InfoHub Logo

Sabaqtyń taqyryby: Qazaqtyń bas aqyny - Abaı (9-synyp)
Sabaqtyń maqsaty:
A/ Bilimdilik: Oqýshylarǵa halqymyzdyń birtýar perzenti - uly aǵartýshy, kompozıtor, fılosof, qazaq jazba ádebıetiniń negizin qalaýshy, óz halqynyń kemeńgeri Abaı ómirin, shyqqan tegin, aǵartýshylyq qyzmetin, ádebıetke kelý rýhanı qaınar bastaýlaryn túsindirý, ómiriniń mańyzdy kezeńderine taldaý jasaı otyryp tyń málimettermen tanystyrý;
Á/ Damytýshylyq: M. Áýezovtiń «Abaı jolyndaǵy»aqyn ómiriniń jarqyn betterin asha otyryp, bilim sabaqtastyǵyn arttyra damytý, oqýshylardyń aýyzsha jáne jazbasha til mádenıetin qalyptastyrý.
B/ Tárbıelik: Oqýshylardy dara tulǵanyń ónegeli de ósıetti ómiri arqyly adamgershilikke, bilimdi, ónerli bolýǵa, tilimizdi qadirleı bilýge tárbıeleý;
Sabaqtyń túri: Jańa sabaqty meńgertýde iskerlik pen daǵdyny qalyptastyrý;
Sabaqtyń kórnekiligi: elektrondy oqýlyq, prezentasıa, ınteraktıvti taqta, Abaıdyń shyǵarmalar jınaǵy, baspasóz materıaldary, tanymdyq jınaq papka;
Sabaqtyń ádis - tásilderi: suraq - jaýap, túsindirý, taldaý, STO strategıalary: RAFT,
Oılaný baspaldaǵy, Dóńgelek ústel, Úsh qadamnan turatyn suhbat.
Pánaralyq baılanys: tarıh
Sabaqtyń naqyly:
«... Qumarlanyp, jıǵan qazynamyzdy kóbeıtsek kerek, bul - jannyń tamaǵy edi»
7 - qarasóz, Abaı.
Baǵalaý: muǵalimniń jeke baqylaýy boıynsha baǵalaý.
Sabaqtyń júrisi:
1. Uıymdastyrý.
2. Úı tapsyrmasyn tekserý:
1) Y. Altynsarın áńgimeleri
2)«RAFT» strategıasy boıynsha jumysty tekserý;
R - oqýshy
A - Ybyraı
F - hat, arnaý, óleń
T - alǵys, rızalyq, ósıet
3)«Oılaný baspaldaǵy»strategıasy boıynsha
Kútiletin nátıje: Úı tapsyrmasyn tekserý, ótken sabaqty qorytyndylaý

3. Jańa sabaqqa baılanys:
«Abaı Ybyraıdy jaqsy bilgen. Keıin Abaıdyń ózi qadirlegendikten, Abaıdyń qoljazbalarynyń ishine Pýshkın, Lermontov, Krylov shyǵarmalarynan jasalǵan aýdarmalar qosa kirýimen birge, Ybyraı óleńderi de únemi birge kóshirilip jazylyp júrýshi edi. Abaıdyń óziniń tapsyrýy boıynsha solaı bolsa kerek... Ybyraıdyń árqashan Abaı atymen birge jazylyp, jattalyp, taratylyp júrýi bul ekeýiniń úni bar, úmiti bar, arman baǵyty jáne bolashaq taǵdyry bir aqyn ekendikterin tanytýshy edi»(M. Áýezov. 20 tomdyq shyǵarmalar jınaǵy. 19 - tom. 1985, 246 - 6).
3. 1. Abaı ómirine baılanysty beınefılmmen tanysý;
3. 2. Jańa sabaq
1) Abaıdyń dúnıege kelýi, shyqqan ortasy, ata - tegi, áke - sheshesi
Orta júzdiń Arǵyn taıpasynyń

