InfoHub Logo

Tárbıe saǵatynyń taqyryby: «Máńgilik el Men óz Otanymnyń patrıotymyn» tárbıe saǵaty
Maqsaty:
1. Oqýshylardy Otandy súıýge, qurmettep qasterleýge, óz elin, tegin tarıhyn bilýge, táýelsizdigimizdi qadirleı bilýge tárbıeleý.
2. Oqýshylardyń tanym belsendilikterin, qyzyǵýshylyqtaryn damytý.
3. Oqýshylarǵa patrıottyq, estetıkalyq, adamgershilik tárbıe berý, óz oı - pikirin bildire alatyn oqýshylardy tárbıeleý.
Kórnekiligi: plakattar, slaıd, naqyl sózder

Barysy:
1. Uıymdastyrý.
• Aspany ashyq elimizdiń,
Kórki sulý jerimizdiń,
Biz - baqytty balamyz!
Aqpyz, qara, sarymyz,
Aǵaıynbyz bárimiz!

2. Kirispe sózi:
- Otan – ár adamnyń júregine jyly tıer qasıetti sóz. Otan – seniń týǵan eliń, týǵan jeriń, dos – jarandaryń, týǵan týysqanyń. Otan - bul ózińniń turatyn, ómir súretin, qyzmet etetin jeriń. Otan adam úshin bireý ǵana. Otandy anaǵa teńeıdi. Sebebi, Otan senderdi anańdaı qorǵaıdy, kómektesedi, kúsh beredi. Biz Otanymyzdy, elimizdi súıemiz. Biz, Qazaqstannyń patrıotymyz!
Otan degen ne, kim qalaı túsinedi?
Kóp aýzynan túspeıtin,
Otan degen nemene?
Onyń tulǵa tús keıpin,
Dostym bilgiń kele me?
Alıhan: Otan deımiz ot jaqqan jerimizdi,
Otan deımiz ósirgen elimizdi.
Otan deımiz týǵan jer, atameken –
Bıik taý, orman, toǵaı kólimizdi.
Edige: Otan deımiz keń - baıtaq astanany,
Jasyl jaılaý, jańa jol, jas qalany.
Otannyń sheti de joq, shegi de joq,
Ol biraq óz úıińnen bastalady.
Aqerke: Otan - tarıh, Otan – til,
Jasaǵan eliń, óz - halqyń.
Otan – óleń, Otan - jyr,
Kótergen kókke el dańqyn.
Ýalıhan: Otan – seniń ata - anań,
Otan – dosyń, baýyryń,
Otan – ólkeń, astanań,
Otan – aýdan, aýylyń.
Alıhan: Otan – osy dostarym,
Kóńilge muny túıe bil!
«Otan» dep ós jas qaýym,
Ony ardaqtap súıe bil!
- Bizdiń Otanymyz qalaı atalady?
- Qazaqstan Respýblıkasy qandaı memleket?
- Qazaqstan Respýblıkasynyń prezıdenti kim?
El boldyq erik aldyq astanaly
Endi kimnen qazaǵym jasqanady?
Táýelsiz memlekettiń shejiresi,
Nursultannyń atymen bastalady.
Bizdiń Otanymyz – Qazaqstan Respýblıkasy. San ǵasyrlar boıy ata - babalarymyz jerin jaýdan qorǵap, búgingi urpaq, bizge jetkizdi. Qazaqstan jer kólemi boıynsha 9 orynda tur. Qazaqstanda úlken qalalar kóp. Olar: Almaty, Astana, Qaraǵandy, Shymkent, Kókshetaý, Qostanaı, Aqtaý, Pavlodar, Aqtóbe, Taraz, Qyzylorda, Óskemen, Semeı, Taldyqorǵan. Bular – ádemi qalalar.
Astana - Otanymyzdyń bas qalasy, astanasy. Ol Esil ózeniniń jaǵasynda ornalasqan. Astana qalasyn qazir búkil el biledi.
Qazaqstan - táýelsiz, egemendi, kóp ultty memleket. Onda qazaqtar, urystar, uıǵyrlar, ózbekter, koreıler, ýkraınder jáne taǵy basqa ulttardyń ókilderi turady. Olar tatý - tátti, birlikte ómir súrip jatyr.
- Qazaqstan Respýblıkasy qandaı memleket?
- Qazaqstan Respýblıkasynyń prezıdenti kim?

Jańaaýyl negizgi orta mektebiniń
bastaýysh synyp muǵalimi
Chapatova Aıjan Mýkametkalıevna
Máńgilik el Men óz Otanymnyń patrıotymyn tárbıe saǵaty. júkteý