InfoHub Logo

Ǵalamtordan Nurbolat Abdýllınniń  kózine jas alyp turyp oryndaǵan  «Meniń ákem -eń jaqsy adam!» degen ánin estigende eriksiz meniń kózime de jas keldi.  «Meniń de ákem keremet adam!»,-  dep sahnada án etip aıta almasam da, syrtqa shyǵyp tanystaryma aıtyp, aıqaılap , bárine  aıtqym keldi. Bizge ata-ana týraly aıtyńdar dese kóbine anamyzdy birinshi aıtatynymyz aıdan   anyq. Oǵan meniń qarsylyǵym joq. Degenmen men úshin ákemniń sózi, otbasyndaǵy orny,   anama, ata-ájeme, balalaryna qamqorlyǵy erekshe.    Ákemiz keıde  úıde bolmaı jolaýshylap ketse, onyń orny erekshe oısyrap turatyn.  Al anamyz ben ákemiz  qatar otyryp, birge tamaqtanyp, birge áńgimelesip,  oı bólissek men úshin odan artyq baqyt joq tárizdi.   Qazir  basqa qalada oqýda júrgen apam men   aǵam ár telefon shalyp sóılesken saıyn «Ákem  men anamdy renjitpe, aıtqandaryn eki etpeı orynda, syıla!» ,-deýmen bolady. Múmkin saǵynyp júrgen bolar dep oılaımyn keıde.  Al bir oıym adam qasynda júrgende jaqyn adamdarynyń qadirin bilmeıdi,- degen oımen astasyp, olar ákem men anamnyń qadirin endi bilip júrgen bolar degen oı  meni mazalaıdy. Olar oqýdan demalysqa kelip, qaıtatyn kúni bolǵanda - anama tańerteńgi shaıǵa balalardyń bárin oıat, bárimiz birge aýyzbirshilik shaıyn isheıik, -deıtin. Anam sol kúnge bola tańerteń erte oıanyp, bar táttini pisirip, aýzymyzǵa tosatyn. Bul da bolsa ákemniń birlik pen tatýlyqqa shaqyrǵan tárbıesi dep bilemin.   Ákemniń asyl  qasıetterin aýyzben aıtyp jetkize almaımyn. Qansha sharshap- shaldyqsa da úıge únemi kúlimsirep kiredi. Qushaǵyn aıqara ashyp , bizdiń «Ákeeee!» dep júgirip, moınyna asylǵanymyzdy  saǵynyp kelgendeı bolady. Ákem meniń otbasymnyń qamqorshysy, qorǵaýshysy, arqa súıerim, asqar taýym! Ákeden tálim alǵan ár balanyń bolashaǵy jarqyn. Men  ákemniń boıynan namys- jigerdi, balalaryna degen mahabbatty, jaryna degen adaldyqty,  baýyrlary men týystaryna degen qamqorlyqty  baıqaımyn. Keıde syrttaı qatal kóringenimen, onyń ishki jan dúnıesi óte jumsaq. Qaı kezde de muńaısaq qýantýǵa, jylasaq jubatýǵa, súrinsek  súıeýge daıyn turady.  Ol bizdiń jaqsy, baqytty, muńsyz  ómir súrgenimizdi qalaıdy.    Osyndaı ákemniń bar ekendigine men maqtanamyn.  Ózim qashan adam bolyp, áke  qaryzyn qaıtaratyn jasqa jetkenshe, sahnaǵa shyǵyp án arnaýǵa álim kelmese de, osylaı ákemdi  basqalarǵa aıtýǵa shamam keledi ǵoı,- degen oımen júregimnen shyqqan sózderimdi aıtqym keldi, basqalarǵa jetkizgim keldi. Sondyqtan  qaı kezde de anamyz ben ákemizdi qurmetteı bilýge, qadirin jete túsinýge dostarymdy, zamandastarymdy shaqyramyn!

Qyzylorda oblysy , Qazaly aýdany , Áıteke bı kenti, Y. Altynsarın atyndaǵy

 №204 mekteptiń 9-synyp oqýshysy Qulbaı Aqerke

---