InfoHub Logo

Bilim salasy: «Áleýmettik orta», «Qatynas»
Bólimi: «Qorshaǵan ortamen tanystyrý», «Til damytý»

Taqyryby: «Kúshik pen mysyqaı bizdiń kórshilerimiz»
Maqsaty. Balalardyń úı janýarlary týraly bilimderin keńeıtý. Bizben birge turatyn úı janýarlarynyń jaǵdaıyn baqylaýǵa úıretý. Úı janýarlarymen ózin ustaý erejelerimen tanystyrý. Úı janýarlaryna adamnyń qandaı qatynasy bolý kerek ekendigin túsindirý. Janýarlarǵa qamqorlyq qarym-qatynasyn, olarǵa qamqor bolý yqylasyn tárbıeleý. Tabıǵatta qaýipsiz júris - turystyń qarapaıym daǵdylaryn damytý.
Ádis – tásili: Tanystyrý, kórsetý, túsinik berý, qorǵaý, ǵajaıyp sát, suraq - jaýap.
Kórnekiligi: sýretter, slaıdtar, D/o: «Tólderdi ata!», «Bola ma, álde bolmaı ma?», oıynshyq mysyq pen oıynshyq kúshik
Uıymdastyrylǵan oqý is - áreketiniń júrisi:
Uıymdastyrý kezeńi: toptyq jıyn
Shattyq sheńberi: Sálemetsiń be, Altyn kún!
Sálemetsiń be, Jer ana!
Sálemetsizder me, qonaqtar!
Sálemetsizder me, dostarym!
Senderdi kórgenime qýanyshtymyn!
- Balalar, senderdi osyndaı keń, jaryq bólmede kórip, kezdesip turǵanyma sondaı qýanyshtymyn, Sol qýanyshymdy, alaqanymnyń jylýyn, jaıdary kúlkimdi bárińe syılaǵym kelip tur.
Ǵajaıyp sát: Esik soǵylyp ishke kúshik pen mysyqaı kiredi. Ekeýi de jaraqattanǵan.
Tárbıeshi: - Sálemetsizder me? Kelińizder, tórleńizder.
- Balalar, bul neler bizge qonaqqa kelgen? (balalardyń jaýaby)
- Senderge ne bolǵan? (kúshik pen mysyqaı jaýap bermeıdi )
- Jaraıdy, aıtýǵa kóńilderiń bolmaı turǵan sıaqty. Endeshe myna oryndyqqa otyryńdar. Múmkin bizdiń balalarymyzdy tyńdaǵannan keıin kóńil - kúıleriń jaqsaryp, bizge ne bolǵanyn áńgimelep berersińder.
- Balalar kúshik pen mysyqaıdyń kóńilderin kóterý úshin olardyń dostary tólderdiń sýretterin qarap, attaryn ataıyq.
Dıdaktıkalyq oıyn: «Tólderdi ata» (slaıd arqyly ótkizý)
- Balalar mysyqaı men kúshiktiń kóńilderi kishkene kóterilip qalǵan sıaqty, ári qaraı kóńildendirý úshin múmkin taqpaqtar aıtyp berermiz. Káne kim aıtyp beredi?
Balalar tólder týraly taqpaqtaryn oqıdy.
Tárbıeshi: - óte tamasha, balalar kelińder ortaǵa kishkene sergip alaıyq.

Sergitý sáti: «Kóleńke»
Kólbeń, kólbeń kóleńkem, kólbeńdegen kóleńkem,
«Mysyq» qalaı júredi? Kim kórsete biledi?
«Mysyq» bylaı júredi kóleńkem de biledi
Kólbeń, kólbeń, kóleńkem, kólbeńdegen kóleńkem,
«Kúshik» qalaı úredi? Kim kórsete biledi?
«Kúshik» bylaı úredi, kóleńkem de biledi.

Tárbıeshi: - Mysyqaı, kúshik kóńilderiń kóterilgen sıaqty, endi aıtarsyńdar sendermen ne bolǵanyn?
Kúshik pen mysyq: - Jaraıdy, biz dalada oınap júrgen balalardy kórip, olarmen birge oınaǵymyz kelip, qastaryna barǵanbyz. Al olar bolsa, bizben oınap júrip, birese qulaǵymyzdy burady, birese quıryǵymyzdan tartty, qatty julmalap, julqylady, kúshiktiń qulaǵyn qatty burap aýyrtyp jibergen sonsha, ol baıqaýsyzda balalardyń bireýin tistep aldy, olar bizge tas laqtyryp qýa bastady, ázer qashyp qutyldyq.

Tárbıeshi: - Balalar, ol balalardyń bul qylyqtary durys boldy ma? Nege olaı oılasyńdar? (Balalardyń jaýaby)
Tárbıeshi: - It, mysyqtyń quıryǵynan tartýǵa, qulaqtaryn buraýǵa, olardyń kózderin shuqýǵa, júninen tartqylaýǵa bolady ma?
(Balalardyń jaýaby)
Tárbıeshi: - Árıne, bolmaıdy. Birinshiden olar ózderin qorǵaý úshin senderdi tistep nemese tyrnap alýy múmkin. Ekinshiden sender olardy da jaraqattap qoıýlaryń múmkin.

- Sonymen qatar balalar dalada nemese kóshede bóten ıt, kúshik mysyqtyń qasyna barýǵa, olarǵa qoldaryńdy sozýǵa, olardy sıpaýǵa bolmaıdy, olar senderdi tanymaıtyn bolǵandyqtan senderdi tistep ne tyrnap alýlary múmkin, sondyqtan abaı bolyńdar! Esterińde bolsyn balalar tamaq iship jatqan ıt, mysyqtyń da qasyna jaqyndap barýǵa bolmaıdy, olar oz tamaqtaryn, kemirip jatqan súıekterin qyzǵanady, óziniń asyn qyzǵanyp shabýyl jasap, tistep, tyrnap alýlary múmkin. Janýarlarmen qarym qatynas jasaǵanda únemi saq bolýlaryń kerek.

- Balalar, senderge qyzyqty oıyn daıyndadym, men senderge
Sýretter kórsetemin, al sender ondaǵy áreketterdi jasaýǵa bola ma, álde bolmaı ma? Sony taýyp aıtasyńdar.
D/O: «Bola ma, bolmaı ma?»
- Bárekeldi balalar! Óte tamasha! Al endi sender
ózderińdi kórshilerimiz mysyqaımen, kúshikpen qalaı qarym - qatynas jasaý kerektigin úırendińder, saqtyq erejelerimen tanystyńdar. Endeshe mysyqaı men kúshiktiń jaraqattaryn emdep, analaryna qaıtýǵa kómekteseıik.
Oıyn; «Veterınar»