InfoHub Logo

Bilim berý salasy: Shyǵarmashylyq.
Uıymdastyrylǵan oqý is - áreketi: Músindeý.
Taqyryby: Úı salatyn bórene
Maqsattary:
Bilimdilik: Tuzdy qamyrdan esý tásili arqyly sopaqsha pishindi jasaýǵa úıretý.
Saýsaq qımyly - qozǵalystarynyń eptiligin qalyptastyrý.
Damytýshylyq: İs - áreketke degen qyzyǵýshylyqtaryn damytý.
Tárbıelik: Bir - birine kedergi jasamaı, birlesip, uqypty jumys isteýge, eńbek nátıjesine jetýge umtylýǵa tárbıeleý.
Ádis - tásili: Kórsetý, túsindirý, oıyn, qýyrshaq teatry.
Kórneki quraldar: Bóreneniń daıyn úlgisi, tuzdy qamyr, tósenish, súrtkish.

Barysy: İ. Uıymdastyrý kezeńi:
Balalar, búgin bizde músindeý sabaǵy bolady. Ol erekshe ótedi, bizge kóptegen apaılar kelip otyr. Qane sheńber boıynsha turyp, sálemdesip alaıyq.
Shattyq sheńberi: Qane, qane turaıyq,
Úlken sheńber quraıyq.
Tursaq endi sheńberge,
Alaqandy uraıyq,
Oń jaqtaǵy balaǵa,
Sol jaqtaǵy balaǵa,
Shapalaqta shapalaq,
Shapalaqta shapalaq.

Búgingi músindeý sabaǵymyzda tuzdy qamyrdan bóreneni músindeımiz. Bórene degenimiz ne? Ol qaı jaqtan keledi eken? Ol - aǵash, ormanda ósedi. Artyq butaqtaryn kesip tastap úı salýǵa paıdalanýǵa qurylys materıaldaryn daıyndaıdy. Ony otyn retinde paıdalanamyz. Osy aǵashtardan qaǵaz jasalady eken. Ormanda ósetin qandaı aǵashtardy bilesińder?
- Qaraǵaı, shyrsha, aqqaıyń, emen.
- Emen degen aǵash, ol óte qatty aǵash eken. Bizdiń osy otyrǵan oryndyqtarymyz, kıim salatyn shkaftarymyz sol emen aǵashtarynan jasalady eken.
Balalar myna bórenelerge qaraıyqshy, myna bórene aǵashtan alynǵan. Bul bórene aǵashty óńdep úı salýǵa daıyndaǵan eken. Búgin biz músindeý sabaǵymyzda tuzdy qamyrdan bórene músindeımiz.

Jumys barysy: 1. Tuzdy qamyrdy oń qolymyzben alyp,
eki alaqanymyzǵa salyp, esý tásili
arqyly uzynsha etip músindeımiz.

2. Oń qolymyzdyń suq saýsaǵymen eki
basyn tegisteımiz.
Sergitý sáti: Uzyn qulaq sur qoıan,
Estip qalyp sybdyrdy.
Oıly - qyrly jerlermen,
Ytqyp - ytqyp sekirdi.
Qarap edi artyna,
Qıyǵyn sap kóziniń.
Kele jatqan tompańdap,
Kójegi eken óziniń.

Tosyn sát:
(Esik qaǵylyp, pochtashy apaı keldi)
- Sálemetsizder me balalar, qonaqtar.
Balalar, bul qandaı top? Maǵan «Balapan» toby kerek edi. Sizderge ormannan sálemdeme keldi. Saý salamat bolyńdar.
Tárbıeshi: Qane, myna qorapty ashaıyq ishinde ne bar eken? (Qorapty ashqan kezde syńǵyrlaǵan
mýzyka estilip, ishinen qýyrshaq teatry qoıan shyǵady)
Qoıannyń sózi: Salamatsyzdar ma balalar! Men úısiz qoıanmyn, meniń úıim joq. Úıim bolmaǵan
soń qoraptarda turyp júrmin.
Tárbıeshi: Jaraıdy qoıan, sen ýaıymdama, biz búgin músindeý sabaǵynda bóreneler músindeımiz.
Sen ormanǵa baryp osy bórenelerden dostaryńmen úı salyp alasyń. Qane, balalar qoıanǵa kómektesemiz be?
Qoıan: Balalar bóreneni jaqsy músindeıdi eken. Damırdiń bórenesinen úıimniń qabyrǵasyn salamyn. Nuraıdyń bórenesi qandaı ádemi, odan úıimniń edenin salamyn.

Tárbıeshi: Qoıan mine balalar kóp bórene músindedi.
Qoıan: Alaqaı, qandaı tamasha balalar!
Oıyn: «Kimniń bórenesi ádemi?»
Tárbıeshi: Qoıan biz endi bul bórenelerdi keptirýimiz kerek.
Qoıan: Jaraıdy, men bóreneler kepkenshe osy qorapta dem ala turaıyn. Saý bolyńdar.

Sabaqty qorytyndylaý:
1. Balalar búgin qandaı sabaq boldy?
2. Músindeý sabaǵynda biz ne músindedik?
3. Bóreneni qalaı músindedik?
4. Biz bórenelerdi kimge beremiz?
5. Qoıan ol bórenelerdi ne isteıdi?
Jaraısyńdar balalar, búgingi sabaǵymyz aıaqtaldy. Barlyǵyńda sabaqqa jaqsy qatystyńdar.