InfoHub Logo

Búgingi mektep túlegi – erteńgi eldiń tiregi (trenıń sabaq)
Sabaqtyń maqsaty:
Oqýshylardyń bilim shyńyna talpynýda alǵashqy qadam jasaýlary úshin boılarynda qandaı qasıetter bolý kerek, nege beıimdelý kerektigi jaıly oılaryn bilý, oı bólisý.
Túri: Trenıń sabaq.
Kórnekiligi: Interaktıvti taqta, stıkerler t. b.

Kesh barysy.
Búgingi sabaqqa qandaı kóńil kúımen kelgenderińizdi anyqtaý úshin tústerdi tańdaı qoıyńyzdar. Al endi topqa bólineıik. Sýret qımalary arqyly bólinemiz.

Qurmetti oqýshylar! Sizder sábılik, balalyq shaqtan, jasóspirim shaqqa kelip jettińder. Árqaısyńyzdyń alǵa qoıǵan basty maqsattaryńyz bar: bul bilim shyńyna talpyný, júrekterińmen qalaǵan mamandyqtaryńyzdyń ıesi, óz eliniń erteńi, tiregi bolý.
Alǵashqy kezeń:«Túster qasıeti tańǵajaıyp».
Jańa ǵana qandaı kóńil kúıde otyrǵanyńyzdy anyqtaý úshin túster tańdaǵan bolatynsyzdar.
Qazir de ár túrli tústegi ústelderde otyrsyzdar, bul kezeńde ár top ózi otyrǵan ústeldiń túsin ómirmen, mamandyqpen, kóńil kúımen baılanystyra qorǵaıdy. Toptan bir adam sóıleýge bolady.

Ekinshi kezeń: «Paıda oılama, ar oıla,
Talap qyl artyq bilýge» (Abaı)
Ár topqa saýaldar beriledi, ortaq pikirge kelip, toptastyrý arqyly jaýap berý.
1. UBT - ǵa daıyndyq testerine barǵan kezderińde qandaı sezimde boldyńdar?
Qorqynysh sezimdi qalaı jeńer edińder?
2. UBT tapsyratyn oqýshynyń mindetteri qandaı bolý kerek?
3. Mamandyqtyń qandaı salalaryn bilesizder, sizdiń top músheleri qaı salalaryn tańdap otyr?

Úshinshi kezeń: «Talmasyn qanat, sónbesin úmit,
Armandar alǵa jalǵansyn» (Muqaǵalı)
1 - topqa. Siz sertıfıkat aldyńyz. Biraq qujat tapsyrar kezde siz tańdaǵan mamandyǵyńyz boıynsha tolyq aqparat alǵan kezde kóńilińizden shyqpady. (Oqıtyn ǵımaraty unamaýy múmkin, oqıtyn pánderińiz qyzyqtyrmaýy múmkin).
Siz ne isteısiz, sol mamandyqqa tapsyra beresiz be, álde basqa mamandyqty tańdar ma edińiz?

2 - topqa. Samat degen oqýshy UBT - ǵa úıińde únemi óz betimen daıyndalady, keıbir suraqtaryn ata - anasymen birlesip taldap ta otyrady. Biraq baqylaý synaqtarynda óz deńgeıinen kórine almaı keldi. Al mektepke kelgende muǵalimniń aıtqanyn tyńdamaıdy, artqy partaǵa baryp uıaly telefonmen oınap otyrady. Ata - anasy balasyna senimdi, al ustazdary Samattyń synaqtan durys nátıje kórsete almaıtynyn aıtyp, mektepte emtıhan tapsyrýyna úgitteýde... Samatty qalaı túsinesiń, ornynda bolsań ne ister ediń?

3 - topqa. Sen UBT bolatyn kúni qobaljydyń ba, álde densaýlyǵyń syr berdi me, túnimen uıyqtamadyń, ata - anań da qobaljydy. Tańǵa jaqyn ǵana kóz ildiń de mektepke jınalatyn ýaqyttan sál keshigip qaldyń. Basqa synyptastaryńnyń aldy. UBT ortalyǵyna ketip qalypty, sen ne isteısiń?

İV kezeń. Sergitý sáti: «Júrekten júrekke»
Shattyq sheńberin jasap júrek usyný arqyly UBT jaıly jaqsy tilekter aıtý.

V kezeń Qol - mıdyń jalǵasy.
San alýan mamandyq bar. Al, bizdiń tabıǵı beıimdiligimizge úńileıik:
Alaqan boıynsha mamandyq salasyn anyqtaý. Saýsaqtarymyzdy keńirek ashyp, aq paraqqa alaqanymyzdy túsireıik. Bas barmaqpen shynashaqtyń ortasyn O núktesimen belgilep, árbir saýsaqqa túzý syzyq júrgizemiz. O núktesin bileziktiń oń jaq, sol jaqtaryn da qamtımyz. Osy júrgizilgen syzba bólikterin syzǵyshpen ólshep shyǵaryńyz.

Qorytyndy:
1. Eger sizdiń alaqan syzyǵyńyzda bas barmaq pen O núktesi arasynda syzba bóligi uzyn bolsa, siz - basqarýshysyz.
2. O núktesi men suq saýsaq núktesiniń arasyndaǵy syzyq basqalarynan uzyn bolsa, sizdiń - qorǵaýshy áskerı qabiletińiz mol.
3. Ortan qol syzyǵy uzynyraq bolsa, siz - din adamy, saıasatker bolýǵa beıimsiz.
4. Aty joq saýsaq syzyǵy úlkenirek bolsa, siz ónerge beıimińiz mol, sýretshi, mýzykant, arhıtektor, dızaıner bolýǵa qabilettisiz.
5. Shynashaq syzyǵy úlkenirek bolsa, siz - dárigerlik shıpagerlikke beıimsiz.