InfoHub Logo

Aqtóbe oblysy, Baıǵanın aýdany,
Kemershı selosy, Q. Jazyqov atyndaǵy orta mektep
tárbıe isiniń orynbasary Qulmanova Zlıha Sanaqqyzy

Taqyryby: Kıeli Jem óńiriniń tól perzenti
(Jerles jazýshymyz Qajyǵalı Muhanbetqalı ulymen kezdesý keshi)

Maqsaty:
Júrý barysy
İ júrgizýshi: Qurmetti Qajyǵalı aǵa, el aǵalary, ulaǵatty ustazdar, súıikti shákirtter, búgingi mektebimizde ótkeli otyrǵan «Kıeli Jem óńiriniń tól perzenti» atty jerles jazýshymyz Qajyǵalı Muhanbetqalıulynyń 70 jyldyq mereıtoıyna baılanysty kezdesý keshimizge qosh keldińizder!

İİ júrgizýshi: Qajyǵalı Muhanbetqalıuly 1942 jyly 8 jeltoqsanda Aqtóbe oblysy, Baıǵanın aýdanyndaǵy Kemershı aýylynda týǵan. 1965 jyly Qazaq memlekettik ýnıversıtetiniń fılologıa fakúltetin bitirgen. Odan keıin Aqtóbe oblystyq radıo jáne televıdenıe komıtetinde, oblystyq «Komýnızm joly» gazetinde, respýblıkalyq «Qazaqstan» baspasynda, «Juldyz» jýrnalynda, «Qazaq ádebıeti» gazetinde redaktor, aǵa ádebı qyzmetker, bólim meńgerýshisi, jaýapty hatshy, orys – qazaq tilderinde shyǵatyn «Jańa fılm» jýrnalynyń bas redaktory bolǵan. Keıingi jyldary Qazaqstan Respýblıkasynyń prezıdenti apparatynda, Parlamentte, «Tańsholpan» jýrnalynda qyzmet istegen. Kóptegen jazýshylardyń jekelegen áńgimelerin jáne túrkimen jazýshysy T. Jumageldıevtiń «Eges» atty kitabyn, orys jazýshysy A. Skalonnyń «Baqyttyń altaı túlkisi» atty áńgimeleri men povester jınaǵyn qazaq tiline aýdardy. Óziniń de birqatar áńgimeler men povesteri shetel tilderine aýdarylyp jaryq kórdi. Qazaqtyń HÝİİİ ǵasyrdaǵy otarshyldyq ezgige qarsy kúresiniń basshysy ári bı, ári batyr S. Datuly týraly uzaq jyldar boıy zertteý júrgizgen ol, ondaǵan maqalalar jazyp, osy bir aıtýly tulǵanyń ómiri men qoǵamdyq qyzmeti jóninde respýblıkalyq «Arys» baspasynan «Syrym Datuly» atty jınaqty ózi qarastyryp, alǵy sózi men túsiniktemelerin de ózi jazyp jaryqqa shyǵardy. Táýelsizdigimizdiń 10 jyldyǵyna arnalǵan medalmen marapattalǵan. Baıǵanın aýdanynyń qurmetti azamaty 2003 jyly «Qazaqstannyń eńbek sińirgen qaıratkeri» ataǵy berildi.

İ júrgizýshi: Jem – saǵyz qalyń jurtym jaılaǵan jer
Mańǵyrtyp tórt - túlik mal aıdaǵan jer
Qaptasa taýdaı narlar sáıgúlikter
Qoılary semizdikten jaılaǵan jer
Jem – Saǵyz ákem – sheshem jaılaǵan jer
Kóktemde báısheshegi jaınaǵan jer
Basyna jas botanyń úki taǵyp
Qulyndy qońyraýlatyp aıdaǵan jer – dep jerles aqynymyz Saǵı Jıenbaev jyrlaǵandaı kelesi kezekti aýdandyq «Aıgólek» baıqaýynyń İ oryn ıegeri búldirshin ánshimiz -------------------- oryndaýyndaǵy «Aqbulaq» ánine beremiz.

İİ júrgizýshi:
Talant qabiletine qaraı kez kelgen jazýshynyń óner áleminde óz orny bar. Solardyń arasynan qaı oqyrman kimdi súıip oqıdy, kimdi qurmetteıdi ıa jeke másele. Al óz basym jylt etip, jaryqqa shyqqan ár shyǵarmasyn múmkindiginshe oqyp qalýǵa tyrysatyn ózin de, sózin de syılaıtyn sanaýly ǵana jazýshylarynyń biri – meniń Qojekem. Meniń deıtinim biz, gazet redaksıasynda, biraz jyl birge qyzmet istedik, aǵaly – inili adamdardaı syılastyq. Buǵan múmkin ekeýmizdiń óner, ómir, ádebıet jónindegi kózqaras, pikir – tujyrymdarymyzdyń kóp jaǵdaıda ár jerden shyǵatyndyǵy dáneker bolǵan shyǵar – deıdi belgili jazýshy, qalamdas inisi D. Áshimhanuly.

İ júrgizýshi:
Jazýshy aǵamyzdyń ózi de, ózi týǵan topyraqtan shyqqan Saǵı aqynnyń shyǵarmalarymen sýsyndap ósken. Kelesi kezekte «Jaqsy óleń ózi – aq sóılep turady» atty shyǵarmasyna beremiz. Ortaǵa 5 klass oqýshysy --------------------------- shaqyraıyq.

