InfoHub Logo

Atyraý oblysy,
Isataı aýdany, H.Naýbetov atyndaǵy orta mekteptiń
joǵarǵy sanatty muǵalimi Nurmasheva Sharbaný Nasyrqyzy
Taqyryby: Kúz - mereke, kúz - bereke.

Maqsaty: Kúz mezgili týraly túsinikterin, sóıleý qabiletin jetildirý.
Mindetteri: Kúz kelbetin sıpattap, kúz aılaryn ataı bilýge úıretý. Sóz qorlaryn baıytyp, oılaý, este saqtaý qabiletterin arttyrý. Tabıǵatty aıalaýǵa, súıýge, qorǵaýǵa tárbıeleý.

Sabaqtyń ádisteri: kórsetý, taqpaqtar, oıyndar, suraq – jaýap.
Sabaqtyń kórnekilikteri: taqyryptyq, úlestirmeli sýretter, jemister men kókónister mýlájdary, sebetter jáne kúz kelbeti.

Sabaqtyń barysy:
İ. Uıymdastyrý kezeńi.
Sálemdesý.
Biler qazaq balasy.
«Sálem – sózdiń anasy»
Aldymyzdan kezikken
Kóp tanysty kóremiz,
Bárine de izetpen
Bizder sálem beremiz.

İİ. Án áýenimen kúz kirip keledi (balalar qarsy alady) Amandasady.
- Men kimmin ?
- Kúz
- Qazir qaı jyl mezgili?
- Qazir kúz mezgili.
- Qandaı kúz aılary bar?
- Qyrkúıek, qazan, qarasha

İİİ.Kúz týraly taqpaq bilesińder me?
Aıdos: Sary altyndaı sary kúz
- Qambadaǵy dánimiz.
- Shelek – shelek balymyz,
- Aǵyl – tegil aǵymyz.

Aqbota: Jaıdary kúz, jarqyn kúz,
Aıaýly kúz, altyn kúz.
Dánge toly en dalam
Darıadaı shalqyp júr.

Murager: Meıirli kúz, myrza kúz,
Syılyǵyńa yrzamyz.
Appaq araı tańyńda,
Shomylamyz nurǵa biz.

Nazerke: Kók aspanyń móldirep,
Altyn kúzim eljirep,
Asyr salyp júre ber,
Sary kóılegiń jelbirep.

İV Sergitý sáti: Qys – qunar beredi,
Kóktem – dán sebedi,
Jaz – bastap, ósirse
Kúz – jınap beredi.

V Til damytý. Kúz mezgilin qalaı bilemiz?
Aısana Órik, alma, shıe, alsha.
Jıdek, júzim pisedi.
Qaýyn, qarbyz, qıar, sábiz,
Dúkenderge túsedi.
Balalar
- Kúzde kún sýyq. Kúzde sary japyraqtar.
- Kúzde alýan-alýan japyraqtar. Japyraqtar túsedi.
- Qustar ushyp ketedi. Jemister jınaımyz.
- Kúzde jumys kóp. Kókónister jınaımyz.

Vİ. Jumbaq shesheıik:
Boıyn jerge jasyrǵan,
Burymy bar jasyldan.
(Sábiz)
Qalyń kıimdi unatady,
Sheshindirseń jylatady.
(Pıaz)
Vİİ. Oıyn «Kim jyldam?» (Kókónister men jemisterdi toptap sebetke jınaıdy)

Vİİİ. Úlestirmeli sýretter.(Attaryn atap, salystyryp tústerin, pishinderin jáne sóz tirkesterin aıtady)
Alma – jemis. Alma domalaq. Túsi qyzyl. Dámi tátti.
Qıar - kókónis. Pishini sopaqsha. Túsi jasyl.
Shıe – jemis. Qyzyl shıe. Bes shıe. Qyshqyl shıe.
Mynaý - sábiz. Sopaqsha sábiz.sary sábiz. Úlken sábiz.

H. Kúz: Astyq pisip, oraq túsip,
Qyrman dánge tolady.
Bóbekterim, aıtyńdarshy bul qaı kezde bolady?

Balalar: Bul kúzde bolady.
Kúz: Balalarǵa kóp – kóp rahmet aıtyp, qoshtasyp ketedi.