...Sodan beri shynymmen jylamadym,
Súrindim ǵoı, qoıshy ony, qulamadym.
Kóziń nursyz deısiń sen ólde áziliń,
Álde bir shynyńmen-aq synaǵanyń
Onyń ras, nesine qynjylamyn,
Nursyz kózdiń kórseńshi tunjyraýyn.
Janarymnyń jartysy aǵyp ketken,
Sebebi, bir-aq ret shyn jyladym.
...Attandy ákem jaý týyn qulatýǵa,
Qýat bersin, jetsin bir muratyna.
Jele jortyp, artynan ilestim men,
Qonyp alyp ákemniń qula atyna.
Aqpan edi, búrikken úskirigin,
Shyryldatyp burqasyn ysqyryǵyn.
Es bilgeli eń alǵash jylaǵanym,
Keshirgeısiń, esime tústi búgin.
Jylaıyn dep onda men jylamadym,
Shydamadym, qaıteıin, shydamadym,
Alpamystaı ákemniń ókirip kep,
Kórip qaldym shanadan qulaǵanyn.
Bolsam-daǵy tuńǵyshy, shóldegeni,
Mańdaıymnan ıiskep kórmep edi.
Ókirip kep, aımalap, jylap jatyr,
Tik kóterip qoıdy da jerge meni.
Ózi kúırep jatqanda shańyraǵym,
Shynymenen sonda men ańyradym.
Ókirgende taý turdy kúńirenip,
Sondaǵy Áke, qazirgi Arýaǵym.
Qaýym kelip, qaýmalap, alyp ketken,
Qap-qarańǵy dúnıe, jaryq ketken.
Kóziń nursyz deısiń sen,
Sonda meniń,
Janarymnyń jartysy aǵyp ketken...

---