Tobyqty rýynan shyqqan bıler áýletinen.
ABAI TEGİ
Kishik
↓Áıtek
↓Oljaı
↓Aıdos, Qaıdos, Jandos(Jigitek)
↓Yrǵyzbaı
↓Óskenbaı
↓Qunanbaı
↓Abaı(Ibrahım)
1. Qunanbaıdyń kim ekenin bilmesek, Abaıdy taný qıyn. M. Áýezov
1. Ol sypatty qazaqtan
Dúnıege eshkim kelmepti... Abaı
2.«Altyn saqa - Qunanbaı» Zere
3.«Tabıǵat oǵan kesek aqyl, ǵajaıyp es jáne júırik til bergen. Qazaqtarǵa qatysty Reseılik jarǵyny bes saýsaǵyndaı biledi, qara qyldy qaq jarǵan bı...»
(A. Ianýshkeevıch)
«Abaı joly» elektrondy oqýlyǵynyń 1 - kitap, 1 - dısk «Qaıtqanda» taraýynan 20/30 - 22/00 ýaqyt arasyn tyńdatý; Bala Abaı men Qunanbaı.
2) Esimi: Ibrahım - azan shaqyryp qoıǵan aty.
Abaı dep ájesi Zere, sheshesi Uljan atap ketken.
Telǵara - bala kezinde eki ananyń arasynda tel ósken Abaıǵa jeńgeleri qoıǵan at.
3) Bilim alýy: Ǵabıthan aýyl moldasynan saýat ashady. Ahmet - Rıza medresesi, Semeıdegi «Prıhodskaıa shkola»
4) Ádebıetke kelýiniń rýhanı qaınarlary:
1. Qazaqtyń aýyz ádebıetinen sýsyndaǵan halyqtyq dástúr.
2. Arab, parsy, túrik tilindegi shyǵystyń klasık poezıasy.
Arab, ıran, shaǵataı (eski ózbek) tilinde jazylǵan ertegi, dastan, qıssalarmen tanysady, Shyǵystyń Nızamı, Naýaı, Saǵdı; Qoja Hafız, Fzýlı sıaqty uly ǵulama, klasık aqyndaryna baýyr basady;
3. Orys halqynyń mádenıeti jáne sol arqyly Evropa mádenıeti.
«Dúnıege kózimdi ashqan - Mıhaelıs».
Aqyn saıası qyzmeti úshin 1870 jyldary Peterbýrgten Semeıge aıdalyp kelgen orys ǵalymy, qoǵam qaıratkeri, demokrat. Evgenıı Petrovıch Mıhaelıspen, 80 - jyldarda orys demokrattary N. I. Dolgopolov, A. A. Leontevpen tanysady. Bul ozyq oıly azamattardyń Abaıdyń saıası - áleýmettik kózqarasyna ıgi yqpaly tıgizgeni sózsiz.
«Abaı joly» elektrondy oqýlyǵynyń 2 - kitap, 3 - dısk «Eńiste» taraýynan 20/50 - 23/00 ýaqyt arasyn tyńdatý; Gogol kitaphanasynda Mıhaelıspen tanysý;
5) Shyǵarmalary úsh júıemen órbıdi:
1. óz janynan shyǵarǵan tól óleńderi;
2. qarasózderi dep atalatyn prozasy;
3. orysshadan aýdarǵan óleńderi;
6) Tuńǵysh óleńi - 10 jasynda
Kim eken dep kelip em túıe qýǵan,
Qatyn ǵoı kúldárimen belin býǵan.
Tórkinińniń bergeni jaýyr aıǵyr
Baýyryńdy... birge týǵan.
Abaıdyń 1855 j. aýyzsha shyǵarǵan óleńi. El aýzyndaǵy áńgimege qaraǵanda, óz aýlynyń túıelerin aralap bara jatqan eki attyǵa shaýyp barǵan Abaı onyń bireýi tórkininen jaýyr aıǵyr jetektep kele jatqan áıel ekenin bilip, tabanda mysqyldap aıtqan eken. Jas aqyn aýylǵa týra kele almaı, túıe arasyna jasyrynǵan kelinshekti de, onyń sarań tórkinin de bir - aq aýyz óleńmen óltire ájýalaǵan. Kádimgi ashyq minez balanyń aqtara salǵan tejeýsiz oıy.
Óleń qara óleń uıqasymen jazylǵan 11 býyndy 4 tarmaqty 1 shýmaq.
Kútiletin nátıje: málimetterden birtutas mátin qurastyrý, mazmundaı otyryp, jańa materıaldy meńgertý, túsinbegenin suraý;
4. Jańa sabaq boıynsha taldaý, bekitý; Oı - tolǵanys.
4. 1. Dóńgelek ústel nemese bir aınalyp sóılesý;
4. 2. Úsh qadamnan turatyn suhbat
5. Muǵalim qorytyndysy. Baǵalaý.
6. Úı tapsyrmasyn berý: Oqýlyq boıynsha 1, 5 - tapsyrma; 191 - 194 betterdi oqý, mazmundaý;