InfoHub Logo

Qymbatty mama!

Bul kúnde sizge perzenttik mahabbatymyz júrek túpkirinde árdaıym terbetip júretin eń izgi de ystyq sezimimizdi bildirgimiz keledi. Taǵdyrdyń jazýymen buıyrǵan bes tal gúlińizdi bir ózińiz aıalap, bizdi jetkizsem dep talaı kúnderińiz ben túnderińizdi kúlkisiz de uıqysyz ótkizgenińizdiń qandaılyq azap ekenin aldymyz balaly bolyp, sońymyz sizge kúıeý bala men nemere qýanyshyn syılasaq degen oıda júrgende jete túsingendeımiz. Sodan da bolar, jan-jaqqa tarap ketsek te esil-dertimiz ózińiz jylytyp otyrǵan altyn uıamyzda, «altyndarymnyń biri kelip qalar ma eken», dep úlken jolǵa únemi kóz tigip júretin ózińizde. Toryqqanda — aqylshymyz, jabyqqanda — saǵynyshymyz, ózińizsiz. Mynaý ómir siz arqyly qyzyq, maǵynaly, qymbat. Qudaı sizge aldaǵy kezde tek baqytty ǵumyryn bergeı.

Álpeshtegen, aıalap asyraǵan,
Aıaýly ana, aq nıet asyl adam.
Urpaq úshin tirlikke nuryn tókken,
Qıyn-qystaý kúnde de jasymaǵan.
Syzdaǵasyz,
San ret muzdaǵasyz,
Shákirtke de,
Bizge de izgi anasyz.
Baǵymyzdyń bulbulyn saıratatyn,
Janymyzdyń jaılaýy Siz ǵanasyz.
Laýlaımyz da, Siz barda janamyz da,
Qosyp sizdi san ánge, san ańyzǵa.
Aıalaǵan aqqýyn aıdyndaı bop
Asyl Ana, júre ber aramyzda!

* * *

Aıaýly Ana! Shyǵar shyńdaryńyz, baǵyndyrar bıikterińiz, alar asýlaryńyz kóp bolsyn! Árqashan Allanyń nazarynda, baqyttyń bazarynda shalqyp tasyp júre berińiz! Sizge sarqylmaıtyn densaýlyq, taýsylmaıtyn baqyt tileımiz! Aramyzda búgingi kúndeı jarqyrap, kúlip-oınap júre berińiz!

Ómirdiń ár qyrynan izdep araı,
Baqyt qusy samǵasyn Sizge qaraı.
Alpystyń asýynan erkin asyp,
Sátti qadam basyńyz júzge qaraı!

* * *

O, Ana!
Netken ǵajap esim eń!
Sen degende eljirep,
Sen degende kósilem.
Sen degende shalqımyn,
Bolattaı janyp, balqımyn.
Aqshaqardaı aınalyp,
Qyl gúlindeı jaıqalyp,
Samalyń bop ańqımyn.
Sen úshin tartyp taýqymet,
Naızaǵaıdyń ushqynyn
Júregime shanshımyn.

O, Ana!
Netken jeńil esim eń!
Úsh áripten quralyp,
Úsh júzdi jalǵastyryp eń.
Máńgige muraǵattaýly
Baǵa jetpes shejireń.

Tyńdaýshy, bir sát eleń et!
Aıtýǵa jeńil emes pe?
«Ana» dep til qat, keremet!

O, Ana!
Tiregim de ózińsiń,
Júregimde ózińsiń,
Aıtatyn árkez sózimsiń.
Ózińsiń ana, ózińsiń,
Az qyzyqqa máz bolǵan,
Kókiregińe naz tolǵan,
Jatqa ketsem tórimsiń.
İs bastaǵan oń qoldan,
Bata berip oń joldan,
Qulynym deısiń aımalap.
Aınalaıyn, ana jan,
Madaqtaýǵa tulǵańdy,
Jalyqpaımyn qaıtalap.
Durysymdy asyrǵan,
Burysymdy jasyrǵan,
Men gúl bolsam qyrmyzy,
Sensiń ana — jaıǵan baq!

O, Ana!
Netken baıtaq ediń sen!
Jer anadaısyń kerilseń.
Ien qushaǵyń birde tar,
Birde sheksiz, birde jar,
Qasıetińnen aınaldym!
 
