
- Búgin «Ózin - ózi taný» áleminiń «Otbasy»aıaldamasyna toqtalamyz.
- Búgingi sabaqta otbasynyń qundylyǵy, mańyzdylyǵy týraly aıtamyz.
- Sýrette ne kórip otyrsyńdar?

Balalardyń jaýaptary:
- Bul jerde bizdi qyzyqty oıyndar, tapsyrmalar kútip tur.
- Al biz búgin ózimizdiń týǵan úıimiz, otbasymyz týraly áńgimelesemiz.

Ózimmen ózim:
- Balalar, qane, myna kilem ústine otyrýlaryńdy suraımyn. Árkimniń óz úıi bar. Árkim óz úıin jaqsy kóredi, sebebi ol senderdiń týǵan úıleriń. Ol úı sender úshin jaıly dy jyly. Onda senderdi jaqsy kóretin adamdar turady. Endi ár qaısysymyz ózimiz turatyn úıimizdi, otbasymyzdy kóz aldymyzǵa elesteteıik. Kózderińdi jumsańdar da bolady.

Baıaý áýendi mýzyka oınaıdy.
- Endi kózimizdi ashyp, oılaǵan oılarymyzben bóliseıik.
Balalardyń jaýaptary:

Sergitý sáti: «Tatý - tátti otbasy»
- Men qazir senderge, tatý - tátti otbasynda - 3 adam, 4 adam, 5 adam turady deımin,
sender sol sanǵa sáıkes tez toptasyp tura qalasyńdar.

Sanamaq aıtý:
Bir úıde biz nesheýmiz?
Kel sanaıyq ekeýmiz.
Bas barmaǵym - atam,
Balan úırek - apam,
Ortan terek - ákem,
Shyldyr shúmek - anam,
Kishkentaı bóbek - men.
Biz úıde nesheýmiz?
Biz úıde – beseýmiz.

Kórinis: «Ana men bala»
Bala doppen oınap júrgende qulap qalady. Ony kórgen anasy júgirip kelip, balasyn kóterip alady.
Aınalaıyn, jan balam,
Quladyń - aý sen jaman.
Aýyrǵan joq pa, bir jeriń,
Júrgeniń jaqsy sen aman!

- Senderde osyndaı jaǵdaı boldy ma?
- Bolsańdar analaryń qandaı sóz aıtty?
Balalardyń jaýaptary:

- Qane, osy otbasy týraly kim óleń, taqpaq biledi?
1. Eń jaqyn adamdar,
Ákem men anam bar.
Ákemniń ákesi,
Aq basty atam bar.
Ákemniń sheshesi,
Aq shashty ájem bar.

2. Uldardyń úlkeni,
Bir týǵan aǵam bar.
Qyzdardyń úlkeni,
Bir týǵan ápkem bar.

3. Uldardyń kishisi,
Bir týǵan inim bar.
Qyzdardyń kishisi,
Bir týǵan qaryndas,
Ápkege - sińli bar.

Dáıeksóz:
- «Adamǵa eń qymbat - otbasy»degendi qalaı túsinesińder?
- Adamǵa eń qymbat - otbasy. Otbasy - bul seniń eń jaqyn adamdaryń; atań, ájeń, ákeń, anań, baýyryń, iniń, ápkeń, sińliń. Biz týǵan úıimizdi jaqsy kóremiz.

Dáptermen jumys:
- Dápterde berilgen úıdiń terezelerine otbasy músheleriniń sýretterin salyńdar.
«Anashym» ánin birge oryndaý.
Ǵajaıyp sózder:
- Adamǵa eń qymbat - otbasy.
- Otbasy - seniń eń jaqyn adamdaryń.

Qorytyndylaý:
- Búgin sabaqta biz otbasymyzdy jaqsy kórýge, otbasyndaǵy adamdardy
syılaýǵa, kómektesýge úırendik. Otbasy - seniń atań, ájeń, ákeń, anań, sińiliń, iniń. Otbasy bizdi jaqsylyqqa, ádeptilikke úıretedi.

Júrekten júrekke:
Balalar oıynshyq júreksheni bir - birine usyna otyryp óz otbasyna, onyń múshelerine súıispenshilikteri men tilekterin bildiredi.
- Meniń otbasym eń tatý otbasy.
- Meniń otbasy eń úlken.
- men atam men ájemdi jaqsy kóremin.
- Meniń anam eń aqyldy adam.
- Meniń otbasym aman bolsyn.
- Meniń otbasymda qýanysh kóp bolsyn.
- Meniń otbasym qonaqjaı.
- Meniń otbasym kóńildi.
- Meniń otbasym meıirimdi.
- Meniń otbasym eń baqytty.
- Men óz otbasymdy jaqsy kóremin.