InfoHub Logo

Tańymyzdy qalaı bastasaq – kúnimiz dál solaı jalǵasyn tabady. Shyny kerek kóbimiz sol burynǵydaı ómirimizdi súrý úshin oıanamyz. Muny ózgertetin kez keldi dep oılamaısyz ba?

Kún saıyn ár adam óziniń eń keremet nusqasy bolýy úshin talpynýy qajet. Boıyńyzda jaqsy ádetterdi qalyptastyrýdy búginnen bastańyz. Kúnińizdi sátti bastap, maqsattaryńyzǵa jaqyndaı túskińiz kelse, tómende kórsetilgen 6 qadam sizge kómek bola alady.

1. Kúlimdeńiz

Týǵan kún merekeńizdi nemese osyǵan deıin sizúshiń óte mańyzdy bolǵan kúndi esińizge túsirip kórińizshi. Kóńil-kúıińiz kóterińki bolyp, oıatqyshtyń shyldyrynan buryn oıanyp alǵan bolarsyz. Mine, ár kúndi solaı bastaý kerek. Neırofızıologtardyń aıtýynsha, mımıkalyq qozǵalystar mı jarty sharlarymen tyǵyz baılanysty. Siz kúlimdegen kezde baqytty sezim týdyratyn sıgnal mıǵa barady. Osylaısha ózine jaqsy kóńil-kúı syılaı bilgen adam keshke deıin jaǵymdy energıaǵa toly bolady.

2. Tynyshtyqpen úndesý nemese medıtasıa

Ádette uıqydan tura salyp telefondy izdeımiz. Onyń ornyna 5 mınýtyńyzdy tynyshtyqta ótkizińiz. İshki álemińizge úńilip, rýhanı nazaryńyzdy jan dúnıeńizge baǵyttańyz. Sanańyzdan artyq oılardy alyp tastańyz. Sonyń arqasynda sanańyzdyń kúıi ózgerip, erekshe yntamen kúnińizdi bastaýǵa qýat alasyz.

3. Jospar quryńyz 

Aldaǵy kúni jasaımyn degen jumysyńyzdy tek oılap qana qoımaı, qolyńyzǵa qalam alyp josparyńyzdy jazyńyz. Eń basyna aýyr, uzaq ýaqyt alatyn isterdi qoıǵan jón. Sebebi jaǵymdy energıaǵa toly sergektigińizben josparyńyzdy tıimdi oryndaýǵa múmkindigińiz mol bolady.

4. Tek 5 mınýt

Tańyńyzdyń 5 mınýtyn qarapaıym dene jattyǵýlaryna arnaı otyryp, kúni boıyna energıa alý múmkindigińiz bar. Ǵylymı zertteýlerge súıensek, sport adamnyń kóńil-kúıin kóterip, sergektik syılaıdy. Sondyqtan, bastaýysh synyptardaǵy dene shynyqtyrý sabaǵyn eske túsirińiz de jattyǵý jasaýdy bastańyz! 

5. Sý ishińiz 

Bul óte qarapaıym keńes bolýy múmkin, alaıda aǵzadaǵy sý balansyn retteý mańyzdy. Máselen oıanǵan soń siz jýynasyz, solaısha uıqyńyz ashylady. Al azańda astan buryn bir staqan sý ishseńiz, ishki múshelerińizdi oıatasyz. Sol kezde tańǵy asqa aǵzańyz daıyn bolyp, jaqsy qorytady.  

 6. Oqy, oqy jáne oqy 

Kitaptyń ómirimizdegi asyl qazyna ekeni bárimizge belgili. Jańa bir nársege úırenem deseńiz nemese álem ádebıetimen tanysyp,tarıhqa kóz tastamaq nıetińiz bolsa, árıne, kitap oqyǵan abzal. Kúnine 10-20 betten oqyp tursańyz, 1 jylda 7300 bet bolady. Bul 200 betttik 36 kitapty quraıdy. Tamasha emes pe?  

7. Ózińdi súı! 

Aına aldyna baryp neshe túrli affırmasıalardy qaıtalańyz ne bolmasa jaı ǵana ózińizge alǵys aıtýdy ádetke aınaldyryńyz. Bul jaqsy psıhologıalyq kóńil-kúı syılaıdy. Oǵan qosa adamdy ózi sekildi basqa eshteńi jigerdendire almaıtynyn esten shyǵarmańyz. Maqsatyńyzdy aıqyn etip, ózińizge qurmetpen qarańyz.

Adamqalasabarlyǵymúmkin ekenin umytpaǵaısyz. Ár kúndibaǵalap bıik belesterdibaǵyndyrýǵa daıyn bolyńyz. Jańa kúnińiz sizge qandaı dúnıe daıyndapqoısada, sizsaqadaı saı bolýyńyz kerek!

Zarema Tursynbaeva

---