InfoHub Logo

Mýzykadan ashyq sabaq 5 klass
Sabaqtyń taqyryby: Kúı qudireti.
Sabaqtyń maqsaty: Kúıdiń tarıhymen túrlerimen tanystyrý.
Óz halqynyń kúıshilerin taný. Óner adamdaryna degen qurmet sezimderin týǵyzý.
Tárbıelik máni: Ónerdi qurmetteýge, ózin - ózi ustaýǵa, adamgershilikke, ónerdi baǵalaı bilýge tárbıeleý.
Damytýshylyq máni: Oqýshylardyń án - kúılerdi tyńdaı arqyly áýendik sezimtaldyǵyn arttyrý, este saqtaý, qıaldaý, oılaý qabiletterin damytý.
Sabaqtyń túri: Aralas sabaq.
Pánaralyq baılanys: Tarıh, ádebıet, beıneleý.
Sabaqtyń kórnekiligi: Kúıshilerdiń sýreti, toptastyrý, sergitý sáti, syzba jumystary, aspaptardyń sýreti, baıan aspaby.

Sabaqtyń barysy:
1. Uıymdastyrý kezeńi:
2. Psıhologıalyq daıyndyq:
Úlkenderge siz,
Kishilerge biz.
Ádeppenen bas ıip,
Sálem berdik biz!

3. Úı tapsyrmasyn suraý.
«Sary dalany sazben terbetken» qazaqtyń ataqty kúıshisi Qorqyt atamyz týraly aıtamyz.
4. «Adasqan notalar» oıynyn oınatý.
5. Balalar bizder «Adasqan notalar» suraq - jaýap oıyny arqyly ótken sabaqty pysyqtaý. Nota astynda jazylǵan suraqtarǵa jaýap berip, notalardy nota syzyǵyna ornalastyramyz.

6. Jańa sabaq.
Sabaqtyń taqyryby: «Kúı qudireti»
- Mýzyka degende kóz aldymyzǵa ne elesteıdi? Suraqqa jaýap berý.
- Án, kúı, bı, dombyra bunyń barlyǵyn óner dep ataımyz.
Sonyń ishinde búgingi sabaqta tanysatynymyz «Kúı» ónerimen tanysamyz.
«Kúı» degenimiz ne?
Kúı - dombyra jáne basqa aspaptarda halyq aspaptarynda oryndalatyn mýzykalyq shyǵarma. Kúıler dombyra, qobyz jáne sybyzǵy aspaptarynda oryndalady.
Kúıler taqyrybymen mazmunyna qaraı: ańyz kúıler, tartys kúıler, tarıhı kúıler, arnaý, lırıkalyq, psıhologıalyq kúıler bolyp jikteledi.
Ańyz kúıler - halyqtyń ótken turmys - tirshiligi jaıly baıandaıdy. «Jetim bala», «Aqsaq qulan» t. b kúılerdi jatqyzamyz.
Tarıhı oqıǵalarǵa jońǵar shapqynshylyǵymen oǵan qarsy halqymyzdyń kúresi «El aıyrylǵan», «Jeńis» atty kúıler.
Arnaý kúıi - belgili bir adamdarǵa arnap shyǵarǵan kúı. Olarǵa «Abyl»,»Baıjuma» kúılerdi jatqyzamyz.