InfoHub Logo

«Kúzgi orman» atty eresek tobyna arnalǵan merekelik senarı
Qatysýshylar: Kúz hanshaıymy, Ormanshy ataı, Jaýyn – shashyn, Jel, Tıinder, Kókónister, Jemister.
P. I. Chaıkosvkııdiń «Barkarolla» áýenimen balalar zalǵa kiredi.
Oryndalatyny: bı (2), án (3), oıyn (3).

Júrgizýshi: Sálemetsińder me, balalar! Amansyńdar ma, qonaqtar! Búgingi bizdiń merekemizge qosh keldińizder!
Kúz usynyp egisi men jemisin, ákeldi halyqqa bar molshylyq.
Sary japyraq altyndaı bop tógilsin, Elimizde bolsyn árkez kópshilik.
Búgingi bizdiń merekemizge Kúz hanshaıymy da keldi. Balalar, Kúz hanshaıymyn qarsy alaıyq.
Ádemi áýenmen zalǵa Kúz hanshaıymy kiredi.
Kúz: Amansyńdar ma, balalar! Sálemetsińder me, qonaqtar! Tańerteń orman ishin aralap júrsem, qustar maǵan «Balaýsa» balabaqshasynyń balalary meni qonaqqa kútip otyr dep jetkizdi. Balalar, barlyqtaryn qandaı ádemi bolyp otyrsyńdar, zaldy da ádemi bezendirip qoıypsyńdar. Maǵan óte unaıdy.
Júrgizýshi: Kúz hanshaıymy, bizdiń balalarymyz Sizge arnap óz ónerlerin kórsetkisi kelip, taqpaqtaryn aıtqysy keledi.
(ortaǵa 3 bala shyǵady)

1 – bala: O, alaqaı tamasha,
Shashý shashty japyraq,
Baqtyń ishi alasha,
Aýnar ma edim jatyp – ap.

2 – bala: Kúzim - aý, kúzim - aý,
Mineziń buzyq - aý.
Jańbyryń sirkirep,
Kelgeniń qyzyq - aý.

3 – bala: Kúzgi jel bolsa aınala,
Japyraqtar shýlaıdy,
Jerge túse bastaıdy.
Kúz: Biz sendermen qosyla
Japyraqtar jınaımyz.
Japyraqtarmen birge,
Bı bılep, án salamyz.
Án «»

Jeldiń áýeni estiledi, zalǵa jel kiredi.
Jel: Men - Kúzgi jelmin. Bulttardy kóshirip, japyraqtardy alysqa ushyramyn. (Osy sózderdi aıtqanda Jel zaldyń ortasyna japyraqtardy shashady).
Kúz: Jel, jel, sen asyqpa. Bulttardy kóshirdiń, japyraqtardy da alysqa ushyrdyń.
Kishkene tynyshtalyp, bizben birge merekeni toıla.
Jel: Sendermen kóńil kóterýge ýaqytym joq, basqa da balalar meni kútip otyr. (Jel taǵy da bir aınalyp zaldan shyǵady).
Kúz: Áne, Jel de barlyq japyraqtaryn shashyp ushyp ketti. Endi myna japyraqtardy qalaı jınaımyn?
Balalar: Muńaıma, Kúz hanshaıymy. Biz saǵan kómektesemiz.
Qyzdar zaldaǵy jatqan eki japyraqtan alady.
«Japyraqtarmen bı» oryndalady.

Kúz: Rahmet, balalar, sender maǵan japyraqtardy jınaýǵa kómektestińder, jáne bı bılep kóńilimdi kóterdińder.
(Esiktiń ar jaǵynan: «Apchhı! Apchhı!» dep bireý túshkiredi).
Júrgizýshi: Balalar, tońyp qaldyńdar ma?! Aı - ıaı - ıaı, ne isteýge bolady? (Hromatıkalyq gammasy tómen) áýenmen Jaýyn - shashyn kirip bıleıdi, aınalady.
Jaýyn – shashyn: Kúz, sen osyndasyń ba? Saǵan ormanda júr dep aıttym ǵoı! Al sen bolsań, kóńil kóterýge, kúlip - oınaýǵa balalarǵa kelgen ekensiń ǵoı.