InfoHub Logo

Saýsaq teatry.
Taqyryby: Kúshik, mysyq, jáne tyshqannyń dostyǵy.
Maqsaty: Balalardy muqıat tyńdaı bilýge úıretý, ertegi mazmunyn túsindirý. Úı janýarlarynyń qalaı dybystaıtynyn, onyń atyn ajyrata aıta bilýge úıretý. Keıipkerlerdiń ár túrli is - áreket
ústinde kóriný ózgesheligine qyzyǵa nazar aýdarýǵa daǵdylandyrý.
Balanyń oılaý, qabyldaý, tanym, kórý, estý qabiletterin damytý.
Balalardy tatýlyqqa, birlikke, dostyqqa, adamgershilikke ımandylyq tárbıesin qalyptastyrý.

Kórneki quraldar: Ertegi keıipkerleriniń toqylǵan beınesi. Dop.
Ertegi mazmunyn saýsaq teatry arqyly áńgimeleý.
Kúshik: «Av - av» men kúshikpin,
Kúshikpin kúshikpin
Túni boıy jatpaımyn,
Tynyshtyqty saqtaımyn. «Av - av»

Oı - oı aıaǵym, aıaǵym, aıaǵym - aı,
Mysyq: «Mıaý - mıaý» bul kim, kimsiń? A kúshik ekensiń ǵoı, ne boldy? sonshama aıqaılap.
Kúshik: «Av - av» mysyq men aýlada oınap júrgenimde aıaǵyma aǵash kirip ketti, meni qutqarshy aıaǵym aýyryp tur. «Av - av» jalynamyn.
Mysyq: Joq men senen qorqamyn, sen meni kúnde qýasyń. Aıaǵyńdaǵy aǵashty alyp seni qutqarsam meni qýa jónelesiń, odan da solaı otyra ber. Men erkin oınaımyn lá - lá - lá mıaý – mıaý.
Kúshik: Mysyq keshirshi endi men saǵan tıispeımin, meni qutqarshy, «Av - av».
Mysyq: jaraıdy onda men seni qutqaraıyn.

Kúshik: Rahmet! Endi ekeýmiz dos bolaıyq, birge dop oınaıyq, men saǵan tıispeımin.
Mysyq: «Mıaý - mıaý» kel ekeýmiz oınaıyqshy mende dop bar.
Dobym meniń, dobym meniń.
Óziń netken kóńildi ediń,
Zymyraısyń, zýyldaısyń.
Biraq bizden qutylmaısyń.

Mysyq: «Mıaý - mıaý» men sharshap kettim qaıtaıyqshy.
«Kúshik» «Av - av» onda bizdiń úıge dobyńdy ala júr birge oınaıyq.
Mysyq: «Lá - lá - lá - lá» (ándetip ekeýi kúshiktiń úıine barady.)

Mysyq: Oı, úıiń qandaı ádemi, jaıly keremet eken.
(sol kezde tesikten tyshqan shyǵa keledi)
Myna tyshqan qaıdan shyqty?, toqta men seni ustap alamyn da jep qoıamyn. A, bálem ustaldyń ba?
Kúshik: Mysyq, jibershi tyshqandy, ol da qonaq men de saǵan tıispeımin ǵoı, dos bolyńdar.
Mysyq: Jaraıdy kúshik, men endi tyshqanǵa tıispeımin.
Tyshqan: «Shıq - shıq» rahmet kúshik, men qatty qorqyp kettim. Endigi jerde bárimiz dos bolaıyq. (Tyshqan men mysyq qol alysady. Barlyǵy qosylyp án aıtady.)

Án: «Árqashan dos, birgemiz»
Qorytyndylaý