Máńgilik jastyq,
Máńgilik jasyl,
Kókpeńbek.
Alaqaı, bizdiń alaýly jastyq etken joq!
Qýarǵan kúz de,
Bozarǵan qys ta, minekı,
Maımenen birge oraldy taǵy kóktem bop.
Búkil ǵalamnyń,
Yntymaqtyǵyn baıqaǵan,
Dúnıeni tegis jasyl nurymen shaıqaǵan.
Jalǵandy myna,
Jasyl nurymen jasartyp,
Jadyrap kúlip,
Maı aıy keldi qaıtadan.
Bıylǵy maı bir bólek,
Dalaǵa shyqqyn,
Baqtarda óngen gúl de erek.
Ósýi úshin,
Órbýi úshin adamnyń
Osyndaı kóktem,
Osyndaı tunyq Kún kerek!
Bıylǵy kóktem...
Bárinen erek túr bólek!
Bıylǵy kóktem
Bastaldy bıik minbeden,
Shashyldy shýaq, Kreml turǵan irgeden,
Sózinen uǵyp, kózinen tanyp Ilıchtiń
Otandy kórdik,
Urpaqty kórdik gúldegen.
Bárinen erek,
Bıylǵy bizdiń jasyl Maı.
Dúnıege ketti,
Shýaǵy sırep basylmaı.
Qurlyqtarda da,
Muhıttarda da tunyp tur,
Ǵalam toıyna partıam shashqan shashýdaı.
Osylaı tursyn
Osylaı máńgi kóktesin!
Shań ushyp jerden,
Aspannan yzǵar tókpesin.
Máńgilik myna qurlyqtardyń betinen
Máńgilik jastyq -
Máńgilik kóktem ketpesin

---