InfoHub Logo

Hımıa, bıologıa, geografıa pánderi aptalyǵynyń taqyryby: «Jaratylys ǵajaıyptary»
Aptalyqtyń ashylýy: Qyzyqty kesh
Muǵalim: Salamatsyzdar ma qurmetti ustazdar, bilimdi oqýshylar! Búgingi jaratylystaný ǵylymdarynyń aptalyǵynyń ashylýyna qosh keldińizder! Bul aptalyqtyń maqsaty - hımıa jáne bıologıa, geografıa pánderine oqýshylardyń qyzyǵýshylyqtaryn arttyrý. Oqytý kezinde alǵan bilimderin qorytý jáne tereńirek damytý. Oqýshylardyń boıynda salaýatty ómir súrý jaıly túsinikterin qalyptastyrý, shapshańdyqqa, uıymshyldyqqa, tapqyrlyqqa, ekologıalyq mádenıetke jáne tabıǵatqa saqtaýshylyqpen qaraýǵa tárbıeleý.

Ýa, halaıyq, halaıyq!
Bárine jar salaıyq!
Búgingi aptalyq tórinde,
Jumbaq sheship ańdysyp...
Shabyttanyp shalqysyp.
Kóńildi aptalyq jasaıyq,
Jumbaq sherdi shashaıyq.
At salysyp aıanbaı.
Bar ónerge basaıyq - deı otyryp, kelesi sóz kezegin bizdi qorshaǵan tabıǵattyń qyr - syryn meńgertetin jaratylystaný ǵylymdaryna bersek (ortaǵa bıologıa, hımıa, geografıa pánderi shyǵady).
Geografıa páni:
Tabıǵattyń qupıasy tuńǵıyq.
Kóz jetpeıtin munarasy tym bıik,
Bilgen saıyn syryn onyń júremiz
Júrekterge óshpes jalyn nur quıyp
Tabıǵattyń qadirleıik qasıetin
Ádildikke árqashan bas ıetin
Atańnan mal qalǵansha tal qalsyn dep
Halqyń aıtqan orynda ósıetin
O tabıǵat syryń da tereń eken,
Tunyp turǵan qoınaýyń óleń eken.
Qanymdaǵy qasıet senen eken,
Ne degen keremet eń, keremet eń!
Bıologıa páni:
Eı zamandas eń aldymen dosyńdy uq,
Dosyń jer, sý, taza aýa, ósimdik.
Ala júrip osylardyń syılyǵyn,
Osylardy qorlaý degen ne sumdyq?
Jer eshkimge jazbaıdy dep aryzdy,
Baryn sarqyp sala berý paryz ba?
Joq zamandas ár urpaqqa týǵan jer.
Ne berse de beretini qaryzǵa.
Hımıa páni:
Hımıany oqý paryz árkimge,
Oqıdy ony barlyq elde, ár tilde
Hımıany oqyńdar ár bólimin.
Kezdeser ol aldaryńnan ár kúnde.
Hımıany oqıyq biz kóńilmen,
Kezdeser ol kúndelikti ómirden.
Aqylymyz - hımıany bilińder!
Tap bolar ol ár jerden, ár óńirden.
Júrmeısiń muny bilseń qate basyp,
Atomdar jumbaqtaryn turady ashyp.
Bar element tańbasy osynda tur,
Sap qurap massaǵa saı qatarlasyp.
Kesteden túrli - túster kórinedi,
Bári de deńgeıge saı óriledi,
Zań ortaq, perıod ortaq, topta uqsas,
Zańdylyq zarádtarmen bólinedi.

Muǵalim: Pánderdi bárimizde bilemiz, bul pánderdiń tirshilik pen turmyspen tikeleı baılanysty ekeni de belgili. Jadyraǵan kóktem mezgilimen kelgen aptalyǵymyzdy mektebimizdiń bıshi arýlarynyń "Kóktem" bıimen ashsaq.
Muǵalim: Kóktem mezgilinde kún jylyp, qustar kelip, dala bulbuldaı saıraǵan áýenderge tolady. "1 sáýir qustardy qorǵaý kúnin" atap ótpeý múmkin emes. Bizdiń halqymyz keń dalada, tabıǵat qustary baı dalada ósken.

Muǵalim: Aldaryńyzda 2 synyp jigitterin kóktemge, qustarǵa degen óleń shýmaqtarymen ortaǵa shaqyramyz.
Jandarbek
Tirlikke jan kirdi
Keń dala jasaryp, jańǵyrdy,
Bar óńir qulpyra bastady,
Tósine quıyp ap jańbyrdy.
Tirlikke jan kirdi kóktem kep,
Aınala saı sala, kókpeńbek,
Dıqannyń arqasy bosady.
Qytymyr qysymyz ótti dep.
Arman
Jyl qustary keldi dep,
Baldyrǵandar máz boldy.
Qos qanaty jelpildep,
Kólge úırek - qaz qondy.
Ádilet
Qyzyl tal, qyzyl tal,
Qyzyl taldy búrshik bar,
Búrshigin sol jarǵany,
Kóktem kelip qalǵany.
Ushyp kelgen eń alǵash,
Qaratorǵaı qyraǵy.
Uıalarǵa qonaqtap,
Deıdi meniń turaǵym.
Muǵalim:
Aptalyqty bastaımyz.
Bilim qumar dostarym
Qyzyqqa toly suraqty
Aldaryna tastaımyz,
Suraq syryn tereńirek uǵaıyq,
Hımıa, bıologıa, geografıa qurmetteýge laıyq - dep kezekti mektep psıhologyna beremiz. Trenıń
Muǵalim:
Kúmis kómeı, jez tańdaı,
Án salsa beıne bulbuldaı.
Bulbuldaı án shyrqasa,
Qalmaıdy eshkim tańdanbaı.
Qazir sizderdiń nazarlaryńyzǵa "Hımıa" ánin usynamyz. Bul ándi hımıa pániniń gımni desek te qatelespeımiz. Bul ánniń sózin jazǵan Q. Jubanov atyndaǵy Aqtóbe óńirlik memlekettik ýnıversıtetiniń hımıa ǵylymynyń kandıdaty Ǵalıa Laıyqqyzy jazǵan. Ortada Myrzaǵulqyzy Gúlnafısti "HIMIA" ánimen jáne 8 - 9 synyp oqýshylaryn hımıalyq kórinispen ortaǵa shaqyramyz.

Qyzyqty kesh. júkteý