InfoHub Logo

Taqyryby: Kúlki jármeńkesi
Maqsaty: Balalarǵa «1 sáýir – kúlki kúnin» toılaı otyryp kóterińki kóńil – kúı syılaý. Oıyn sharttaryn túsinip oınaýǵa tárbıeleý. Eptilikke, shapshańdyqqa tárbıeleý.
Qajetti quraldar: fokýs zattary: folga, stakan, tıyn, býtylka, sý, banka, akvarel boıaýy, oıyn zattary: shlápa, arqan jáne tort pen shar.
Zal týǵan kún toılaýǵa saı, túrli - tústi sharlarmen, gúldermen jabdyqtalǵan. «Týǵan kúnińmen» sózi bar plakat ilingen.

Barysy: Balalar sheńber boıymen oryndyqtarǵa jaıǵastyrylady.
Ortaǵa Kúldirgish pen Oıynpaz saıqymazaqtar kiredi.
Kúldirgish: Sálem, sálem, balalar! Kóńil - kúıleriń qalaı (kezekpen)? Men Kúldirgishpin! Men balalardy kúldirgendi jaqsy kóremin (qytyq - qytyq).
Oıynpaz: Sálemetsizder me, balalar! Ósip jatyrsyńdar ma (kezekpen)? Men Oıynpazbyn! Al men balalarmen oınaǵandy jaqsy kóremin.
Osy kezde Tańǵaltqysh saıqymazaq keledi.
Tańqaltqysh: Oı, Sálem, balalar! Keshirińder, men kóp keshiktim be?
Kúldirgish: Salem, Tańqaltqysh. Joq, bizde jańa keldik. Qaıdan keshigip júrsiń?
Tańqaltqysh: Oı, basqa balabaqshadaǵy týǵan kúnge kirip ketippin.
Oıynpaz: Tańqaltqysh kelgen eken endeshe týǵan kúnimizdi bastaıyq. Ortaǵa týǵan kún ıesin shaqyramyz (eshkim shyqpaıdy)!
Tańqaltqysh: Kimniń týǵan kúni (balalarǵa, bir - birine tańqalyp qaraıdy)?
Oıynpaz: Aldar degen balanyń týylǵan kúnine shaqyrǵan edi ǵoı?
Kúldirgish: Aralaryńda Aldar degen bala kim?
Tańqaltqysh: Balalarmen tanysqan joqsyńdar ma? Tanysyp alaıyqta! Oıyn arqyly tanysamyz.
Oıyn: «Atyńdy ata»
Tańqaltqysh (oıyn shartyn túsindiredi): Men óz atymdy atap dopty birińe laqtyramyn. Dopty qaǵyp alǵan bala óz atyn atap keri laqtyrady.
 Oı, dostarym, myna balalardyń arasynda Aldar degen bala joq qoı.
Oıynpaz: «Qyr bóbegi» shaǵyn ortalyǵy emes pe? Iá, durys, minekeı «Aldar kóseniń týǵan kúni - 1 sáýir «Kúlki kúnine»» shaqyramyz.
Kúldirgish: Oıynpaz, bizdi «Týǵan kún keshine emes» «Kúlki kúnine» shaqyrǵan eken ǵoı. Aldar degen balanyń emes, bárimiz biletin Aldar kóseniń týylǵan kúni. 1 sáýir – «Kúlki kúni», bul kúni barlyq adamdar, balalar birin - biri aldaıdy, kúlip júrýi tıis. Men «Kúlki kúnin» jaqsy kóremin. Endeshe bárimiz búgin kúlip alaıyq. Qytyq - qytyq.
Oıynpaz: Endeshe, balalar, búgin biz oıyn oınaımyz, bı bıleımiz, án salamyz, tań qalamyz, kúlkige qaryq bolamyz, ıá?

Oıyn: «Iá, Joq»
Oıynpaz (suraqtarǵa «ıá», «joq» jaýap alady):
 Oıyn oınaımyz ba? – Iá
 Bı bıleımiz be? – Iá
 Jylaımyz ba? – Joq
 Kúlemiz be? – Iá
 Ashýlanamyz ba? – Joq
 Urysamyz ba? – Joq
 Án salamyz ba? - Iá
 Qýanamyz ba? – Iá
Kúldirgish: Endeshe kettik. Oıyn oınaımyz.

Oıyn: «Sıqyrly qalpaq»
Kúldirgish (oıyn shartyn túsindiredi): Mýzyka áýenimen bárimiz yrǵalyp bıleımiz. Mende «Sıqyrly qalpaq» bar. Bılep júrgen bir balanyń basyna kıgizemin. «Sıqyrly qalpaqty» kıgen bala ortaǵa shyǵyp bı qımylyn kórsetedi. Qalǵan balalar dál sol qımyldy qaıtalap bıleısińder. Endeshe kettik.

Kúlki jármeńkesi. júkteý