InfoHub Logo

«Kóńildi matematıka álemi» atty saıys.

Maqsaty: Oqýshylardyń pánge qyzyǵýshylyǵyn arttyrý, toppen jumys isteý qabiletterin damytý, eńbekke baýlý, jaýapkershilikke tárbıeleý.
Qajet ýaqytynda tez, durys sheshim qabyldaı bilýge daǵdylandyrý.
Kórnekiligi: ınteraktıvti taqta, slaıdtar, jańyltpashtar, jumbaqtar,
esepter, kespe áripter.
Júrisi: Búgingi saıys tórinde,
Matematıka tilinde,
Esep sheship jarysyp,
Jumbaq sheship ańdysyp,
Shabyt tasyp shalqysyn.
Munda qyzyq taǵy bar,
Jańyltpash, sýret bári bar,
Jınalǵan ylǵı daryndar,
Júrekte ot, kózderinde jalyn bar.
Biliktiligi men bilimin,
Saraptap ózderińiz kórińizder,
Uqyptylyqpen tyńdaı otyryp,
Olarǵa baǵa berińizder!
1 - saıys Tanystyrý.
(Ár synyp óz tobyn tanystyrady. Toptyń atyn qorǵaý, urany, top múshelerin tanystyrý.)
2 - saıys «Kim júırik - oıǵa!»
Vıktorınalyq suraqtar:
1. Eń kishi jaı.
2. Álem kartasynda Qazaqstan jer kólemi boıynsha neshinshi orynda?
3. Saǵattyń tórtten bir bóligi neshe mınýt?
4. Keltirilgen kvadrat teńdeýdi sheshý formýlasyn dáleldegen matematık.
5. Qandaı jolmen adam esh ýaqytta júrmeıdi.
6. Qazaqstannan shyqqan tuńǵysh ǵaryshker.
7. Pıfagor teoremasy.
8. sin 30° máni.
9. Bir jylda neshe táýlik bar?
10. Sýda qandaı tas bolmaıdy?
3 - saıys
«Ár qoldyń óz isi!»
Sýretshiler saıysy. Eki toptan eki oqýshy shyǵyp, eki qolyna eki bor alyp, sýret salý.

4 - saıys
«Qyzyqty estafeta»
1 - topqa t, ń, e, g, ú, b, i, r, e, ń.
2 - topqa b, r, u, y, sh, n, a, s, m, q.
Berilgen áripter boıynsha, suraqtarǵa jaýap bere otyryp, sózder qurastyrý.

1 - topqa suraqtar:
1. Ulttyq valúta. (teńge )
2. Dárejege keri amal. (túbir )
3. ... etseń erinbeı,
Toıady qarnyń tilenbeı. (eńbek)
4. Sýǵa enip turǵan qurlyqtyń bir bóligi. (túbek)
5. Shaǵatyn óte kishkentaı jándik. (búrge)

2 - topqa suraqtar
1. Alymy bóliminen úlken bólshek. (burys)
2. Qoıandy qamys, erdi ... óltiredi. (namys)
3. Óner aǵyp turǵan bulaq,
Bilim janyp turǵan ... ( shyraq)
4. Bir núkteden shyǵatyn eki sáýleden quralǵan jazyqtyqtyń bóligi (túbek)
5. Iis sezý múshesi. ( muryn)
5 - saıys
«Jekpe - jek.»
Ár top bir - birine daıyndap kelgen tapsyrmalaryn usynady.
6 - saıys
«Jańylmastan aıtyp kór!»
Matematıkalyq jańyltpash aıtý, jumbaq sheshý.
Jańyltpashtar.
Kim syzǵyshsyz?
Biz syzǵyshsyzbyz!
Syzǵyshsyzdarǵa,
Syzǵyshsyz syzǵyz.

Aıqysh burysh, aıqysh burysh,
Teń - teń burysh, tutas burysh,
Tustas burysh, tustas burysh,
Sáıkes burysh qurǵan burysh.

Jumbaqtar.
Matematıkalyq tańba ol,
Bilimiń bolsa, ashasyń,
Teris san bolsa astynda,
Maǵynasyz dep qashasyń.
(kvadrat túbir )

Biz sanbyz syzyqpen bólingen,
Matematıkany uqpas adamǵa
Qubyjyq bop kóringen.
Durys, burys, aralas,
Ondyq bolyp bólingen.
(bólshek san)

Sanaý úshin adamdy, taldy, maldy,
Erteden mura bolyp qaldy,
Kóbeıtip, bólip, azaıtyp,
Qosamyz kúndelikti ol sandy.
(natýral san)
Aıqasqan eki taıaq,
Turady joqty surap.
(ıks )
7 - saıys
«Eseptermen berilgen el tarıhy.»
Másele esepter shyǵarý.
Qorytyndylaý . Jeńimpazdardy marapattaý.
Júzgen keme tumanda,
Nege adasyp ketpeıdi.
Nemese ol bir mańda,
Tómen nege shókpeıdi,
Ony saqtap qalatyn,
Matematıka - ǵylym bul,
Sondyqtan da erinbeı,
Sol ǵylymnyń tilin bil!