Selk etip, sekem alyp qaradyń-aý,
Qaı taýdyń kıigi ediń, qaraǵym-aý!?
Tóbeńde shyr aınalyp bala qyran,
Múıiste mergeni bar qala mynaý.
Sondyqtan sekem alyp qaradyń-aý.
Kel,
Meniń qasyma kel, qasyma kel,
Jeńdirip úreıińdi, basyla gór,
Sulýlyqqa suqtanǵan jat kózderden,
Jalt etken janaryńdy jasyra ber.
Panala,
Qasyma kel, kasyma kel.
Ot-sýy, otaýy yrǵyn jatqan qyrdan,
Nendeı kúsh seni munda attandyrǵan?!
Abaılap, adymyńdy saqtandyrǵan,
Bul mańǵa nesin keldiń qaqpan qurǵan
Arman ǵoı seni munda attandyrǵan?!
Úmitiń, armanyń da bári qalyp,
Aýyldy oılap qur beker nalymalyq.
...Jetkizip tastaıyn ba taýyńa alyp,
Qunyńdy, quralaıym, tany baryp.
Qaraǵym-aý, qaı taýdyń kıigi ediń?!
Syrtyńnan qaraımyn da, súıinemin.
Ǵaıyp bolyp qaı jaqqa baratyrsyń,
Álde bir dombyranyń kúıi me ediń?!

---