InfoHub Logo

Sabaq taqyryby: Matematıka sabaǵynda ulttyq oıyndardy paıdalanýdyń mańyzy.

Sabaqtyń maqsaty: Oqýshylarǵa ulttyq oıyndardy oınata otyryp, qyzyqty tapsyrmalar, jumbaq esepter shyǵartý, logıkalyq oılaý qabiletterin damytý, tez oılaýǵa, shapshań esepteýge úıretý, ujymdyqqa, eptilikke tárbıeleý. Halqymyzdyń ádet-ǵurpyn, oıyn-saýyqtaryn, ulttyq oıyndaryn oınatý arqyly balalardy aýyzbirlikke, dostyqqa tárbıeleý.

Sabaqtyń kórnekiligi: asyqtar, aqsúıekter, kýbık, kespe áripter, teńge, oramal.
Sabaqtyń ádisi: túsindirý, esepteý, qurastyrý, oı qozǵaý, ulttyq oıyndar.
Pánaralyq baılanys: Til damytý, saýat ashý, ekologıa, logıka

Sabaq barysy: Uıymdastyrý kezeńi.
Aldymen ulttyq oıyndar týraly túsinik berý.
Alaman báıge. Munda júırik, jarys attar 25-100 shaqyrymdyq qashyqqa shabady. Onyń jolynda aınalyp ótetin kól, saı-sala, bel-belester tárizdi kedergili jerler bolýǵa tıisti. Alaman báıge úlken toıda, úlken asta, torqaly toılar men zor merekelerde jarıalanady.

Maqsat qoıý:
Báıgege túsip jaryspaı,
Júıriktiń baǵy janar ma?
Bilim men óner jarysyp,
Tálim, tárbıe tabar ma?
Bul báıge oıdyń báıgesi
Kim júırik oıǵa-sol alda, - degendeı jarys túrinde ótkiziletin sabaǵymyzdy bastaımyz.
3-topqa bólemin: «Tapqyrlar», «Bilgirler», «Oıshyldar».

1-tapsyrma: Matematıkalyq jumbaq esepter.
1.Tal basynda tizilip, on japyraq tur edi.
Jel soqty da úzilip, ushyp ketti bireýi.
İzinshe onyń julynyp, tústi taǵy beseýi.
Tur áli de ilinip, japyraqtyń nesheýi? (4)
2 Aýlada 3 úırek,
Qorada 1 úırek.
1 úırek tyǵyldy,
1 úırek jyǵyldy.
Qalǵany neshe úırek? (2)

3.Tabaqta 5 alam,
Qolymda 2 alma.
Qosqanda barlyǵy,
Bolady neshe alma? (7)

2-tapsyrma: «Hantalapaı» oıyny.
Talapaı-aý talapaı,
Tabyldy oıyn alaqaı!
Asyqty alǵa shashamyz,
Talapaıǵa basamyz, - dep asyqty shashyp jiberemin. Oqýshylar shashylǵan asyqty jınap alady da ár oqýshy óziniń qolyndaǵy asyǵyn toppen qosyla sanap shyǵady. Asyqtardyń sany aıaqtalǵan soń, salystyrý jumysyn júrgizemiz.

3-tapsyrma: «Aqsúıek» oıyny.
Oıynnyń sharty: Taqtaǵa aqsúıekter japsyrylady. Bir bala kózin jumady da aqsúıektiń bireýin alady. Artynda jazylǵan sanǵa baılanysty sanamaq aıtady.

4-tapsyrma: «Oramal tastamaq» oıyny.
Sharty: sannyń aldyńǵy jáne artqy kórshisin tabý. Tapqan bala kelesi balanyń aldyna oramal tastaıdy.
5-tapsyrma: «Teńge ilý» oıyny.
Sharty: Taqtaǵa teńge ilinedi. Teńge alý úshin bir jańyltpash aıtyp berý kerek.
6-tapsyrma: «Neshe aıaq» oıyny.
Sharty: Marattyń úıinde ákesi, sheshesi, bir inisi, apasy bar. Marattyń turǵyndarynyń aıaqtarynyń sany nesheý?

7-tapsyrma: «Kýbızm» ádisin qoldana otyryp, oı qozǵaý strategıasyn qoldanamyn. Kýbıkti laqtyrý arqyly suraqtarǵa jaýap berý. 12345 sandardy ashý “BİLİM” degen sóz shyǵady.
Suraqtar:
Qol ne úshin kerek?
Qazaqtyń tuńǵysh prezıdenti kim?
Kitap ne úshin kerek?
“Qyzyl kitapqa” ne jazylady?
Tiri tabıǵatty ata?

Qorytyndy.
Balalardy madaqtap, kespe áripter arqyly «Jaraısyńdar» sózin qurastyryp, sabaqty qorytý.