InfoHub Logo

Mektepti ózgertý úshin, maǵan ne isteý kerek?
Refleksıvtik esep.
«Durys áreket - maqsatqa jetkizer joldy durys tańdaýdan bastalady»- degen eken, ǵulama ǵalym Ábý Nasyr Ál - Farabı. Mektepke ózgeristi neden bastaý kerek?- degende eń aldymen ǵalymnyń osy sózi esime tústi. Endeshe, ózgertý úshin, eń aldymen, tıisti is - sharalar josparynyń nobaıy qurylýy kerek - dep oılaımyn.

Meniń bilýimshe, jospardy jasamas buryn,«Jańa sıkl týraly» aqparat jınaqtaý qajet. Iaǵnı, úderis bastalmas buryn bul jumysqa mektep ishinde jáne mektepte istemeıtin adamdardan kimderdi tartý jáne olardy qalaı tartýdy, oılastyrý, mekteptiń qundylyqtaryn, maqsattaryn, damý tujyrymdamasyn qaıta qarap, ujym qandaı jetistikterge jetkisi keletinin sheship alý kerek. Buǵan kómektesetinder tek qana mektep ákimshiligi emes, osy mektepte oqıtyn ata - analardyń balalary, aýyl ákimi, jergilikti turǵyndar, kásipodaq, psıholog, med. bıkeler, demeýshi uıymnyń ókilderi, mektep ustazdary jáne birlestik jetekshileri bola alady. Osylaı birlese jumys jasaǵanda, nátıjesi bolady.

Bul jaǵdaı Ulybrıtanıada jasalǵan zertteýler negizinde dáleldenipti. İzdenis kezinde oqyp tanystym. Sondyqtan mekteptiń damý jospary men basymdyqtar dırektordyń kabınetinde shań basyp jatpaı, jyl saıyn qaıta qaralyp otyrýy qajet. «Basymdyqtardy belgileý» kezeńinde mektep basshysy men basqarýshy organdar kelesi oqý jylynyń basymdyqtaryn anyqtaıdy, is – sharalaryn josparlaıdy. Basymdyqtar sany olardyń basqarýyna bolatyndaı mólsherde bolýy, ıaǵnı, mektepti jetildirýde, basshylyqqa alatyn negiz bolýy tıis. Jospardaǵy shyǵyndar shynaıy, al atqarylatyn is - áreketter ońtaıly bolýy kerek.«İske asyrý jáne monıtorıńi» kezeńinde josparlanǵan is - sharalardy júzege asyrý qajet. Bul, árıne, mektep tájirıbesin jaqsartýǵa yqpal etetindigimen mańyzdy. Monıtorıń kezinde jumys josparyna sáıkes, tapsyrmalardyń oryndalýyn tekserý, tabys krıterıılerin esepke ala otyryp, bastamanyń yqpaly týraly málimetter jınaý, taldaýdy esepke ala otyryp, is - sharalar jospary men úderisterdi pysyqtaý qajet. Buǵan baǵalaý kezeńinde monıtorıń júrgizý barysynda alynǵan derekterdi taldaý jáne jumys nátıjeleri týraly qorytyndy shyǵarý kiredi. Maqsatqa qanshalyqty qol jetkizgenin baıqaý úshin tabys krıterııleri esepke alynady. Biz osylaısha, mektebimizdiń qundylyqtaryn, maqsaty men damý tujyrymdamasyn qaıta qarastyra otyryp, jospardy jańǵyrtyp, keıingi sharalardy júzege asyrýda jumystar jasaýymyz qajet.

Sonymen, kóshbasshy muǵalim retinde mektepke ózgeris engizý úshin men mekteptiń sandyq jáne sapalyq derek kózderin qoldandym.
Áriptestermen birge toptyq jumystardy oryndaý kezinde is - áreketterdiń ártúrli formalary men júıelerin iske asyra otyryp, kóptegen jumys túrlerimen tanystyq, ony kúndelikti is - tájirıbede paıdalanýda belgili bir nátıje alýǵa bolatynyn uǵyndym.
Qazirgi tańda ótip jatqan áleýmettik - ekonomıkalyq ózgerister jaǵdaıynda Qazaqstannyń álemdik bilim berý keńistigine enýi kezinde muǵalimniń jeke tulǵa retindegi, onyń kásibı biliktiligi aıryqsha mánge ıe bolýda, óıtkeni ol mekteptegi dástúrdiń jalǵastyrýshysy men jańarýynyń kepili bolyp otyr. Qaı kezde de bilim bastaýy mektepten bastalady. Sondyqtan mektep mádenıeti, muǵalimderiniń shyǵarmashyl bolýy, bul barlyq ýaqytta da baǵaly.