Taǵy da tań atady, kún shyǵady,
Tún keledi,
Tirshilik tynshyǵady.
Aýysyp alma-kezek tursyn áli,
Eı, meniń ómirimniń kún shýaǵy.
Eı, meniń ómirimniń kún shýaǵy!
Kóleńkesiz osylaı turshy káni.
Keıde menen keıigen ún shyǵady,
Keshire ger, kóńildiń tynshymaýyn?
Aqqýyn áldılegen aıdyndarym,
Aýlaqqa ushyp ketsem, qaıǵyrmaǵyn.
Aldyńa armanymnyń jaıdym bárin,
Amanat ótkermegen aı, jyldarym.
Aýǵanyn, aýysqanyn kún besinge,
Sum júrek biledi ǵoı...
Bilmesin be...
Eı, meniń kún shýaǵym, múmkindik ber,
Shyǵatyn kúnderimmen tildesýge.
Keshire gór, kóńildiń tynshymaýyn?
Tynshymaımyn!
Bitkenim - tynshyǵanym.
Talma tústi taıdyra kórmegeısiń?
Eı, jaryq kún shýaǵym,
Kún shýaǵym!

---