InfoHub Logo

Mektepke barýdyń máni nede?

Bilim alý.

Durys pa?

Aqyldyraq bolý úshin.

"Siz kolejge barǵanda ıakı ýnıversıtetke túskende mekteptiń maǵynasyn túsinesiz" - dep muǵalimder kóp aıtatyn shyǵar. Biraq ol shyndyq. Jaqsy jumysqa qabyldaý kezinde alǵan bilimińizdiń qadir-qasıetin túsinesiz. Iaǵnı sabaqta otyrǵan ýaqytyńyzdyń  maǵynasy bar. Úı tapsyrmasyn oryndaýdyń maǵynasy bar.

Al mektepke barýdyń qajeti joq ekenin aıtatyn synyptastar, kolejge barǵanda nemese maman bolǵanda oqýshy bolǵan kezeńin saǵynady. Al óz isin mekteptegi biliminsiz ózderi jasaǵan adamdar - olar áli kúnge deıin ómirden sabaq alýda. Joǵalǵan, ýaqytynda jasalmaǵan dúnıelerdi jasaýda.

Barlyq tabysty adamdar sabaq alady,meıli mekteptegi ustazdardan bolsyn,meıli ómirden bolsyn. Sebebi adamdardyń talǵamy ózgeredi, tańdaýy ózgeredi. Adamdar ózgergen soń,zaman da soǵan yńǵaılasady. Búgin bolmaǵan dúnıe erteń paıda bolsa,onyń paıdasy men qoldanylýyn adamdar úırenedi. Sebebi, bul ómir zańy, ózgelerdegideı bilim deńgeıiń bolmasa, bul dúnıede ómir súrý qıynǵa túsedi.

Árkimniń óz tańdaýy bar, ol ras. Biraq,sizge asyqpaýǵa keńes berer edim. Sebebi, balalyq shaǵyńyz, mekteptegi oqýshy kezeńińiz,kolejdegi stýdent ýaqytyńyz, tolyq aıtqanda ótken ýaqytyńyz endigi oralmaıtyn dúnıe. Kózińizdi ashyp-jumǵanyńyzdaı bul ómir de zýlap óte shyǵady. Sondyqtan, kez-kelgen dúnıeniń ýaqyty men orny bar, jáne ony asyqtyrý qajet emes dep bilem.

Nazar aýdarǵandaryńyzǵa rahmet!

---