InfoHub Logo

Bilim salasy: «Tanym» «Qatynas».
Bólimi: Matematıka. Kórkem ádebıet.
Taqyryby: «Matematıka – ertegiler áleminde»
Maqsaty: Teatr túrleri arqyly keıipkerlerdi ajyratý, pishinderdi, sandardy tanýǵa, keńistikti baǵdarlaýǵa úıretý. Logıkalyq oılaý qabiletterin damytý. Adamgershilikke, ádemilikke tárbıeleý.
Kórnekilik: Ertegi keıipkerleri, úıshik, geometrıalyq pishinder, sandar.
Ádis – tásilderi: Suraq – jaýap, áńgimeleý, jeke jumys, oıyn.
Bılıngvıstıkalyq komponentter: Ertegi – skazka, úıshik – domık.

İs – áreket kezeńderi
Tárbıeshiniń is - áreketi
Shattyq sheńberi
Qýanamyn mende
Qýanasyń sende
Qýanady dostarym
Araılap atqan kúnge
Sálem dostar!
- Balalar sender ertegi tyńdaǵandy jaqsy kóresińder me?
- Qandaı ertegilerdi bilesińder?
- Ertegi týraly án bilesińder me? Olaı bolsa «Ertegiler» degen án tyńdaıyq.

Endeshe bárimiz ertegiler álemine saıahattaıyq.
- Orman ishinen neniń dybystary estiledi?
- Bizder ertegi keıipkerlerine kezdestik, neni kórip tursyńdar? Qaı ertegi dep oılaısyńdar?
- Neshe aıý otyr sanaıyqshy?
- Aıýlardyń bári birdeı ma?
- Úlken aıýdy kim kórsetedi?
- Eń kishkentaı aıýdy kim kórsetedi?
- Aıýlardyń oryndyǵyna kim otyrdy?
- Mashaǵa kandaı ydyspen tamaq ishken unady?
- Úlken aıýdyń aldynda qandaı tostaqan tur?
- Ortasha aıýdyń aldynda qandaı tostaqan tur?
- Neshe tósek bar eken?
- Nýrıslam, kishkentaı aıýdy óz tósegine jatqyzshy
- Ábýhalıf, úlken tósekke kim jatady?
- Masha qaı tósekte uıyqtaǵandy unatty?

- Balalar saıahatymyzdy ári qaraı jalǵastyraıyq
- Aldymyzdaǵy keıipkerler qaı ertegiden dep oılaısyńdar?
- Shalqan qandaı bolyp ósipti?
- Shalqandy kim tartyp tur?
- Qyz kimniń artynda tur?
- Qyzdyń aldynda kim tur?
- Qyzdyń artynda ne tur?
- Kúshiktiń aldynda kim tur?
- Neshe janýar bar?
- Eń sońynda ne tur?
- Barlyǵy dostasyp neni tartyp aldy?

Sergitý sáti
Uzyn qulaq sur qoıan
Estip qalyp sybyrdy
Oıly, qyrly jerlermen
Ytqyp, ytqyp sekirdi
Qarap edi artyna
Qıyǵyn sap kóziniń
Kele jatqan tompandap
Kójegi eken óziniń.

- Balalar senderge saıahat unady ma?
- Balalar, qandaı ádemi úıshik tur qarańdarshy?
- Bul úıshikte kim turady bilesińder ma?
- Ertegi degen sózdi skazka deımiz, al úıshikti domık deımiz.
Erte, erte, ertede orman ishinde ádemi úıshik bolypty. Úsh burysh pishin kele jatyp úıshikti kóredi. Ary - beri qarap esikti qaǵady. Toq, toq, toq. Esikti eshkim ashpaıdy. Sóıtip ol úıshikte ózi ómir súredi.
- Balalar úsh burysh pishinniń túsi qandaı?
Bir kezde toq, toq, toq degen dybys estiledi.
- Bul kim?
- Al sen kimsiń?
- Men senimen birge turaıynshy, meniń shartymdy oryndasań kirgizemin.
- D/O« Qulyptyń kiltin tap».
Dóńgelek pishin ary beri aınalyp, kiltin taba almaıdy.
- Balalar dóńgelek pishinge kómektesemiz be?
Balalar pishinderdi, tústerdi taýyp, qulyptyń kiltin tabady
Rahmet balalar, sóıtip dóńgelek pishin úıshikte turady. Sol kezde toq, toq, toq degen dybys shyǵady.
- Bul kim?
- Sen kimsiń?
- Men sendermen birge úıshikte turaıynshy. Bizdiń shartymyzdy oryndasań kirgizemiz. D/O Vagondardyń dóńgelegin ornalastyr.
Tórt burysh shartty oryndaı almaı balalardan kómek suraıdy.
Rahmet balalar! Sol kezde toq, toq, toq degen dybys estiledi.
- Bul kim?
- Sen kimsiń?
- Men sendermen birge turaıynshy. Bizdiń shartymyzdy oryndasań turǵyzamyz.
D/O «Sandardy retimen ornalastyr». Sopaqsha pishin balalardan kómek suraıdy.

Sóıtip barlyq pishinder dos bolyp tatý ómir súredi.
Sol kezde toq, toq degen dybys estiledi.
- Bul kim?
- Sen kimsiń?
- Men sendermen birge turaıynshy. Bizdiń shartymyzdy oryndasań kirgizemiz. Sirińke shıinen pishinder, zattar qurastyr.
Saýsaq jattyǵý
Oń qolymda bes saýsaq
Sol qolymda bes saýsaq
Qosyp edik ekeýin
Shyǵa keldi on saýsaq
- Balalar senderge ertegi unady ma?
Logıkalyq esep
Tabaqta úsh alma
Ekeýin berdim apama
Neshe qaldy tabaqta alma?

Aǵashta ósip tur tórt almurt
Jerge tústi eki almurt
Neshe qaldy aǵashta almurt?