InfoHub Logo

Synyp saǵatynyń taqyryby: Men óz Otanymnyń patrıotymyn!
Maqsaty: Oqýshylardy Otandy súıýge, qurmettep qasterleýge, óz elin, tegin tarıhyn bilýge tárbıeleý. Oqýshylardyń tanym belsendilikterin, qyzyǵýshylyqtaryn damytý. Balalardy Otanǵa degen maqtanysh, patrıottyq sezimin damytý. «Patrıot» degen sózdiń tereń mánin túsindirip ótý. Oqýshylarǵa patrıottyq, estetıkalyq, adamgershilik tárbıe berý, óz oı - pikirin bildire alatyn oqýshylardy tárbıeleý.
Kórnekiligi: ınterbelsendi taqta, slaıdtar, aq qaǵaz, túrli tústi qaryndashtar.

Barysy:
1. Uıymdastyrý.
Otan degen ne, kim qalaı túsinedi?
Kóp aýzynan túspeıtin,
Otan degen nemene?
Onyń tulǵa tús keıpin,
Dostym bilgiń kele me?

Aıjarqyn: Otan deımiz ot jaqqan jerimizdi,
Otan deımiz ósirgen elimizdi.
Otan deımiz týǵan jer, atameken –
Bıik taý, orman, toǵaı kólimizdi.

Aıhanym: Otan deımiz keń - baıtaq astanany,
Jasyl jaılaý, jańa jol, jas qalany.
Otannyń sheti de joq, shegi de joq,
Ol biraq óz úıińnen bastalady.

Aıaýlym: Otan - tarıh, Otan – til,
Jasaǵan eliń, óz - halqyń.
Otan – óleń, Otan - jyr,
Kótergen kókke el dańqyn.

Álı: Otan – seniń ata - anań,
Otan – dosyń, baýyryń,
Otan – ólkeń, astanań,
Otan – aýdan, aýylyń.

Dınara: Otan – osy dostarym,
Kóńilge muny túıe bil!
«Otan» dep ós jas qaýym,
Ony ardaqtap súıe bil!

2. Muǵalim sózi:
- Otan – ár adamnyń júregine jyly tıer qasıetti sóz. Otan – seniń týǵan eliń, týǵan jeriń, dos – jarandaryń, týǵan týysqanyń. Otan - bul ózińniń turatyn, ómir súretin, qyzmet etetin jeriń. Otan adam úshin bireý ǵana. Otandy anaǵa teńeıdi. Sebebi, Otan senderdi anańdaı qorǵaıdy, kómektesedi, kúsh beredi. Biz Otanymyzdy, elimizdi súıemiz.
- Bizdiń Otanymyz qalaı atalady? Bizdiń Otanymyz – Qazaqstan Respýblıkasy. San ǵasyrlar boıy ata - babalarymyz jerin jaýdan qorǵap, búgingi urpaq, bizge jetkizdi. Qazaqstan jer kólemi boıynsha 9 orynda tur. Qazaqstanda úlken qalalar kóp. Olar: Almaty, Astana, Qaraǵandy, Shymkent, Kókshetaý, Qostanaı, Aqtaý, Pavlodar, Aqtóbe, Taraz, Qyzylorda, Óskemen, Semeı, Taldyqorǵan. Bular – ádemi qalalar.
- Elimizdiń astanasy qaı qala?
Astana - Otanymyzdyń bas qalasy, astanasy. Ol Esil ózeniniń jaǵasynda ornalasqan. Astana qalasyn qazir búkil el biledi.
- Qazaqstan Respýblıkasy qandaı memleket?
Qazaqstan - táýelsiz, egemendi, kóp ultty memleket. Onda qazaqtar, urystar, uıǵyrlar, ózbekter, koreıler, ýkraınder jáne taǵy basqa ulttardyń ókilderi turady. Olar tatý - tátti, birlikte ómir súrip jatyr.
- Qazaqstan Respýblıkasynyń prezıdenti kim?
Memlekettik til - qazaq tili. Qazaq tilin bilý - árbir qazaqstandyq azamattyń boryshy.
Men óz Otanymnyń patrıotymyn! júkteý