InfoHub Logo

Taıaýda Kýrchatov qalasynda 600 oryndyq jańa qazaq mektebi saltanatty túrde ashyldy.

«Nurly jol» baǵdarlamasy boıynsha salynǵan № 4 jalpy bilim beretin orta mektep № 1 mekteptiń úsh aýysymda bilim alý máselesin sheshýge baǵyttalǵan, dep jazady oblystyq «Dıdar» gazeti.

Qala ákimi Nurbol Nurǵalıev quttyqtaý sózinde jańa mektep ósip kele jatqan urpaqqa bilim men taǵylymdy tárbıe beretinin aıtyp ótti. Jańa mektep ujymyna elimizdiń patrıottary men biliktiligi joǵary mamandardy tárbıeleý jolyndaǵy eńbekterine sáttilik tiledi. 
Mekteptiń qurylysyna 867 mln teńge Ulttyq qordan bólindi. Mekteptiń qurylysyna 3,2 ga aýmaqty alatyn jer telimi berilgen. Mekteptiń aýmaǵy 2 aımaqqa bólingen: dene shynyqtyrý-sport jáne ártúrli jastaǵy oqýshylarǵa arnalǵan qımyl-qozǵalys oıyndar alańdary bar demalys aımaǵy. Jańa mektepte oqý prosesin yńǵaıly etý úshin barlyq jaǵdaı jasalǵan. Synyptar kompúterlik tehnıkamen, ınteraktıvti taqtalarmen, kórnekti ádistemelik quraldarmen jabdyqtalǵan.

---