Burymdy shashyń tolqyndaı,
Maılanǵan ózen sıaqty.
Janaryńa jas tolmaı,
Bastaýdan boılap ol aqty,
Keı kezde tańǵy shyqtardaı,
Turady muńmen móldirep,
Kirpigińe jarmasyp,
Úzileıin dep úlbirep.
 
O, Ana!
Netken qamqor jan ediń!
Bilegińdi sybanyp,
Áldenege qýanyp,
Tynyp tappaı júresiń.
Qabaqty da shytasyń,
Jibek kóılek kepkenshe,
Sondaı jaıly mineziń!

Óz baqytyn, qýanyshyn ózi ómirge ákelgen perzentteriniń qylyǵynan, qyzyǵynan izdeıtin aıaýly Anam meniń! Sizge álemdegi bar jaqsy tilekti úıip-tóksem de az. Alla sizge eń aldymen myqty densaýlyq bersin! Árqashan júzińizden meıirim nyshany ketpeı, aınalańyzǵa nuryńyzdy shashyp, Analyq baqqytqa kenelip júre berińiz!!!

Batyr da týǵan anadan, aqyn da týǵan anadan,
Ananyń bıik tuǵyry — anadan týǵan bar adam.
Paıǵambarymyz Muhammed anany qurmet sanaǵan,
Anaǵa máńgi boryshtar eldegi barlyq dana adam.
Aq sútin berip ósirgen, buzyq bolsam — keshirgen.
Tilin alsam — aınalǵan, kúnám bolsa -óshirgen.
Aq anashym,anashym, saǵan tánti bala shyn!
Móldir, káýsar bulaqsyń, men súrinsem — jylapsyń,
Shyńǵa shyqsam — qýanyp, men qulasam — qulapsyń,
Aq anashym, anashym, senbeı bar ma janashyr.

Ana

Ana degen — uly esim!
O, Ana!
Netken uly esim eń!
Tursa da qajyp taǵdyry,
Bar shattyǵym — bala dep,
Tánin torlap tań nury,
Min baqpaı urpaq ósirgen.
Bar qateni keshirgen,
Jasaıdy máńgi arýana
Jalǵasyp tarıh kóshimen.
Asaýdaı asyl beınesi,
Ketpeıdi adam esinen.
Balasyn bassa baýyryna,
Nár tamǵan aq tósinen.
Barmaqtaı jatqan baqytty
Artyq kórgen ózinen.
Ol — sábı, sonda jylaıdy,
Yntyzar kómek suraıdy,
«İńgá» degen sózimen.

* * *

Búgin — anamyzdyń týǵan kúni. Osyǵan oraı, ardaqty da asyl anashymyzdy shyn júregimizden quttyqtaımyz. Denińizge saýlyq, shańyraǵyńyzǵa yrys-baılyq, kóńilińizge sezimniń shalqyǵan shattyǵyn tileımiz. Árdaıym osy qalpyńyzdan tanbaı, jetistikten jetistikke jete berińiz. Otbasyńyzdan yntymaq, basyńyzdan baq taımasyn. Júzińizden shýaq ketpeı, ǵumyr boıy máz-meıram bolyp, ómirdiń qyzyǵyna toımaı, ortamyzda júre berińiz. Dos-jaran men týǵan-týys aldynda abyroıyńyz artyp, ańsaǵan armandaryńyzdyń asýlaryna shyǵa berińiz. Juldyzyńyz joǵary, mereıińiz ústem bolyp, qýanyshqa kenelińiz.

* * *

Ul-qyz ósirip, nemereleriniń qymbatty anasy, súıikti ájesi bolyp otyrǵan 60-tyń asýyna shyqqan .......... turǵyndary ........ pen ......... mereıtoılarymen quttyqtaımyz.

* * *

Asyl anam, nur shashqandaı kelbetiń,
Sensiz basyp júre alam ba jer betin?
Bir qolyńmen balań jatqan besikti,
Bir qolyńmen uly álemdi terbettiń.
 
Ana, janym, júre bershi qasymda,
Sen ótpegen, bálkim, osy asý ma?
Árkez maǵan bata berip jol nusqap,
Aıtatynsyń: «Qulynym-aý, jasyma!».
 
Sum taǵdyrdy keship óttiń basymnan,
Sondyqtan da shıraq boldyń jasyńnan.
Keshir ana, qatelessem keshe kór,
Biraq alys kete kórme qasymnan.

* * *

Qandaı ystyq ana degen árkimge,
«Qulynym!» dep otyratyn ár kúnde.
Bárimizge besik jyryn úıretken,
Analardyń mańdaı teri bar túnde.

* * *