İ júrgizýshi:
Aýylym osy meniń izdep kelgen
Ketkeli talaı jyldar tizbektelgen
Taly joq án sharyqtaıtyn bulbul qonyp
Shyńy joq shyńyna muz bóktergen
Turady keıde ot bolyp qumdar kúıip
Tyńdaıdy jelden ǵana jyrlardy uıyp
Kóńilim osy aýylda kók teńizdeı bıik
Kóńilim osy aýylda shyńnan – dep Bákir aqyn jyrlaǵandaı «Týǵan jer» atty án – shashýymyzdy búldirshin ónerpazymyz ---------------------------- oryndaýynda qabyl alyńyzdar.

İ júrgizýshi:
Árkim óz túısigi óz baılamy kózqarasy turǵysynda sóz qozǵary belgili, osy turǵydan kelgende Qajyǵalıdyń shyǵarmalaryn oqyǵan adam mynaý yǵy - jyǵy ómirden ózin bolmasa joldas – jora, týma – týystaryn kóreri anyq.
Qajyǵalıdyń qandaı shyǵarmasy bolmasyn ómirdiń dál ózi sonyń qaǵazǵa túsken kartınasy. Oqısyń da qalyń oıǵa qalasyń, jaǵymsyz keıipkerlerdiń is áreketine yza bolasyń.

İİ júrgizýshi:
60 - 80 jyldardan bastap qazaq ádebıetiniń proza jáne poezıa salasynda ózindik iz qaldyrǵan Kıeli Jem óńiriniń tól perzentteri Saǵı, Bákir, Esenbaı, Tobyq, Ótejan sekildi aqyn jazýshylarymyzdyń búgingi jalǵasy jas urpaqtyń jazýshy ataǵa arnaǵan jyr únine qulaq túrelik.
İ júrgizýshi:
Mektebimizdiń jas mamany poezıa salasynda qalam terbep júrgen zamandasymyz --------------------- óziniń jyr shashýyn sizge arnaıdy.

Nábıeva Kórkem
Maratov Nurbek
Erǵalıeva Dınara

İİ - júrgizýshi:
Kúı ǵoı bul qoshtastyrǵan qımasyńmen
Kúı ǵoı bul dostastyrǵan syılasyńmen
Kóz aldyńa kólbeńdep kele qalar
Qurmanǵazy, Qazanǵap Dınasymen deı kele mektebimizdegi Ásem án hor úıirmesiniń ónerli baldyrǵandaryn «Kelinshek» kúıimen qarsy alamyz.

İ - júrgizýshi:
Óziń aıtshy synshym meniń qyraǵy
Sýǵa toıǵan qashan shóldiń mǵraby
On qyzy bar ata anaǵa bilesiń
Qaı kezde de bir ul jetpeı turady.
Baıı berý bolsa adamnyń urany
Ony tirlik túzý joldan burady
Bir dachasy bar adamǵa qashanda
Bir mashına jetpeıdi de turady
Maly kópke eske saqta shyraǵym
Shóp bolmaıdy shúkirliktiń quraǵy
Qansha ósse de mansap qýǵan adamǵa
Bir sekirý jetpeıdi de turady
Yryq bermes kóńildiń kók pyraǵy
Jaqsy armannyń jaqynynan jyraǵy
Toıda qansha toıǵanmenen ishkenge
Bir júz gram jetpeıdi de turady degen eken Qadyr aqyn Qajyǵalı aǵamyzǵa arnaǵan óz jyrynda.

İİ júrgizýshi:
Olaı bolsa mektebimizdiń bulbul ánshisi Nábıeva Kórkemdi Nurtýǵannyń termesi «Qánekeı tilim sóıleshi» qarsy alaıyq.

İ júrgizýshi
Adam taǵdyryna tereń boılaý ne nárseniń sebepterin túpki tamyrdan izdeý adamdyq, ımandyq máselelerdi bárinen de joǵary qoıý Qajekemniń kóptegen shyǵarmalarynan anyq kórinedi. Bulardyń qaı qaısysynda da ol kóz kóregendigin júrek sezimtaldylyǵyn oı ushqyrlyǵyn tanytady.
İİ júrgizýshi
Olaı bolsa kelesi kezekti Rahmetov Baǵdattyń ásem ánine beremiz.

İ júrgizýshi:
Q. Muhambetqalıev shyǵarmashylyǵynyń altyndaı asyl arqaýy adam ómiriniń máńgilik shyndyǵynyń almaǵaıyp aldamshy shyrǵalańdaryna qurylady. Jazýshy sheberliginiń shyńdalyp kemel sıpatqa ıelengenin kóptegen shyǵarmalary arqyly bilýge bolady.

İİ júrgizýshi:
Kelesi tyńdaıtyndaryńyz Ermuhambetov Qalybek pen Erjan Nurlattyń oryndaýynda «Kel aýylǵa» áni.

İ júrgizýshi:
Án bastalsa qalaısha janbas halyq
Tyńdaýǵa bar tún boıy tań jastanyp
Uıyp qalar tabıǵat oıanbastaı
Ketken kezde keremet án bastalyp demekshi Rahatov Islambekti «Jasa qazaǵym» ánimen qarsy alaıyq.

İİ júrgizýshi:
Q. Muhambetqalıev óz mashyǵy men mánerin qapysyz tapqan, úlken eposqa úlken daıyndyqpen baı tájirıbemen bet alǵan jazýshy. Onyń shyǵarmalary keler urpaq úshin mol mura bolyp qalmaq, qalamyńyz ári qaraı ushtala bersin, otbasyńyzǵa amandyq, denińizge saýlyq, eńbegińizge tvorchestvolyq tabys tileı otyryp búgingi kezdesý keshimizdi aıaqtaımyz.

Qosh saý bolyńyzdar!
Kelesi kezdeskenshe kún nurly bolsyn.