InfoHub Logo

Taqyryby: Mahambet Ótemisuly «Meniń atym – Mahambet»
Sabaqtyń maqsaty:
1. Búgingi óskeleń urpaq aqynnyń kim ekendigin, onyń óleńderiniń taqyrybyn, tarıhyn, ıdeıasyn asha otyryp, aqyndy taǵy da jańa qyrynan tanıdy, óleńderine taldaý jasaıdy.
2. Oqýlyq pen qosymsha derekterdi paıdalanýǵa, óz oılaryn erkin aıtýǵa, óz pikirlerin qorǵap, aqyn poezıasyn nasıhattap, ádebı tilmen sóıleýge daǵdylanady.
3. Týǵan jerdi saqtaý, ony aıanbaı qorǵaý sezimine baýlý, babalardyń erlik rýhyn sezindirý arqyly azamattyq tárbıe beriledi, ulttyq namysty qalyptastyryp, poezıany súıýge baýlıdy.
Sabaqtyń tıpi: jańa sabaq.
Sabaqtyń túri: shyǵarmashylyq sabaq.
Sabaqtyń ádisi: mánerlep oqý, toptastyrý, suraq - jaýap, toptyq jumys, sózdik jumys, BBÚ, oı tolǵanys.
Pánaralyq baılanys: tarıh, geografıa.
Kórnekiligi: aqynyń portreti, ómirderek – beıne slaıd, Mahambet kınosy, baǵalaý paraqshasy, mátin jazylǵan qıma qaǵazdar.

Sabaqtyń barysy
Uıymdastyrý.
1. Oqýshylar nazaryn sabaqqa aýdarý.
2. Oqýshylardy topqa bólý (túrli tústi qaǵazdardy tańdaý arqyly). (3 mın.)
Qyzyǵýshylyqty oıatý.
Mahambet týraly beınekórinis kórsetiledi.
Poster qorǵaý.
Beınekóriniske baılanysty suraq qoıylady:
– Iá, balalar, Mahambet kim? Isataı ekeýiniń halyqty kóteriliske bastaýynyń sebebi ne? Mahambet týraly ne bilemiz?
Baǵalaý. Oıyn júıeli baıandap, dáleldi pikirler aıta alýyna baılanysty baǵalanady.

Jańa sabaq.
«Meniń atym – Mahambet» óleńi oqylady.

Meniń atym – Mahambet,
Jasqustaǵy Jáńgir han
İsinen boldym qusa dert.
Atasy ótken Aıshýaq,
Sonyń kózi kórdi ǵoı.
Meniń atam – Ótemis
Eldiń qamyn jedi ǵoı, – degen jalyndy, otty sózder tek elim dep eńiregen erdiń aýzynan ǵana shyqpaq.
– Balalar, Mahambet nege qolyna qarý alyp atqa mindi?
– Mahambettiń aqyndyǵyn, batyrlyǵyn, kúıshiligin qalaı dálelder ediń?
– Jáńgir hannyń isinen nege ol qusa boldy?
– Atasy Ótemistiń eldiń qamyn jegen azamattyǵy týraly ne bilesińder?
(Eger Ótemistiń kim ekendigi týraly bilmese, ol málimet úı tapsyrmasyna qaldyrylady).
Ereýil atqa er salyp, egeýli naıza qolǵa alyp, qara qazan, sary bala qamy úshin qylysh sermep, otty tilin bezegen Mahambet babamyzdyń batyrlyq ári aqyndyq tulǵasy óz jyrlarynda qalaı kórinis tabady? Oqyp, taldap kórelik.
Toptyq tapsyrma. Oqýlyqpen jumys. Mahambet beınesi kórinetin óleńderin oqýshylar mánerlep oqıdy.

1 - top:
Men edim
Bozaǵashtan bıik men edim,
Bultqa jetpeı shart synban.
El qutqarar er edim, –
Jandaspaı aqyry bir tynban.
Tomaǵaly suńqar men edim –
Tolǵamaly naızamen
Tolyqsyp jaýǵa shapqanda,
Bir ozǵanmyn jurtymnan.
Er dushpany kóp bolar,
Qatyn – dushpan, jigitter,
Ne demes deısiń syrtymnan?!