InfoHub Logo

Atyraý oblysy, Isataı aýdny, H. Naýbetov atyndaǵy
orta mekteptiń joǵarǵy sanatty bastaýysh synyp muǵalimi
Nurmasheva Sharbaný Nasyrqyzy

Taqyryby: Memlekettik rámizder - ulttyq maqtanysh.
Maqsaty: Atameken, týǵan jer, el rámizderin qurmetteýge, Otansúıgishtikke tárbıeleý.
Kórnekiligi: N. Á. Nazarbaevtyń sýreti, Q. R - nyń rámizderi, óleńder, London Olımpıadasynyń júldegerleriniń sýretteri.
Ádisi: áńgimeleý, suraq - jaýap.
Sabaqtyń barysy: 1. Uıymdastyrý.
2. Muǵalimniń kirispe sózi.

Qurmetti oqýshylar! Búgingi Bilim kúngi alǵashqy sabaǵymyz memlekettik rámizder týraly. Memlekettik rámizderge Tý, Eltańba, Gımn jatady. Bıylǵy jyly Ata zańymyzǵa - 17 jyl, Memlekettik rámizderge - 20jyl.
Qazaqstan Respýblıkasynyń Memlekettik Gımnin jazǵan Jumeken Nájimedenov, Nursultan Nazarbaev. Ánin jazǵan Shámshi Qaldaıaqov.

Qazaqstan Respýblıkasy memlekettik týynyń avtory - Sháken Nıazbekov. Memlekettik týdyń ortasynda shuǵylaly kún, onyń astynda qalyqtap ushqan qyran beınelengen tik buryshty kógildir tústi mata. Matanyń sol jaǵynda ulttyq órnek. Olardyń túsi altyn tústi.

Eltańba avtorlary - sýretshiler Jandarbek Málibekov pen Shota Ýálıhanov. Eltańbada shańyraq beınelengen, ony aınala kún sáýlesindeı tarap ýyqtar shanshylǵan, ańyz áńgimelerdegideı pyraqtar qanaty kómkerip tur. Eltańbanyń joǵarǵy jaǵynda bes buryshty juldyz, tómengi jaǵynda "Qazaqstan" degen jazý bar.

3. Úntaspadan ánuran( gımn) tyńdalady.
- Balalar, ánuranda ne aıtylǵan?
- Ánuran qandaı jaǵdaıda oryndalady?
- Memlekettik tý qandaı jaǵdaıda kóteriledi?
- Memlekettik tý qandaı jaǵdaıda tómen túsiriledi?
4. Memlekettik rámizderge baılanysty sýretter kórsetý. Olarǵa toqtalý.
5. Suraq - jaýap ádisi arqyly túsinikterin baıqaý.
1. Memlekettik rámizderdi ata?
2. Memlekettik tilimiz qaı til?
3. Qazaqstanda qandaı halyqtar mekendeıdi?
4. Qazaqstan baıraǵynyń túsi qandaı?
5. Qazaqstan baıraǵynda ne beınelengen?

6. Sabaqty qorytyndylaý. Orazqan Asqar "Bizdiń eltańba" óleńimen sabaqty qorytyndylaý.
Altyn qanat kómkergen,
Shańyraq bar, ýyq bar.
Ásem beıne sen kórgen,
Jaı beıne emes, uǵyp al!
Súısindirgen ózińdi
Túsine bil tańbany.
Ańyzdaǵy ushqyr, tózimdi
Pyraq - halyq armany.
Kógildir tús aıasy -
Beıbit dala elesi.
Shańyraq - jurt panasy,

Ýyqtar - kún sáýlesi.
Joǵaryda túser kóz
Bes barmaqty juldyzǵa.
Al "Qazaqstan" degen sóz,
Tanys barlyq ul - qyzǵa.
Maǵynaly, symbatty
Bar osyndaı belgimiz.
Maǵan, saǵan qymbatty
Eltańbasy ol - elimiz!

(Óleńdi mánerlep oqı otyra mazmunyn túsindirý)
Keıbir sózderge toqtalý. Mysaly: Pyraq - ertegilerde kezdesetin qanatty tulpar. Ańyz halyq qıalynan týǵan oqıǵa.