Tiri júrsek, biz kóremiz talaıdy,
Jańa jyldy, jańa kúndi, jańa aıdy.
Uzaǵyraq ómir bolsa, jaraıdy,
Tún de keler, tań da atar araıly.
Biz kóremiz keremet bir shaqtardy,
Myń kýaryp, myń gúldengen baqtardy.
Aqyr túbi aqyldylar úıreter,.
Aramtamaq, azǵyn, aqymaqtardy.
Aıla ólip, sezim menen sana shat,
Jaýyzdyq ta jatpas, sirá, jara cap,
Adamzatty máńgi baqı áldıler,
Aqyr túbi aqyl menen parasat!
Aqıqattyń jańa jyly týǵanda,
Ada bolar aramzalar, qýlar da.
Jannat bolyp jatyr meniń jan-ólkem,
Jamanshylyq jolaı qoımas bul mańǵa.
Jannat bolyp jatyr meniń jan-ólkem!
Aqqý bolyp júrer meniń aq erkem.
...Qyr basynan qyzyl jaýlyq jelpirmin,
Tańmen turyp, kúnmen shyǵyp tańerteń...

---